SOERA JOBI FAZA 29.
FAZA 29.
Tohoetohoe: I. Idoenõdoenõ waʼohahaoe dõdõnia fõna Jobi, ba II. faʼobõwõnia ba faʼatoelõnia, ba III. faʼasalaw̃ania mege.
1I. Ba itohoegõ hoehoeonia Jobi, imane:
2”Enaʼõ na si mane me baw̃a fõna ndraʼodo, si mane me loeo irorogõ ndraʼo Lowalangi,
3me ihagaini hõgõgoe soeloenia andrõ, me ba hagania oetõrõ zogõmigõmi andrõ,
4si mane me baw̃a lõchõ chõgoe, me iloemõʼõ nosegoe fahoewoesa Lowalangi, (Sin. 25, 14. Amaed. 3, 32. Amos. 3, 7),
5me faofao na chõgoe Zi lõ ambõ faʼabõlõ, me so ba ngaigoe na nonogoe matoea;
6me oefemondrimondri gahegoe ba zoesoe zaw̃i, ba me moʼelea fanicha gara ba hili, ba ngaigoe; (Moz. V. 32, 13);
7me mõidomõido barõ mbawa gõli ba mbanoea, me baewalinia oebeʼe dadaomagoe.
8Na laʼila ndraʼo ono matoea, ba labiniʼõ ira, ba satoea, ba maoso ba moeziozio.
9Salaw̃a, ba labato hoehoeo, laʼochõ mbawara.
10Si lõ li saʼae zeboea tõi, falemba ba gararora lelara.
11Na irongo [ligoe] tõgi dalinga niha, ba ifahowoehoewoeʼõ ndraʼodo; ba na iʼilado hõrõnia ba ifadoehoeʼõ ndraʼo.
12II. Me no sangorifi seboea famakao ndraʼodo, na mangarõngarõ ia, awõ zi lõ ama, si lõ ina, si lõ sanolo. (Sin. 72, 12).
13Lafahowoehowoeʼõ ndraʼo si tekiko menaʼõ, ba owoeawoea dõdõ zi no mate ira matoea, oebeʼe.
14Oeʼonoecha waʼatoelõ, ba amaedola iʼonoecha ndraʼo faʼatoelõ andrõ; hoelõ mbaroe seboea ba hoelõ zaemboe oti chõgoe waʼadõlõ dõdõgoe andrõ.
15Ba zi lõ hõrõ, ba hõrõ ndraʼodo, ba ahe ndraʼo ba zi no omboejoemboejoe tõla.
16Ama ndraʼo ba zi noemana, ba oeʼaloei lala ba hoehoeo zi lõ irai faʼila li ndraʼodo.
17Oerasa zimbi zamakao awõnia, ba oesõbi ba nifõra gondraʼoeará.
18III. Ba oemane dõdõgoe: ’Ba zinga gazoenigoe andrõ mate dania ndraʼo, ba faʼanaoe noso wofo fenisi waʼanaoe nosogoe.
19Molala nidanõ ba w̃aʼagoe, ba mõrõ namo mbanoea ba ndrahagōē.
20Mangalingali waʼeboea dõigoe andrõ, ba ifoelifoeli bohooe wanagoe andrõ, ba dangagoe.’ (Moz. I. 49, 24).
21Chõgoe lafondrongondrongo ba mombasembase, ba lõ hedehedera, na oefolala hadia ia.
22Na no fahoehoeo ndraʼodo, ba lõ hedehedera saʼae; amaedola zowoi chõra moroi jaw̃a hoehoeogoe andrõ. (Moz. V. 32, 2).
23Labazebazeʼõ ndraʼo, amaedola wombaseʼõ teoe, lafaboka mbawara, si mane ba deoe sarā andrõ.
24No oeboho mbawagoe waʼiki chõra, na no aragoeragoe dõdõra; ba lõ irai labeʼe taja wehaga mbawagoe andrõ.
25Oeʼaloei lala chõra, doemadaodo salaw̃ara, si mane razo ba hoenõ zabõlõ, si mane sondrara tõdõ zaboe tõdõ.”
Currently Selected:
SOERA JOBI FAZA 29.: NIA
Highlight
Copy
Compare
Share
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.