Maahtiyo 2
2
Ekii'-mawatihsaawaatc Ciisahsoon ikiweniwak kaanaakaci'aawaatc wanankohsha'
1Ciisahs tahsh kii'‑ishinihtaawiki i'imaa ootenaank Pehtalihemiink (Bethlehem) i'imaa ahkiink Cootiiya (Judea) kaakii'-ishinihkaatenik ahpii Herat (Herod) kiikihciokimaawitc.#2.1 Herat: mii hsa 'awe Maawac Niikaan Herat kihciokimaa kaakii'-ishinihkaasotc, kahkina kaakiih tipentank ahkiini i'imaa Isriyal (Israel) ahkiink. Miitahsh i'i ahpii kiihpiishaawak i'imaa Ceroosalamink (Jerusalem) ikiweniwak ininiwak kaananaakaci'aawaatc wanankohsha' waapanonk kaakii'-onciiwaatc. 2Miitahsh kii'‑ihkitowak: “Aanti a'awe apinoonciish kaanihtaawikitc kaawii'-okimaahkantawaatc i'iweniwa' Coowa'. Ninkii'-waapamimaanaanin ohsha ini owanankohshiman i'iweti waapanonk, miitahsh kaaonci piishaayaank ewii'-ociciinkwaniihtawankitc.”
3Ahpii tahsh kaa'noontank a'a Herat wiinke kii'mikoshkaatentam, iki kaye kahkina kaakii'-ayaawaatc i'imaa Ceroosalamink. 4Kahkina tahsh okii'-antomaa' i'i Kihcianami'ewikimaa', kaakihkino'amaakenitc kaye Onaahkonikewin, miitahsh kaa'ishi kakwecimaatc: “Aanti kaawii'ishi nihtaawikinitc ini Kishemanitoo kaakii'-ahshotamaaketc cipimaaci'iwenitc?”#2.4 Wa'a kaakii'-onenimintc cipimaaci'iwetc Kishemanitoon kaakii'-ahshotamaakenitc cipiishaatc ahkiink, mii hsa wa'a Christ kaainintc.
5Miitahsh Herat kaa'ishi nahkwehtawintc: “I'imaa hsa ootenaank Pehtalihemiink i'imaa ahkiink Cootiiya taishi nihtaawikii, aaniihsh Kishemanitoo mewisha kaakiih kanootamaakotc o'o kii'‑ishipii'ikewan:
6 #
Mic 5.1. ‘I'iwe hsa Pehtalihem i'imaa kaa‑ayaak ahkiink Cootahkaank (Judah),
kaawiin pankii inakintehsinoon imaa kaakihci inentaakwahkin ootenawan Coota ahkiink.
Mii ohsha 'imaa Pehtalihemiink kaawii'-onciitc a'a kaawiiniikaaniihtamaaketc
kekihkinowinaatc kaye nintoopimaatisiima' i'i Isriyala' (Israel), kii'‑ihkito kaaTipenciketc.’ ”
7Herat tahsh okiih kiimoocikanoonaa' iniweniwa' ininiwa' waapanonk kaakii'-onciinitc, kaye okiih kakwecimaa' aaniin mayaa ahpii kaa'naakosinitc ini wanankohshan. 8Miitahsh kaa'ishi ishinisha'waatc i'iweti Pehtalihemiink ekii'-inaatc: “Maacaak, weweni kakwe mihkawihk a'a apinoonciish. Kiimihkawek itahsh pi wiintamawihshihkek keniin hsa ciociciinkwaniihtawak,” okii'-inaa'.
9Shemaak itahsh kii'maacaawak. Miinawaa tahsh okii'ani waapamaawaan ini wanankohshan kaakii'-waapamaawaatc waapanonk, ekii'ani niikaaniihtamaakowaatc, piinihsh eni otihtaminitc ekii'ani kipicishkaanitc tipishkoo kaaishi ayaanitc ini apinoonciishan. 10Aahpici tahsh kiihkihci moocikentamook ahpii kaawaapamaawaatc ini wanankohshan. 11Miitahsh kaa'ishi piintikewaatc i'imaa waahkaa'ikanink, ekii'-waapamaawaatc ini apinoonciishan, kaye omaamaani Meriin (Mary). Shemaak itahsh okii'-ociciinkwaniihtawaawaan ini apinoociishan ekiih kihci inenimaawaatc. Miitahsh kaa'ishi paahkinamowaatc omashkimotiwaan kihcikekoonan ekii'-miinaawaatc, osaawi shooniyaan, minaahsikanini (frankincense)#2.11 minaahsikanini (frankincense): mii hsa'owe kaaminomaakwahk minaako'on kaakii'-apatahk kiipakitinaahsonk. kaye, pikiwi minaako'onini(myrrh)#2.11 pikiwi minaako'onini (myrrh): mii hsa 'owe minaako'on kaakii'-onci oshihcikaatek mihtikopikiink. kaye.
12Kiihpawaamowak itahsh ekiih kihkentamoonikowaatc Kishemanitoon cikiiwe ishaahsikwaa weti Heratan kaaishi ayaanitc. Pahkaan itahsh inahke kii'ishi kiiwewak otahkiiwaank.
Ekii'ishi tapasiiwaatc Coosap, Meri, Ciisahs, Iicipahkiink
13Ahpii tahsh kaa'ani maacaanitc iniweniwa' ininiwa', Kishemanitoo otencaliman okiih pinaasihkawaan Coosapoon (Joseph) i'imaa inaapantamowinink kaakii'-inaatc: “Wanishkaan, maaciipa'iwek a'a apinoonciish kaye omaamaan, Iicipahkiink (Egypt) ahpa'iwek. Miitahsh weti keayayaayan paamaa kanooninaan maacaahkan. Herat (Herod) kihciokimaa oka kakwe mihkawaan ewii'-nihsaatc ini apinoonciishan.”
14Shemaak itahsh Coosap kii'wanishkaa ehtipihkaninik ekii'-maacipa'iwewaatc ini apinoonciishan, omaamaani kaye, Iicipahkiink ekii'-ahpa'iwewaatc. 15#Hosea 11.1. Miitahsh i'imaa kaa'ishi ayaatc piinihsh ekii'-ishkwaapimaatisinitc Heratan. Miitahsh i'i ahpii paanimaa kaakiih pikiiwewaatc. Miitahsh o'o kaakii'onci ishihsek mayaa piko ci‑ishihsenik kaaTipenciketc kaakii'-ihkitokopanen ekii'-aapaci'aatc otipaacimowininiiman kaakiih kanootamaakotc: “Ninkiih kanoonaa ninKosihs cisaaka'ank i'imaa Iicipahkiink,” ekii'-ihkitotc.
Herat ekii'-inahshowetc cinihsimintc apinoonciisha'
16Ahpii tahsh Herat (Herod) ekii'-waapantank ekiih pikiiwe wiintamaakohsik i'i ininiwa' waapanonk kaaonci initc, aahpici kiihkihcinishkaatisi. Miitahsh kaa'inaahkoniketc kahkina cianta winihsimintc kwiiwisenhsa' i'imaa Pehtalihemiink (Bethlehem) kaa‑ayaanitc kaye pehsho 'imaa kaa‑ayaanitc, kaaniishopipoonwenitc (2) nawac kaye kaaoshkaatisinitc cinihcikaniwinitc. Aasha mii'i niishopipoon kii'‑ishihsenik ahpii a'a wanankohsh nihtam kaakii'-naakosikopanen.
17Shikwa mii'i kaakii'-ihkitokopanen a'a Ceramaaya (Jeremiah) kaakiih kanootamawaatc Kishemanitoon, mayaa piko kii'‑ishihseni.
18 #
Jer 31.15. “Kekoon noontaakwan i'imaa Oremaank#2.18 Ootena 'owe Oremaa (Ramah) kaaicikaatek, ciikaya'ii kaakii'-ayaak Ceroosalamink. Miitahsh i'imaa Orehcal (Rachel) kaakii'-ishina'inaawintipanen, Cekap (Jacob) kaakii'-ishinihkaasonikopanen onaapeman. Okosihsa' itahsh Coosap (Joseph), Penciman (Benjamin) kii'‑ishinihkaasowa'. (Ramah),
mii'i enihtaakwahk taapishkoo awiya ehkihcimawitc kaye ehkakwaatakatemotc,
Orehcal (Rachel) e'mawimaatc oniicaanihsa',
kaawiin kaye kashki'aahsii ciminwentank,
aaniihsh kahkina kii'nipowa'.”
Mii weti Iicipahkiink ekiihpionci maaciinikotc oniiki'ikoo' Ciisahs
19Ahpii tahsh Herat (Herod) kaa'ishkwaapimaatisitc, Coosap (Joseph) okii'-waapamimaan ini kaaTipencikenitc otencalimimi i'imaa inaapancikanink 20ekii'-ikotc: “Wanishkaan, maaciish a'a apinoonciish, omaamaan kaye, i'iweti ishi kiiwen ahkiink Isriyal (Israel) kaaishinihkaatek. Aaniihsh aasha kahkina kii'nipowak iki kaawii'-nihsaawaahpan ini apinoonciishan.” 21Shemaak itahsh Coosap kii'wanishkaa ekii'-maaciinaatc ini apinoonciishan, omaamaani kaye, Isriyalihkaank ekii'ishi kiiwewinaatc. 22Kiihkohtaaci tahsh Cootiiyawahkiink (Judea) ci‑ishaatc, aaniihsh kii'ishi noontam Aarhkileyahsoon (Archelaus)#2.22 Aarhkileyahs (Archelaus): mii hsa wa'a kaakii'-okosihsimikotc Maawac Niikaan Herat (Herod) kaakii'-ishinihkaasonitc. Mii hsa wa'a kaakiih tipentank ono ahkiin Cootiiya (Judea), Sameriya (Samaria), i'i kaye Icomiiya (Idumea); 4 (B.C.) piinish 6 (A.D.) kii'‑ishipii'ikaatenikin kihkinoonowinan. ehkihciokimaawinitc ekii'-naapishkawaanitc ini ohsipaniin Heratan. Kiihkanoocikaniwi tahsh Coosap (Joseph) i'imaa inaapantamowinink, miitahsh kaa'ishi ishaatc i'iweti nahke Kaalaliiwi (Galilee) ahkiink. 23#Isa 11.1; Mrk 1.24; Luk 2.39; Jhn 1.45. I'imaa tahsh ootenaank Naasarit (Nazareth) kaakii'-ishinihkaatenik mii 'imaa kaa'ishi kapehshitc. Miitahsh o'owe miinawaa kaakii'onci ishihsek mayaa piko ci‑ishihsenik mewisha kaakiihpi ihkitowaakopanen iki kaakiihpi kanootamawaawaatc Kishemanitoon ehtashimaawaatc iniweniwan Kishemanitoo kaakii'-ashotamaaketc cipimaaci'iwenitc: “Mii'iwe keinintc, Naasaritink e'onciitc,” kii'‑ihkitowak.
Currently Selected:
Maahtiyo 2: OJBR
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Roman Script) © 2008 Canadian Bible Society