SOERA JOBI FAZA 19.
FAZA 19.
Fanedema Jobi: I. Mangarõngarõ zoei ia ba wa lõ ahachõ dõdõ nawõnia andrõ. II. Ifoeli ifaʼeleʼõ wamakaonia andrõ. III. Iʼandrõ waʼahachõ dõdõ nawõnia Fanõtõnania chõ Lowalangi, sangorifi jaʼia.
1I. Ba itema linia Jobi, imane:
2”Ha waʼara na miboesi dõdõgoe ba mirasa ndraʼodo hoehoeomi andrõ?
3No mewoeloe saʼae mitandraw̃aisi ndraʼo; lõ aila ami mifakaodo.
4Ba he meziw̃a no molalõ ndraʼo, ba ha sambalõ chõgoe mangawoeli.
5Na si ndroehoe edõna fajaw̃a ami chõgoe, ba miʼoromaʼõ doeroetoeroe, bõrõ waʼailagōē.
6II. Jaʼaboto ba dõdõmi, wa Lowalangi zamaõndrõ jaʼo, awõ wa no ifaʼoeʼoe ndraʼo oeʼõnia andrõ.
7Hiza, moeʼao ndraʼo, oemane: ’Famakao!’ ba lõ samondrongo; oeʼandrõ wanolo, ba lõ folohe ba lala.
8No ibaʼa lalagoe, fa tebai oetõrõ, no ihawoei faʼogõmigõmi dõrõw̃agoe. (F. 3, 23. Ngen. Jer. 3, 7).
9Soemangegoe, ba no itoejoe, ba saemboe ba hõgõgoe, ba no iheta.
10No ifasoei ndraʼo, wanoedoegõ jaʼodo ba taja ndraʼo, ba no ideha dõtõnafõgoe, timba wondreha eoe.
11Hoemola wõnoenia chõgoe, ba ifaedogõ ndraʼo ba zi faʼoedoe chõnia.
12So moroi sa zanoewõ andrõ chõnia, lafari lalara chõgoe ba lafasoei nosegoe olombasew̃ara.
13Talifoesõgoe, ba no arõoe ifabali chõgoe, ba no fabõʼõ sibai chõgoe zi fahoewoe chõgoe mege.
14Lõʼõ saʼae mõi chõgoe golembatagoe, ba si no faʼila li chõgoe, ba no olifoe ira ndraʼodo.
15Moroi jomo chõgoe ba sawoejoegoe ono alawe, ba labeʼe niha bõʼõ ndraʼodo, no Dawa ndraʼodo wamaigira.
16Na moehededo ba zawoejoegoe, ba lõ itema ligoe, na lõ fakaodo chõnia.
17Ogoro ngambatõgoe hanoehanoegoe, ba si manõ dalifoesõgoe, ono ninagoe, ba waʼabõoegoe andre.
18Noemalõ iraono, ba lõ ba dõdõra jaʼodo; na maosodo enaʼõ, ba lahedehedeʼõ ndraʼo.
19Dozi laʼogorofi ndraʼodo si no fahoewoe sibai chõgoe mege, ba somasi ndraʼo ba no tobali oedoegoe. (Sin. 38, 12; 41, 10; 69, 9; 88, 9).
20Falemba ba dõlagoe goeligoe ba nagolegoe, ba hatṍ oeli ba mbohagoe zaoeri.
21III. Mihachõsi tõdõ ndraʼo, mihachõsi tõdõ ndraʼo, jaʼami si fahoewoe chõgoe, noa sa gõnado tanga Lowalangi!
22Hana wa migohido, si mane Lowalangi, ba hana wa lõ aboeso ami wanasawi jaʼodo?
23Enaʼõ na tetanõ ba zoera ligoe andre; enaʼõ na lasoera ba gara wanoera, —
24nisoera fanoera siʼõli ba simo, nisoea ba gara, si lõ teboelõ, iroegi zi lõ aetoe!
25Ba oeʼila: saoeri zangorifi jaʼodo, ba ifazaw̃a dania ia, safoeria, jaw̃a gawoegawoe andrõ.
26 Ba na no adoedoe goeligoe andre, ba anehedo Lowalangi, lõ õsigoe andre!
27 Oeʼila dania ia, fangorifigoe, hõrõgoe jaʼṍ zangila jaʼia, ba tenga niha bõʼõ: ariri dõdõgoe, barõ dotogoe!
28Ba na mimane: ’He tawisa wolohi jaʼia?’ na miwai, ba chõgoe so mbõrõ,
29ba miʼataʼoefi mbawa ziʼõli — fõnoe sa, ba horõ ziʼõli — enaʼõ aboto ba dõdõmi, so hoekoe.”
Currently Selected:
SOERA JOBI FAZA 19.: NIA
Highlight
Copy
Compare
Share
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.