SOERA JOBI FAZA 21.
FAZA 21.
Fanedema Jobi: I. Enaʼõ na lafondrondrongo chõnia awõnia andrõ. II. Seboea horõ zohahaoe tõdõ ba goeli danõ andre. III. Itimba [Jobi] wamoeʼa nawõnia.
1I. Ba itema linia Jobi, imane:
2”Mifondrondrongo, mifondrondrongo ligoe andre! ja salahi wondrarami tõdõ daʼõ.
3Bõi aboea chõmi ndraʼodo, na hoemededo, ba na aefa wehedegoe, ba hana na õʼoʼaja ndraʼo.
4Hadia, ba niha, wa mangarõngarõ ndraʼodo, ba hana wa lõ ambõ waʼebolo dõdõgoe?
5Minehegõ ndraʼo, ba ja tobali dõdõmi, ba miʼochõ mbawami!
6Na itõrõ tõdõgoe ine, ba tokeado, ba hoemocha mboe nõsigoe.
7II. Hana wa anaoe noso zanao horõ, hana wa sarā ba goeli danõ ira, ba hana wa itoegoe abõlõ irá. (Jer. 12, 1).
8Sabõlõ ngaʼõtõra ba ngaira, ba zanehe ira, madooera andrõ, laʼilaʼila.
9Lõ hadihadia ba nahiara, lõ ametaʼoeõ: lõ tohare chõra mbõzibõzi chõ Lowalangi.
10Saw̃i si matoea chõnia [chõ zanao horõ andrõ] ba fahõmba ba maʼono, sõchi woʼono zigelo zaw̃i chõnia, ba lõ saechoe.
11Ladoedoe nono matoea chõra, timba mbiribiri, mamarõga misa ndraonora.
12Manoenõ ira, labõzi garamba ba lalaoe mbiola, laʼomoesoiʼõ dõdõra ba li zoeroene. (Jes. 5, 12).
13Sagõtõ jaʼira, ba sohahaoe tõdõ irá; ba iʼogomoezaõ dania, ba ahõndrõ ira ba mbanoea tooe.
14Ba noa sa lamane chõ Lowalangi: ’Bõi hatõʼõgõ chõma, lõ omasiga aboto ba dõdõma lala andrõ chõoe!
15Ha niha Zi lõ ambõ faʼabõlõ andrõ, wa mõiga enoninia, ba hadia goena chõma, na maʼangarõfi li ia?’
16Hiza, tenga moroi ba chõra waʼohahaoe dõdõra — ja arõoe chõgoe dõdõ zeboea horõ andrõ!
17Ha w̃araõ atṍ mate wandroe zeboea horõ, ha w̃araʼõ itõrõ ira famakiko? Ha w̃araõ ilaoe wesoe chõra ba wõnoenia? (F. 18, 6; 20, 29).
18Ha w̃araõ hoelõ dõla wache ira ba nangi, hoelõ ndrami, niʼoloiʼõ nangi sabõlõ? (Sin. 1, 4).
19[Ba mimane:] ’Ibeʼe jaw̃a Lowalangi wamakikora, nifatõrõ ba nonora dania’. Chõnia jamoebeʼe zoelõ, enaʼõ iʼila waʼafõchõ! (F. 20, 10).
20Enaʼõ hõrõnia zangila famakikonia andrõ, enaʼõ na jaʼia zamadoe fõnoe Zi lõ ambõ faʼabõlõ andrõ!
21Hadia, aboe maõ dõdõnia ngaʼõtõnia, na no mate ia, na no aetoe mbaw̃ania andrõ?
22Hadia taʼatoeatoeaʼõ Lowalangi andrõ, sangoehoekoe si so ba zoroegõ? (F. 15, 12. 13. Jes. 40, 13).
23Si samõsa, ba mate na hino waʼabõlõ na, lõʼõ na hadia ia, lõ fangaboe dõdõ;
24moʼõsi na soesoe roembi andrõ chõnia, famoʼõsi dõlania oeto.
25Ba si samõsa, ba mate aboe dõdõ, lõ irai iʼila waʼohahaoe dõdõ.
26Ba no faedo ira barõ danõ ba faoma tehawoe ira koekoeõ.
27III. Hiza, oeʼila geraʼerami, awõ nichoi dõdõmi andrõ, wamalangõgõ jaʼodo.
28Na mimane: ’Heza so nomo zi faitoisi awõnia, ba heza so nose andrõ, nahia zeboea horõ mege?’ (F. 18, 15).
29Ba misofoe manõ ba zanõrõ lala, — tebai zi lõ fadoehoe dõdõmi ba niʼombachaʼõra —
30wa lõ si gõna hadia ia niha si lõ sõchi, me baw̃a wamakao, wa no teʼohe misa, me baw̃a waʼatesao wõnoe. (F. 15, 32).
31Ha niha zameʼe famago mbawania boeaboeania andrõ? Ba na no ilaoe hadia ia, ba ha niha zanoelõni chõnia?
32Ba lewatõ teʼohe ia, ba sanaro na ia ba dete lewatõ.
33Ba okafoekafoe chõnia danõ ba ndraso, ba soloʼõ jaʼia dozi niha, si mane si no mowaõwaõ, si lõ moetaha moeʼerai.
34Ba hadia wa mirara dõdõgoe fajafaja? Fanedemami andrõ, ba ha sambalõ si lõ sõchi.”
Currently Selected:
SOERA JOBI FAZA 21.: NIA
Highlight
Copy
Compare
Share
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.