SOERA JOBI FAZA 17.
FAZA 17.
Tohoetohoe hoehoeo Jobi: I. Mangarõngarõ na ia ba wamakao andrõ, si gõna ia lõ horõ. II. Iʼarõ nawõnia andrõ: so sa chõnia mbõrõ wangarõngarõ.
1I. ”Abõoe hanoehanoegoe, no ahori mbaw̃a chõgoe, idõnadõna ndraʼo lewatõ.
2Ba hiza, ba laʼoʼaja na ndraʼodo, anehe ndraʼo wasosota andrõ chõra!
3Beʼe gade, ae ba wali chõgoe chõoe! Ha niha na sa zi faraʼoe tanga chõgoe? (F. 9, 33).
4Tõdõrā andrõ, ba no õdoehõ, fa bõi faʼaboto bacha, andrõ gõi lõ õbeʼe mõna ira.
5Na so zi manga mbõli nawõnia, ba ariri hõrõ nononia.
6No ibeʼe amaedola ndraʼo, ba niha sato, tobali ladidiloi mbawagoe. (F. 30, 9).
7Ba baloenõ bacha hõrõgoe ba waʼaboe dõdõ, ba hatṍ loemõ ndrotondrotogoe fefoe. (Sin. 6, 8; 31, 18).
8Ba daʼõ tobali dõdõ zatoelõ tõdõ, ba maoso dõdõ zi lõ horõ ba zolaoe si lõ sõchi andrõ.
9Ba lõʼõ sa ibõhõli lalania satoelõ tõdõ andrõ, ba si lõ hadia ia zi falemba ba danga, ba itoegoe abõlõ na.
10II. Ba jaʼami fefoe, ba miʼondrasi daʼe jaʼṍ; lõʼõ sa atṍ oesõndra zatoeatoea ba chõmi andrõ.
11No noemalõ mbaw̃a chõgoe; no aetoe geraʼera dõdõgoe andrõ, omasiõ dõdõgoe. (F. 7, 7; 9, 25).
12Labeʼe si maṍchõ zi bongi, ahatõ zi moloeo law̃aʼõ, ba si bongi zi so. (F. 11, 17).
13Na oedõnadõna nahiagoe mbanoea tooe, na ba zogõmigõmi oebologõ doefogoe;
14na faʼama ndraʼo ba lewatõ, ba na faʼinado ba goekoeõ, ba ma na gaʼagoe lawe oebeʼe tõinia,
15ba heza so dõtõnafõgoe? nidõnadõnagoe, ba ha chõ oroma?
16Ba lazi mbawandroehõ mbanoea tooe isaw̃a mitooe, na ba gawoegawoe tooe atṍ so waʼahono dõdõ.”
Currently Selected:
SOERA JOBI FAZA 17.: NIA
Highlight
Copy
Compare
Share
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.