MATAIO FAZA 19.
FAZA 19.
I. Lasofoe, na tola itiboʼõ ngambatõnia niha. II. Ifahowoeʼõ ndraono Jesoe. III. Ono matoea andrõ, soʼanaʼa. IV. Ha waraõ isõndra lala wangorifi soʼanaʼa.
(A. 19, 1—9: Mar. 10, 1—12)
1I. Ba me no iʼoʼozoei Jesoe hoehoeo andrõ, ba iheta ia ba Galilaia, isaw̃a danõ Joedaia, jefo Joridano. 2Ba ato zoloʼõ jaʼia niha, ba ifadõhõ wõchõra ba daʼõ. 3Ba mõi chõnia warizaio, latandraigõ ia, lamane: Hadia, tola itiboʼõ ngambatõnia niha, gofoe hadia mbõrõ? (Mar. 10, 8). 4Ba itema li, imane: Hadia, lõ niʼilami ba zoera, wa ira matoea ba ira alawe nifazõchi zombõi ba mbõrõta? (Moz. I. 2, 27; 5, 2), 5ba no imane: ”Andrõ irõi dania namania, awõ ninania, niha, ba iʼolembai ngambatõnia, ba tobali ha samboea boto zi daroea andrõ”? (Moz. I. 2, 24. Efez. 5, 31). 6Ba tenga saʼae daroea ira, ha samboea boto. Ba bõi jamoefabali niha nifabõbõ Lowalangi. (Kor. I. 7, 10). 7Lamane chõnia: Ba hana wa no iʼoroiʼõ Moze labeʼe zoera wangefa, ba latiboʼõ ia? (F. 5, 31). 8Imane chõra: Bõrõ waʼabeʼe dõdõmi, wa itehe chõmi Moze waniboʼõ ira alawemi; ba moroi ba mbõrõta, ba tenga si manõ. 9Ba oew̃aʼõ chõmi: Na so zaniboʼõ ira alawenia, na tenga horõ mbõrõ, ba na ihalõ dánõ bõʼõ, ba sohorõ daʼõ. (F. 5, 32. Loek. 16, 18). 10Lamane chõnia nifahaõnia: Na si manõ hoekoe niha ba ndra alawe, ba lõ sõchi wangowaloe. (Kor. I. 7, 1). 11Ba imane chõra: Lõ dozi aboto ba dõdõ hoehoeo andre, ha ba nibeʼe faʼaboto ba dõdõ. (Kor. I. 7, 2; 7, 17). 12So sa nichai, si no tohõna si manõ, moroi ba daloe nina; ba so nichai, nichai niha, ba so nichai, si no mogai jaʼira tangara, bõrõ mbanoea zoroego andrõ. Sangila mamotochi ba dõdõnia, ba jamoebotochi. (Kor. I. 7, 26. 32 b. t. Tim. I. 4, 3. Tim. II. 3, 6).
(A. 19, 13—15: Mar. 10, 13—16: Loek. 18, 15—17)
13II. Ba laʼohe chõnia ndraono sawoejoe, enaʼõ itoefa ira tanga ba mangandrõ. Ba latenaw̃a ira nifahaõ. 14Ba imane chõra Jesoe: Mifaʼamõi ndraono, bõi mitaha ira weʼamõi chõgoe, ba zi manõ sa mbanoea zoroego andrõ. (F. 18, 3). 15Ba itoefa ira tanga, ba iheta ia ba daʼõ.
(A. 19, 16—22: Mar. 10, 17—22: Loek. 18, 18—23)
16III. Ba hiza niha si mõi chõnia, imane: He samahaõ! hadia zi sõchi nilaoegoe, enaʼõ oesõndra waʼaoeri si lõ aetoe andrõ? (Loek. 10, 25). 17Ba imane chõnia: Hadia wa õsofoe chõgoe zi sõchi? Ha samõsa zi sõchi. Ba na omasiʼõ õchamõ waʼaoeri, ba oʼõ goroisa andrõ. (Loek. 10, 26—28. Gal. 3, 12. 21). 18Imane: Hadia goroisa? Ba imane Jesoe: Daʼõ: Bõi angeʼe! Bõi ohorõ! Bõi anagõ! Bõi bõbõgõ zi lõ doehoe! (Moz. II. 20, 12 b. t.). 19Fosoemange namaoe, awõ ninaoe! ba: Omasiʼõ zahatõ chõoe, si mane faʼomasioe ndraʼoegõ! (F. 22, 39. Moz. III. 19, 18). 20Imane chõnia ono matoea andrõ: No ahori oeʼoʼõ daʼõ, hadia zambõ ndraʼo? 21Imane chõnia Jesoe: Na omasiʼõ moʼahonoa, ba ae amawa zi so chõoe ba beʼe ba zi noemana, ba so chõoe girõgirõ ba zoroego ba taboe, oʼõ ndraʼo. (F. 5, 48; 6, 20. Loek. 12, 33. 34). 22Ba me irongo daʼõ ono matoea andrõ, ba mofanõ ia, aboe dõdõ; me no seboea anaʼa ia.
(A. 19, 23—30: Mar. 10, 23—31: Loek. 18, 24—30)
23IV. Ba imane Jesoe ba nifahaõnia: Si ndroehoe niw̃aʼõgoe chõmi, afõchõ sibai ba zoʼanaʼa wogamõ banoea zoroego andrõ. (Tim. I. 6, 9). 24Ba oew̃aʼõ gõi chõmi, aoha na i itõrõ dõgi walõlõw̃a koedo, moroi ichamõ mbanoea zoroego soʼanaʼa. (F. 13, 22). 25Ba me larongo daʼõ nifahaõnia, ba tobali sibai dõdõra, ba lamane: Ba ha niha zogamõ faʼaoeri? 26Ba ifaigi ira Jesoe ba imane chõra: Na ba niha, ba tebai; ba ba Lowalangi, ba molala fefoe hadia ia. (Loek. 1, 37). 27Ba hoemede Wetero, imane chõnia: Faigi ndraʼaga, no marõi fefoe hadia ia ba no maʼoʼõ ndraʼoegõ, ba hadia chõma dania? (F. 4, 20). 28Ba imane chõra Jesoe: Si ndroehoe niw̃aʼõgoe chõmi, jaʼami soloʼõ jaʼo, ba ba wangazõchi dania, na moedadao Nono Niha ba dadaoma lachõminia andrõ, ba doemadao gõi ami, felendroea dadaoma ba sangoehoekoe mado Gizeraëli andrõ, si felendroea, ami. (F. 25, 31. Loek. 22, 28 b. t. Fam. 3, 21. Kor. I. 6, 2). 29Ba dozi si no mondrõi talifoesõ matoea, ba ma talifoesõ alawe, ba ma ama, ba ma ina, ba ma ono, ba ma benoea, na bõrõ dõigoe, ba oja winaeta lasõndra mangawoeli, ba latema waʼaoeri si lõ aetoe andrõ, amaedola gondrõita. 30Ba ato zi mõi foeri dania si so fõna iadaʼe, ba si mõi fõna, si so foeri iadaʼe. (F. 20, 8. 16. Loek. 13, 30).
Currently Selected:
MATAIO FAZA 19.: NIA
Highlight
Share
Copy
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.