Maahtiyo 4

Okakweci'ikoowin a'a Ciisahs

(Mark 1.12-13; Luke 4.1-13)

1 # Heb 2.18; 4.15. Ciisahs tahsh okii'-ishiwinikoon Kishemanitoon otAhcaahkoni weti pikwatahkamik ci⁠kakweci'ikotc ini maciaya'aan. 2Niimitana tahsokiishik, niimitana tahsotipihk kaye kaawiin Ciisahs kii'onci wiihsinihsii. Wiinke tahsh kii⁠noonteskate. 3Kekeht itahsh maciaya'aan okiih pinaasihkaakoon ekii'-ikotc: “Kiishpin tepwe eyaawiwanen Kishemanitoo oKosihsan, kanoosh oko ahsiniik ci⁠pahkweshikaniwiwaatc,” ekii'-ikotc.

4 # Deu 8.3. Ciisahs itahsh okii'ishi nahkwehtawaan: “Ishipii'ikaate: Kaawiin wiin i'imaa taonci pimaatisihsii awiya pahkweshikanan ehta kaa‑amwaatc, 'imaa tahsh wiin kaa⁠tahso peshikwaninik Kishemanitoon kaa⁠ihkitonitc, taonci pimaatisi,’ ” okii'-inaan.

5Miinawaa tahsh maciaya'aan okii'-ishiwinikoon i'imaa Kishemanitoon otootenaaminiink i'imaa Ceroosalamink (Jerusalem), ekii'-ishiwinikotc maawac iko kaaishi ishpaanik i'i Kihcianami'ewikamik ekii'ishi niipawi'ikotc, 6#Psa 91.11; 12. ekii'-ikotc: “Kiishpin eyaawiwanen Kishemanitoo oKosihsan, taka pinipani'on, aaniihsh kii'‑ishipii'ikaate:

‘Kishemanitoo oka kanoonaa' otencalima' ci⁠kanawenimihkwaa,

kika minciminikook i'imaa oninciiwaank

ci⁠wiihsakihshinsiwan kisitink i'imaa kaashi ahsiniihkaak,’

ishipii'ikaate,” okii'-ikoon maciaya'aan.

7 # Deu 6.16. Ciisahs tahsh okii'-nahkwehtawaan: “Miinawaa ishipii'ikaate: ‘Keko kakweci'aahken kaaTipenciketc kiKishemanitoom taka ci⁠kanaweniminohkwen.’ ” 8Keyaapi okii'-ishiwinikoon maawac iko eshi ishpatinaanik, ekii'-waapanta'ikotc kahkina tipencikewinan o'omaa ahkiink, kaye aaniin maawac eshi kihci inentaakwahkin. 9Miitahsh kaa'⁠ikotc: “Kahkina ono kika miinin kiishpin ociciinkwaniihtawiyan, kihci inenimiyan kaye.”

10 # Deu 6.13. Ciisahs okii'-nahkwehtawaan: “Inkoci ishaan kiin Setan (Satan)! Miinawaa ishipii'ikaate: ‘KaaTipenciketc kiKishemanitoom wiinehta ko kika kihci inenimaa.’ ”

11Okii'-nakanikoon tahsh ini maciaya'aan. Encala' itahsh okiih pinaasihkaakoo' ekii'-wiici'ikotc.

Ciisahs kaakii'ishi maatanohkiitc

(Mark 1.14-15; Luke 4.14-15)

12 # Mat 14.3; Mrk 6.17; Luk 3.19-20. Ciisahs tahsh ahpii kaa'⁠noontank Cwaanan (John) ekiih tahkonikaniwinitc,#4.12 Cwaanan e⁠kiih tahkonikaniwinitc:mii'i kaa⁠kii'-onci tahkonikaniwitc a'a Cwaan Siika'antaakewinini, aaniihsh kii'⁠anoohkiiwan ini Herat Entihpahsoon (Herod Antipas) kaa⁠kiih pitipentaminitc ahkiin Kaalalii (Galilee) Poriiya (Perea) kaa⁠kii'-ishinihkaatenikin. Kaalaliink (Galilee) inahke kii'‑ishaa. 13#Jhn 2.12. Kaawiin tahsh wiin kiih⁠kipihciihsii i'imaa Naasaritink (Nazareth). Miitahsh weti kaa'ani ishaatc ekii'-ishitaatc i'imaa ootenaank Kaparniyamiink (Capernaum) i'imaa ciiki saaka'ikaniink Kaalaliink, i'imaa Sepiyolan (Zebulon) ahkiink kaye Naapihtalaai (Naphtali) ahkiink#4.13 Sepiyolan ahkiink, Naapihtalaai ahkiink: mii hsa 'owe kaa⁠icikaatek ahki kaa⁠kii'-ishi kapeshiwaakopanen iki niishwewaan Cekaponk (Jacob) kaa⁠kii'-ontahkaanesiwaatc. Ono tahsh ahkiin kii'‑ishi'ayaawan ninkaapii'anonk inahke kaa⁠kii'-ishi'ayaak Kaalaliiwi Saaka'ikan. kaa‑ayaak ootena. 14Miitahsh o'o kaakii'onci ishihsek mayaa piko ci‑ishihsenik kaakii'-ihkitokopanen a'a tipaacimowinini Aaiseya (Isaiah) kaakiih-kanootamawaatc Kishemanitoon, 15#Isa 9.1-2. i'iweniwa' kaakiih tashimaatc i'iweniwa' kaa⁠ishitaanitc i'imaa Sepiyolan ahkiink kaye Naapihtalaai ahkiink, i'imaa ciikew kihcikamiink, waapanonk inahkekaam Cwaartanawi siipiink (Jordan), i'imaa Kaalalii ahkiink weti kaashi ayaawaatc kaa⁠Coowiwihsikwaa. 16Miitahsh o'o kaa'⁠ihkitotc Aaiseya:

“Iki tahsh kashkiitipihkanonk kaa‑ayaawaatc

oka waapantaanaawaa i'i kihciwaahseyaasiwin.

Iki kaye kaa⁠tashipimaatisiwaatc i'imaa ahkiink nipowin kaashi paahtiinatininik,

ta⁠waapancikaate i'i kaa⁠waahseyaak.”

17 # Mat 3.2. Miitahsh i'i ahpii Ciisahs kaakii'-maacii papaawiintamaaketc ekii'-ihkitotc: “Kwehkaatisik kimacitootamowiniwaan onci, aasha ocihcihse a'a Kishemanitoo ci⁠oshihsitootc oTipencikewin.”#4.17 Kishemanitoo ci⁠oshihsitootc oTipencikewin: waapantan 3.2.

Ciisahs okanoonaa' kiikooyihkewininiwa' ci⁠piminisha'okotc

(Mark 1.16-20; Luke 5.1-11)

18Ciisahs tahsh mekwaa eh⁠pimohsetc i'imaa kihcisaaka'ikaniink Kaalalii (Galilee) okii'-waapamaa' niishin (2) e'⁠wiicihkiweyintinitc eh⁠pakita'waanitc. Aaniihsh kiih⁠pakita'wewinininiiwiwa'. Saaiman Piitar (Simon Peter) tahsh a'a peshik kii'‑ishinihkaaso, kotak itahsh Entaroo (Andrew) kii'‑ishinihkaaso. 19Ciisahs tahsh okii'-inaa': “Ampeyohk, wiiciiwihshik! Kaapi inanohkiiyek eh⁠pakita'waayek, noonkom itahsh kika maaciikihkino'amawininim ci⁠piitamawiyek pemaatisiwaatc.” 20Shemaak itahsh okii'-maaciwiiciiwaawaan, ekii'-nakanaawaatc kahkina otahsapiiwaa'. 21Miinawaa tahsh Ciisahs okii'ani waapamaa' niishin ininiwa' ehtashi pakwa'ahsapiinitc piinciciimaanink otetewaan e'⁠wiici'aanitc. I'i tahsh ininiwa' kii'⁠wiicihkiwentiwa' ekii'-ishinihkaasonitc Ciimis (James) shikwa Cwaan (John). Oteteni tahsh Sepatii (Zebedee) kii'‑ishinihkaasowan. Ciisahs tahsh okiih kanoonaa'. 22Shemaak itahsh okii'-nakataanaawaa ociimaaniwaa, okii'-nakanaawaan kaye otetewaan, ekii'ani wiiciiwaawaatc Ciisahsoon.

Ciisahs eh⁠papaakihkino'amaaketc, e'⁠wiintamaaketc minwaacimowin, e'⁠minoayaa'iwetc Kaalalii ahkiink

(Luke 6.17-19)

23 # Mat 9.35; Mrk 1.39. Misiwe tahsh Ciisahs kii'‑ishaa i'imaa Kaalalii (Galilee) ahkiink ekiih papaakihkino'amaaketc misiwe Coowa' otanami'ewikamikoniink#4.23 ekiih⁠papaakihkino'amaaketc Coowa' otanami'ewikamikoniink: Mekwaa hsa eh⁠piintinkenaaniwaninik awenen hsa piko tino Coo kiih⁠kanoonaa ci⁠waawiintamaaketc ci⁠nihsitohtaminitc opiintike' eshihsininik Kehtemasina'ikan, aaniin kaye mayaa ke⁠ishihcikenitc kwayahk ci⁠piminisha'ikaatenik i'i kaa⁠tashintank. ekii'-wiintamaaketc kaye minwaacimowin i'iwe Kishemanitoo wiipa kaawii'-oshihsitootc oTipencikewin, ekii'-minoayaa'aatc kaye kahkina kaa‑aakohsinitc aaniin iko e'⁠inaahpinenitc. 24Misiwe tahsh kii'⁠noontaakaaniwi i'imaa Siiriya (Syria) ahkiink,#4.24 Siiriya ahkiink: i'i hsa ahkiini Isriyalak (Israel) kaa⁠kiih tanahkiiwaatc kii'‑ishiayaani i'imaa Siiriya (Syria) ahkiink, Oroomink (Rome) kaa⁠kii'-onci tipentaakwaninik. aahpici tahsh kiih⁠paahtiinowa' kaakiih piitamawintc i'i otaahkosii' pepahkaan e'⁠inaahpinenitc. Iki tahsh otaahkosiik aaninta maciahcaahkwa' okiih kikishkaakowaa', aaninta kaye kii'⁠ocipinikowaahpinewa', aaninta kaye kii'⁠mamaancikowaahpinewa'. Ciisahs tahsh kahkina okii'-minoayaa'aa'. 25Aahpici kiih⁠paahtiinowa' kaakiih piminisha'okotc. I'imaa tahsh kii'⁠onciiwa' Kaalalii ahkiink, weti kaye Mitaahso Ootenaawi Ahkiink#4.25 Mitaahso Ootenawi Ahki (Decapolis): mii 'iwe ahki kaa⁠kii'-ishimitaahcinkin ootenawan, peshikwan e'⁠onci tipentaakwahkin okimaawiwinink. Waapanonk inahke Kaalaliiwi ahkiink kii'‑ishiayaa i'i ahki. (Decapolis), Ceroosalamink (Jerusalem), Cootiiyaahkaank (Judea), weti kaye ahkiink akaamaya'ii Cwaartanawi siipiink (Jordan).

Currently Selected:

Maahtiyo 4: OJBR

Highlight

Copy