SOERA JOBI FAZA 30.
FAZA 30.
Tohoetohoe: I. Itoenõ wamakaonia iadaʼe Jobi, si mõi ia famaʼiki niha bõʼõ. II. Lowalangi gõi lõ ifondrondrongo wangarõngarõnia, hoelõ zi faʼoedoe ia gõi.
1I. ”Ba iadaʼe, ba laʼigiʼigiʼõ ndraʼodo si achi moroi chõgoe, ba ira amara, ba no si tenga si nangea oebeʼe awõ nasoe goebalo chõgoe.
2Ba faʼabõlõ dangara, ba hadia goena chõgoe? Sariri so atṍ ira. (F. 24, 7 b. t.).
3Sokõlikõli saʼae ira, ba waʼambõ gõ ba ba waʼolofo, laʼõʼõchi danõ si mate, si bongi ba zasaiʼõ ba ba ndrecha.
4Lachete mboeloe ndroeʼoe, ba w̃aʼa daʼoeli gõra.
5Latimba ira niha bõʼõ; moeʼao ba chõra andrõ, hoelõ ba zanagõ.
6Ba mbaho danõ sihocha mboeda nahiara, ba dõgi narõ hili ba ba dõgi gara.
7Ba daloe zasaiʼõ moendrõndrõndrõndrõ ira, ba mbõrõ lato oroedoe ira.
8Ono zowõhõ mowa ba ono zi lõ tõi: lafofanõ ba danõ, labõzibõzi moroi foeri.
9Ba iadaʼe, ba ajara ndraʼo, amatooelara. (F. 7, 6. Sin. 69, 13. Ngen. Jer. 3, 14).
10Laʼogorofi ndraʼo, laʼarõoeʼõ ira chõgoe; lõ ataʼoe ira wondriloi bawagoe.
11Noa sa iloeloe zinaligoe Lowalangi, ba no ifaõndrõ ndraʼo; ba lalaoelaoe manõ chõgoe.
12Ba gambõlõ maoso zi si lõ jaw̃a andrõ, latimba gahegoe ba lafari lalara chõgoe, lala ba wamakiko.
13Lalagoe, ba no ladoedoegõ, latolo ba wolaoegõ jaʼodo, jaʼira andrõ, si lõ sanolo.
14Hoelõ zanõrõ si no ebolo atõla gõli waʼasora; adoedoela latõrõ, wangoehoeroefai jaʼodo.
15Ametaʼoeõ ba gamaoedoegoe, teʼoloiʼõ waʼasalaw̃agoe, timba ba nangi sabõlõ, ba hoelõ waʼataja lawoeo waʼataja waʼohahaoe dõdõgoe.
16II. Ba iadaʼe, ba maniõ nosogoe barõ dotogoe, itahado baw̃a wamakao.
17Manõgi ba dõlagoe zi bongi, faefa ibeʼe, ba no si lõ mõrõ zi õʼõchi jaʼodo.
18Ba wa lõ ambõ faʼabõlõ andrõ, ba hoelõ zi tobali mbaroegoe, si mane tõla mbagi kameza chõgoe waʼafatõfania chõgoe. (F. 16, 15).
19No itoeliʼõ ba damboe ndraʼodo, ba no fadoro gawoegawoe ba awoe ndraʼo.
20Oeʼangarõfi li ndraʼoegõ, ba lõ õtema ligoe; sodo ba daʼõ, ba õtõngõtõngõ manõ ndraʼo.
21Õbaliʼõ si lõ faʼahachõ dõdõ ndraʼoegõ chõgoe, oedoegoe ndraʼoegõ, ba waʼabõlõ dangaoe andrõ. (F. 16, 9).
22Õfazaw̃a ndraʼo, õbeʼedo ba nangi sabõlõ, noemalõ misa ndraʼo õbeʼe, hoemombo ndraʼo ba nangi.
23Oeʼila saʼae: ba wamoenoe õʼohe ndraʼo ba ba goroedoea zaoeri, fefoe. (Heb. 9, 27).
24Ba hadia, lõ taʼoroʼõ dangada, na alaoe ita? Ba hadia, lõ moeʼiraʼira ita, na alõmõ ita?
25Ba hadia, lõ niʼeʼesigoe si no gõna famakao, ba lõ sahachõ dõdõgoe si noemana? (Sin. 35, 13. Rom. 12, 15. F. 29, 12 b. t.).
26Si sõchi sa oedõnadõna, ba itõrõdo si lõ sõchi; haga oedõnadõna, ba sogõmigõmi zaloea.
27Si fadoro moʼotoe bacha narõ dotogoe; ihawoeido baw̃a wamakao.
28Mawaõwaõdo manõ, no aitõ ndraʼodo, ba tenga moroi ba waʼaoechoe zino; maoso ndraʼo mangarõngarõ, ba zowoelo niha.
29No tobali iwa nasoe anaʼa ndraʼodo ba awõ wofo ondra. (Mich. 1, 8).
30No aitõ goeligoe, aboʼa ba nõsigoe, ba hoelõ zi no achozi dõlagoe; ba waʼaoechoe andrõ. (Sin. 102, 4; 119, 83. Ngen. Jer. 4, 8; 5, 10).
31Ba no tobali fangarõngarõ li mbiola chõgoe, ba fegeʼege li zoeroene.”
Currently Selected:
SOERA JOBI FAZA 30.: NIA
Highlight
Copy
Compare
Share
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.