SOERA NEHEMIA FAZA 4.
FAZA 4.
I. Faʼoedoesa Ndrawa Zamaria ba niha Jehoeda. II. Mangaró niha Jehoeda wanohoegõ fangaʼazõchi õli.
1I. Ba me irongo Sanabala laʼaʼazõchi gõli, ba mofõnoe ia ba abao sibai dõdõnia. Ba iʼigiʼigiʼõ niha Jehoeda. 2Imane, ba zi so talifoesõnia, awõ zabõlõ Ndrawa Zamaria: ”Hadia nilaoe niha Jehoeda samomó andrõ? Hadia, lafoeli labõhõli dania? Hadia, mameʼe soemange ira dania? Hadia, laʼasiwai maʼõchṍ? Hadia, lafoeli lafahalõ gara adoedoela andrõ, si no fabali ba galitõ?” 3Ba no so ba ngainia Dobia andrõ, Iraono Gamoni, ba imane daʼõ: ”Alacha lalaoe, ba na mõi jaw̃a nasoe, ba adoedoe gõli kara andrõ chõra ibeʼe!” 4Fondrondrongo, jaʼoegõ Lowalangima, he wisa wa lõ ba dõdõ niha bõʼõ ndraʼaga! Beʼe mangawoeli ba hoeloera wangoʼajara andrõ, ba beʼe niʼoloiʼõ ba danõ bõʼõ ira, ba beʼe niraboe zi so chõra. 5Bõi baloegõ lalõra, ba bõi boenoe [ba zoera] horõra, fõnamõ; me no laʼandrõ wõnoemõ, ba zanehe zangazõchi õli andrõ! 6Ba sangazõchi õli ndraʼaga, ba tedoehõ gõli, maʼasara, iroegi zi matonga waʼalaw̃ania, ba no owõlõʼõlõ sibai niha sato ba halõw̃õ andrõ. 7Ba me larongo ira Sanabala Tobia ba Dawa Ara ba Iraono Gamoni ba banoea Gasoto andrõ, teʼazõchi gõli Jeroezalema ba ibõrõtaigõ tedoehõ zabõcha andrõ, ba mofõnoe sibai ira, 8ba mõi ira ba hõloe, dozi ira, lafaʼaso ira, lawaʼõ, ba wanoewõ Jeroezalema ba ba wangalani jaʼira.
9II. Ba mangandrõ ndraʼaga chõ Lowalangima, ba bongi maʼṍchõ mafataro zanaro, ba chorā andrõ, faʼataʼoema ira. 10Ba lamane mado Joeda: Erege dõdõ zanaʼoe andrõ, me no abõlõ fahõna gadoedoela, ba tobali tebai maʼazõchi gõli andrõ. 11Ba lamane oedoema andrõ: Alacha lõ larongo ba alacha lõ laʼila, irege no taroegi bacha hoenõra, ba taʼõʼõtõ ira ba tebato halõw̃õ tabeʼe! 12Ba me so niha Jehoeda, banoea sahatõ chõra, me no mato mewoeloe law̃aʼõ chõma, dozi banoea: Lõ tola lõ mifoeli ami chõma! 13Ba oefataro niha, sawoesawōē, ba zahõndrõ tanõ, ba gero gõli, ba mbandra, sangaró, siʼõli ba toho ba fana. 14Ba oefaigi; ba maoso ndraʼo ba oemane ba zalaw̃a ba ba zatoea ba ba niha sato: Bõi miʼataʼoefi ira. Mitõrõ tõdõmi zochõ jaʼita, si no eboea ba sataʼoe niha, ba milaoe fasõndra, ba wangorifi talifoesõmi ba iraonomi, matoea ba alawe, ba foʼomomi; ba omomi mifatooetooe tõdõmi. (Moz. V. 20, 3). 15Ba me larongo oedoema andrõ, no terongo chõma ba no aechoe ba wa lõ boto dõdõra andrõ ibeʼe Lowalangi, ba tola mangawoeli ba gõli ndraʼaga fefoe ba tola ifaigi halõw̃õnia zamõsana. (Joh. 5, 12). 16Ba iʼotarai loeo daʼõ, ba ha si matonga nono matoea andrõ chõgoe zohalõw̃õ ba gõli; ba si matonga, ba solohe siʼõli ba toho ba baloese ba fana ba õrõba, ba satoea, ba laʼiagõ foeri mado Joeda sato, sohalõw̃õ ba gõli. 17Ba sonoro andrõ, ba no mangaró; lahalõhalõ halõw̃õra tangara si sara, ba si sara, ba solohe toho. 18Ba samaʼanõ kara, ba dozi no labeʼe ba lõwilõwira ziʼõlira, ba lafaʼanõʼanõ gara; ba ba ngaigoe so zolaoe torofe. 19Ba oemane ba zalaw̃a ba ba zatoea, ba ba zato: Halõw̃õda, ba no eboea ba no ebolo zi so ita, ba tobali si no moezaewe ita, ba gõli, no arõoe gotaloeada. 20Ba heza mirongo li dorofe, ba daʼõ miʼowoeloi ami chõma; Lowalangida dania zi fasõndra, salahida. (Moz. II. 14, 14. Moz. V. 1, 30). 21Ba mahalõhalõ halõw̃õma ba gõli, ba si matonga, ba solohe toho, iʼotarai waʼamoloeo ba iroegi oroma ndrõfi. 22Ba oemane gõi ba niha sato, me loeo daʼõ: Dozi ami, ba ba Jeroezalema mõrõ ami, awõ ngoningonimi, enaʼõ sanaro ba zi bongi chõda daʼõ, ba ba zi maʼṍchõ, ba ba wangazõchi õli. 23Ba lõʼõ manõ maheta noechama, he jaʼo, ba he talifoesõgoe, ba he ono matoea andrõ chõgoe, ba he sanaro andrõ, si so barõ mbawagoe; ba dozi ndraʼaga, ba si so fangõna ba gambõlõ.
Currently Selected:
SOERA NEHEMIA FAZA 4.: NIA
Highlight
Copy
Compare
Share
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.