Maahtiyo 3
3
Cwaan Siika'antaakewinini
(Mark 1.1-8; Luke 3.1-18; John 1.19-28)
1Ninkotink itahsh iko Cwaan (John) Siika'antaakewinini kiihtakohshin ekii'-maaciiwiintamaaketc i'imaa pikwatahkamikonk Cootiiyaahkaank#3.1 pikwatahkamikonk Cootiiyaahkaank: mii hsa 'owe pikwatahkamik ninkaapii'anonk inahke kaashi ayaak Cwaartanawi Siipink. Pehsho kii'‑ishiayaa kaaishi saakiiwank KaaShiiwihtaakanaakamik Saaka'ikaniink. (Judea), 2#Mat 4.17; Mrk 1.15. ekii'-ihkitotc: “Kwehkaatisik onci kimacitootamowiniwaank! Aasha pehshonaakwan i'i Kishemanitoo cioshihsitootc oTipencikewin!”#3.2 Kishemanitoo cioshihsitootc oTipencikewin: waapantan Kishemanitoo oTipencikewin ihkitowinan kaashi oshipii'ikaatekin. 3#Isa 40.3. Cwaan tahsh kaakiih tashimikookopanen ini Aaiseyawan (Isaiah) Kishemanitoo otipaacimowininiiman ahpii ekii'-ihkitonikopanen mewisha:
“Peshik awiya tashi shaakowe pikwatahkamik,
‘Oshihtamawihk keishaatc a'a kaaTipenciketc,
kwayahkomohtamawihk i'iweni omiihkanaam kaawii'ishi pimohsetc.’ ”
4Miitahsh o'o Cwaan kaa'ishihkonayetc, pihkwaawikanewimihtatim opiiwayan kii'onci oshihcikaateni kekishkank, pashkwekinweyaapiini kiihkihcihpiso. Pahpahkine' itahsh okii'-amwaa', aamoowisiinsipaahkwatooni kaye okii'-miicin. 5I'i tahsh awiya' kaakiih pinaasihkaakotc Ceroosalamink (Jerusalem) kii'onciiwa', i'imaa kaye misiwe Cootiiyawahkiink, i'imaa kaye misiwe pehsho Cwaartanawi siipiink (Jordan). 6Okii'-wiintaanaawaan itahsh omacitootamowiniwaan, Cwaan tahsh okiih siika'antawaa' i'imaa Cwaartanawi siipiink.
7 #
Mat 12.34; 23.33. Ahpii tahsh Cwaan e'waapamaatc niipiwa' ehpianta siika'antaasonitc iniweniwa' Perahsii' (Pharisees), Saacahsii' (Sadducees) kaye, o'o tahsh okii'-inaa': “Kiinawaa kaakinepikowiyek! Awenen kaakii'-ininek cikashkihtooyek cipanishkaakoyek Kishemanitoo onishkaatisiwin kaawiih piishaamakaninik? 8Kekoonan itahsh ishihcikek cinaakohtooyek kekeht iko ekiih kwehkaatisiyek i'imaa kimacitootamowiniwaank. 9#Jhn 8.33. Mihsawaa piko aana ihkitoyek ‘Eparahaam (Abraham) ninkihciaya'aaminaapan’, kaawiin kekoon kikaishi wiici'ikohsiim. Kiwiintamawininim, Kishemanitoo otaakashki'aa' i'i ahsinii' ci‑inawemaanihpan ini Eparahaaman. 10#Mat 7.19. Waakaahkwat tahsh ta‑aapatan cikiishkata'ontwaa iki mihtikook kikiciipihk. A'aweti tahsh mihtik kaanihtaawiki'aahsik wenishihshininitc shoomina' takawa'waa, tamacohtewepinikaniwi kaye. 11Nipiink itahsh niin kitishi siika'antawininim cikihkenimikooyek ehkwehkipimaatisiyek. A'a tahsh wiin kaawiih pitakohshink Kishemanitoon otAhcaahkoniink, ishkotenk kaye kikaishi siika'antaakowaa. Nawac wiin ishpentaakosi ahpiihc niin. Kaawiin ninte ahpiihtentaakosihsii cipimiwitaawak omahkisinan. 12Taapishkoo inentaakosi kihtikewinini kaatahkonank opawiwepa'ikanaahtik, ewiih pawaahshimaatc opahkweshikaniminan. Oka na'inaan itahsh opahkweshikanimanoominiman. Oka macohtewepinaan tahsh wiin mashkohsiini i'imaa wiihkaa kaashi aahtawehsininik ishkoteni.”
Ciisahs osiika'antaasowin
(Mark 1.9-11; Luke 3.21-22)
13Ciisahs tahsh Kaalaliink (Galilee) kiihpi oncii ekiih pinaasihkawaatc ini Cwaanan (John) cisiika'antaakotc i'imaa Cwaartanawi siipiink (Jordan). 14Cwaan tahsh okii'-inaan Ciisahsoon: “Takwac niin kitaa siika'antaw. Shaakooc itahsh kipinaasihkaw.”
15Ciisahs tahsh okii'ishi nahkwehtawaan: “Haw maano i'iwe taishihse ci‑ishihcikeyank aaniin kaashi mihsawentank Kishemanitoo.” 16Ahpii tahsh Ciisahs kaa'ishkwaa siika'antaasotc, ekii'ani akwaasiitc, kihcikiishik kiihpaahkinikaateni, okii'-waapamaan Kishemanitoon otAhcaahkoni ehpinaasihkaakotc taapishkoo piko omiimiinhsink ekii'-ishinaakosinitc, ehpipooniihsantaakotc. 17#Gen 22.2; Psa 2.7; Isa 42.1; Mat 12.18; 17.5; Mrk 1.11; Luk 9.35. Kii'-noontawaa tahsh awiya ehkiikitotc i'imaa kihcikiishikonk: “Mii wa'a ninKosihs kaasaaki'ak. Aahpici niminwaapamaa.”
Currently Selected:
Maahtiyo 3: OJBR
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Roman Script) © 2008 Canadian Bible Society