SOERA JOBI FAZA 18.
FAZA 18.
Hoehoeo Mbilidado, fanete si fõfõna: I. Itegoe Jobi ba wangarõngarõnia andrõ, ba chõ nawõnia. II. Ifaʼeleʼõ lala zeboea horõ.
1I. Ba itema li Jobi Bilidado andrõ, banoea Zoea, imane:
2”Ha waʼara dania mibato wamaʼoea bewe andrõ? Miʼeraʼera tõdõmi, ba awena dania fahoehoeo ita.
3Hana wa mifaedo ita ba zaliw̃aliw̃a ba danõ, ba hana wa si lõ tõdõ ita, wamaigimi?
4Jaʼoegõ andrõ, sanasawi jaʼoegõ ba wõnoe andrõ — hadia, lõ niha saʼae ba goeli danõ õbeʼe, ba awoeʼa gara ba hili?
5II. Mate sa wandroe zeboea horõ, ba holahola galitõ chõnia, ba no si lõ haga.
6Taja haga baose chõnia, ogõmigõmi, ba fandroenia, jaw̃ania, ba mate.
7Abõda mbekania, beka zabõlõ andrõ, ba mõi famakikonia nichoi dõdõnia.
8Alaoe saʼae gahenia ba goeʼõ, ba itõrõ mbaloebaloe lõsoelõsoe.
9Ichai mbõrõ sisinia tandraw̃a, ibõbõ ia fesoe.
10Tooe ba danõ no labiniʼõ wesoe chõnia, fabaja aroeroeʼa chõnia ba lala.
11No teʼoeʼoe ia ba gametaʼoeõ, moeʼawa ia ibeʼe, heza ihoendragõ danõ. (F. 15, 21. Jer. 6, 25; 46, 5).
12Iʼisõ ia famakiko, ba iʼolembai ngainia famoefoe.
13Iʼā ndrotondroto nõsinia; iʼõʼõchi ndrotondrotonia si aʼa nono waʼamate.
14Tesõbi daʼionia, teheta ia ba nosenia, nidõnadõnia, lõ tola lõ iʼondrasi razo gametaʼoeõ andrõ. (F. 8, 14).
15Ba nosenia, ba monahia mbõʼõnia; tehawoei talõ balera nahiania mege.
16Moroi tooe, ba mate w̃aʼania, ba ba hogoe, ba aleoe ndraha. (Moz. I. 19, 24).
17Olifoe niha ba danõ ia; lõ tõinia saʼae ba danõ misa. (Sin. 109, 13. Amaed. 2, 22).
18Latimba ia ba zohaga, latoeliʼõ ba zogõmigõmi; lõʼõ saʼae lafonaha ia ba goeli danõ.
19Lõ lewiõnia saʼae ba lõ madooenia ba niwara, ba lõ saoeri ba nahiania.
20Ba mbaw̃ania andrõ tobali dõdõ mbanoea tánõ ba gaechoela, ba hoemocha mboe mbanoea tánõ ba gatoemboecha.
21Si manõ saʼae lala nahia zeboea horõ, si manõ lala mbanoea zi lõ ba dõdõ Lowalangi.”
Currently Selected:
SOERA JOBI FAZA 18.: NIA
Highlight
Copy
Compare
Share
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.