SOERA JOBI FAZA 6.
FAZA 6.
Fanedema Jobi: I. Faʼabõlõ wamakao andrõ chõnia. II. Mangarõngarõ ia ba waʼafaito nawõnia andrõ.
1I. Ba itema linia Jobi, imane:
2”Enaʼõ na latoelo walõsõchisõchi dõdõgoe, ba enaʼõ na labeʼe ba waliëra wamakao andre chõgoe,
3ba aboea enaʼõ, taʼila, moroi ba waʼaboea nene ba mbewe nasi, — andrõ eloengoeloengoe ligoe.
4Noa sa tetaroe ba nõsigoe nono wana Zi lõ ambõ faʼabõlõ: ibadoe zõfoenia tõdõgoe, isoewõ, ndraʼodo ametaʼoeõ andrõ chõ Lowalangi! (F. 16, 13. Sin. 38, 3).
5Hadia, moedele maõ galide ba zabõlõ doeʼoe, ba hadia moendrõndrõ zaw̃i si matoea ba zí sõchi gõ?
6Hadia, tola taʼā zi naminamitõ lõ asio, ba hadia, ami zafoesi gadoelo?
7Anoezoe dõdõgoe wanoejoe jaʼia; õ sowojoe zi manõ, oew̃aʼõ.
8Enaʼõ na itõrõ zomasido, ba enaʼõ na ibeʼe Lowalangi zihoeloe dõdõgoe!
9Enaʼõ na nilaoe dõdõ Lowalangi ifoefoe ndraʼodo, enaʼõ na ifonoemalõ dangania, ba wangetoeʼõ jaʼo!
10Ba fondrara dõdõgoe na atṍ [daʼõ], — ba oefarõga enaʼõ ndraʼodo ba waʼafõchõ andre, si lõ faʼahachõ dõdõ — wa lõ oerai oebõhõli daroma li Niʼamoniʼõ andrõ.
11Ba hadia atṍ wangabeʼegoe, wa mombasembase na ndraʼo, ba he wisa wozoe chõgoe, wa oetaha manõ dõdõgoe?
12Hadia, faʼabeʼe gowe waʼabeʼegoe andrõ, hadia, no tõla garamba nõsigoe?
13Hadia, tenga si lõʼõ manõ fangorifi ndraʼodo; tenga no tetimba manõ chõgoe weʼeweʼe fefoe?
14II. Saragoeragoe tõdõ, ba no si nangea lahachõsi tõdõ awõnia, he na ibõhõli wangataʼoefi Si lõ ambõ faʼabõlõ.
15No lalimodo talifoesõgoe, si mane mbombo, si mane oengo nidanõ, si falawoe.
16No olotoe idanõ sabeʼe, ilaoe ia bacha si bakoe deoe.
17Na aoechoe zino chõnia, ba ogoʼõ; na abeʼe lõchõ, ba taja ba nahania.
18Laholeʼõ ira sikoli, lasaw̃a mijaw̃a danõ si mate ba tekiko.
19Lafaigifaigi sikoli, banoea Dema; sanõrõ, Dawa Zaba, ba ladõnadõna.
20Ba tobali si lõ boto wanõtõnara andrõ; laroegi, ba no saechoe õlõ.
21Si manõ saʼae ami chõgoe: miʼila zataʼoe ita; ba hoemocha mboemi!
22Hadia, no oew̃aʼõ: ’Miʼohe chõgoe, ba mibeʼe boeala famaweʼe ganaʼami, chõgoe;
23miʼefaʼõ ndraʼo ba danga zi faʼoedoe ba mihõli ndraʼodo ba waʼabõlõ zamakao jaʼo?’
24Mifahaõ ndraʼo, ba oebato wehede, ba si no eloengoe ndraʼo, ba miʼombachaʼõ chõgoe.
25Hiza, taroma li si doehoe, ba manandrõsa! Ba hadia nitegoe wanegoemi andrõ?!
26Hadia, mitegoe daroma li, niw̃aʼõ? — Fehede zaragoeragoe tõdõ, ba hoemombo ba nangi!
27He ba zi lõ ama si lõ ina, ba milaoe fadahõdahõ enaʼõ, ba si fahoewoe chõmi, ba miʼamawa.
28Ba iadaʼe, ba mitõngõni ndraʼodo; hadia, si ndroehoe lõ ataʼoedo oelimo ami.
29Mitandraigõ zamoeza tõ, bõi mifatõrõ zi lõ atoelõ; mifoeli mitandraigõ, atoelõ na chõgoe.
30Hadia, so ba mbewegoe zabila? Hadia, lõ iʼila wamakiko ararogoe?” (Amaed. 17, 4).
Currently Selected:
SOERA JOBI FAZA 6.: NIA
Highlight
Copy
Compare
Share
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.