SOERA JOBI FAZA 28.
FAZA 28.
Tohoetohoe: I. Oja ngawalõ niʼaloealoei niha tõdõnia, si no tobini. II. Ba fondrege zeboea bõli, faʼatoeatoea andrõ, ba tebai isõndra ba tebai mõi bõlinia ganaʼa ba goeli danõ. III. Ha ba Lowalangi iʼotarai si ndroehoe faʼatoeatoea.
1I. ”So sa nisõndra firõ ba so naha ganaʼa, ba nichozi jaʼia.
2Siʼõli, ba nihalõ ba danõ, ba lalaoegõ gara, ba aloea dõla garamba.
3Lõʼõ saʼae sogõmigõmi labeʼe, ba iroegi ba wondrege laʼaloealoei ngawalõ gara si no tobini ba zogõmigõmi sibai.
4Lachao mitooe dõgi, sabacha, iʼotarai zonahia ba dete danõ jaw̃a; manaw̃anaw̃a ira, taja ba dõdõ zanõrõ [tete jaw̃a], arõoe niha bõʼõ.
5Aloea ba danõ mbalazo, ba sabachania si tooe, ba lafahoefa, hoelõ nifatõrõ alitõ.
6Feremata nila nisõndra ba gara andrõ, ba faroeka gõi mbalaki.
7Lala andrõ, ba lõ iʼila mojo, lõ irai iʼila hõrõ zoembila.
8Lõ itõrõ oetoe ndroeʼoe seboea, ba tenga gõi tõrõw̃a zingo.
9Laboto gowe, tobali arõ hili labeʼe.
10Lafoʼarõ gara ba hili, lala niha, ba oja iʼila hõrõnia ngawalõ omasiõ [seboea bõli].
11Labaʼa gelea, fa bõi bõlabõla, ba laʼohe ba zohaga zi no tobini mege.
12II. Ba faʼatoeatoea andrõ, ba heza lasõndra daʼõ? ba heza so nahia waʼaboto ba dõdõ? (Amaed. 2, 6. 8. Jak. 1, 5).
13Samõsa lõ sangila lala wangai jaʼia, ba lõ faloecha ba danõ, ba danõ niha saoeri.
14Imane namõ: ’Lõ jaʼia ba chõgoe’. Ba imane asi: ’Ba chõgoe lõ faloecha’.
15Tebai bõlinia mbalaki satoea, ba he firõ, ba tebai latoelo bõlinia. (Amaed. 3, 14).
16Tebai lafatimba anaʼa Gofiri, ba he feremata oena ba nila.
17Tebai tefaedogõ chõnia mbalaki, ba he sõrõmi, ba tebai labeʼe fanoekania gamagama balaki.
18Meredia ba baloeri, ba lõ oroma ba ngainia; ba na tasõndra waʼatoeatoea, ba eboea moroi ba manimani.
19Retana sambaka Gaitiofia, ba lõ fagõlõgõlõ chõnia; tebai lafatimba si ndroehoe mbalaki.
20III. Ba faʼatoeatoea andrõ, ba heza iʼotarai, ba heza faloecha waʼaboto ba dõdõ?
21No tobaloe; lõ iʼila hõrõ niha saoeri fefoe, ba he ba wofo ba daloe mbanoea, ba lõ oroma.
22Banoea tooe andrõ ba faʼamate, ba lamane: ’No irongo tõgi dalingama doeriania.’
23Lowalangi zangila lala chõnia, jaʼia zangila heza tesõndra.
24Ichamõ saʼae hõrõnia wondrege danõ; fefoe gofoe hadia zi so barõ mbanoea si jaw̃a, ba iʼila.
25Me itoelo waʼabõlõ nangi, ba me ifachoi wondrege nasi, (Sin. 135, 7),
26ba me ifachoi lala deoe ba tõrõw̃a gari mbanoea.
27ba daʼõ iʼila [waʼatoeatoea andrõ] ba ifaʼeleʼõ, ba ifaedogõ ba iʼaloealoei gamoeata.
28Ba imane ba niha: ”Hiza, fangataʼoefi Soʼaja, daʼõ waʼatoeatoea, ba na lõ tebabaja zi lõ sõchi, daʼõ waʼaboto ba dõdõ”. (Sin. 111, 10. Amaed. 1, 7; 9, 10. Sangomb. 12, 13).
Currently Selected:
SOERA JOBI FAZA 28.: NIA
Highlight
Copy
Compare
Share
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.