SOERA JOBI FAZA 23.
FAZA 23.
Fanedema Jobi: I. Enaʼõ iʼila iboeʼa ba hoeloenia chõ Lowalangi. II. Ba lõ iʼoromaʼõ ia chõnia Lowalangi, he w̃aʼae no iʼila, wa si lõ horõ ia.
1I. Ba itema linia Jobi, imane:
2”Irege maʼõchṍ andre fatandro wegeʼegegoe, aboea waʼatohare dangania ba wangarõngarõgoe.
3Enaʼõ na oeʼila, heza oesõndra ia, enaʼõ na oechamõ dadaomania andrõ!
4Ba oefarongogõ chõnia hoehoeogoe andrõ, ba oehõna wanoetoenõ ngamohi.
5Omasido oeʼila hadia niw̃aʼõnia wanema ligoe, ba omasido oerongo hadia linia chõgoe.
6Hadia fasoso maõ ia chõgoe ba waʼafahõna waʼabõlõnia? Tenga; ha ifondrongondrongo chõgoe. (F. 13, 17 b. t.).
7Ba faboeʼaboeʼa saʼae chõnia zadõlõ tõdõ, ba oeʼosamoezaigõ wangefaʼõ jaʼodo ba zangoehoekoe jaʼo.
8II. Ba hiza — na oesaw̃a gatoemboecha loeo, ba lõ jaʼia, ba na mõido tánõ ba gaechoela, ba lõ oroma ia chõgoe.
9Jõoe ilaoe nilaoenia, ba lõ oeʼila ia, ba iholeʼõ ia miraja, ba lõ anehedo ia.
10Noa saʼae iʼila gangosisilagoe mege; na itandraigõ ndraʼodo enaʼõ, ba timba mbalaki waʼoromagoe.
11Lõ saefa gahegoe ba lahenia, lala chõnia niʼosisigoe, lõ niholeʼõgoe jaʼodo.
12Amachoitania andrõ, nibeʼenia, ba lõ misawõgoe, ba barõ dotogoe oeʼirõʼõ daroma linia niw̃aʼõnia. (Rom. 7, 23).
13Ba jaʼia, ba si manõmanõ — ha niha zanenaw̃a jaʼia? Sedõna dõdõnia, ba ifaloea. (Sin. 115, 3).
14Iʼoʼozoei saʼae nihonogõi chõgoe, waʼoja na ba dõdõnia si manõ.
15Andrõ wa tokea ndraʼodo, na ifaigido; na oefatooetooe, ba manizinizido chõnia. (F. 21, 6).
16Noa sa atalõ dõdõgoe, ibeʼe Lowalangi; sataʼoe ndraʼo ibeʼe Si lõ ambõ faʼabõlõ.
17Tenga sa ba wamakao andrõ mbõrõ, wa hoelõ zi no afoefoe ndraʼo, ba tenga ba chõgoe andre, samboea jaʼo, si no tehawoe faʼogõmigomi.” (F. 17, 1. 13).
Currently Selected:
SOERA JOBI FAZA 23.: NIA
Highlight
Copy
Compare
Share
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.