SOERA JOBI FAZA 14.
FAZA 14.
Iʼetoeʼõ hoehoeonia Jobi: I. Mangarõngarõ na ia, ba wa lõ boto weʼaso niha ba goeli danõ. II. Omasi ia mate, lõ arõoerõoe dõtõnafõnia, mangarõngarõ sibai na ia.
1I. ”Niha niʼadonogõ ndra alawe, ba lõ anoenaoe noso, ba no fahõna wa lõ ahonohono. (F. 7, 7).
2Amaedola waʼatoemboe mboenga waʼatoemboenia, ba ifoeli aleoe, taja, hoelõ loemõ, lõ ararā.
3Ba õhõrõhõrõgõ zi manõ, ba õdõni ndraʼo, ba wangoehoekoe jaʼo!
4Hadia, so maõ zi lõ si lõ sõchi ba zi otarai zi lõ sõchi? Samõsa lõʼõ! (Rom. 5, 12. Efes. 2, 3).
5Na no moehonogõi mbonginia, ba na no õhoekoe mbaw̃ania; na no õhonogõi wondregenia, si tebai italoeʼi,
6ba efaʼõ hõrõoe chõnia, enaʼõ molombase ia, ba enaʼõ omasi ia mbaw̃ania andrõ, si mane enoni ba halõw̃õ. (F. 7, 2).
7Ba dõla geoe, ba so sa dõtõnafõ: na teʼobõ ia, ba ifoeli molewiõ, lõʼõ sa si lõ madooenia.
8He w̃aʼae atoea w̃aʼania barõ danõ, ba he w̃aʼae mate doehenia, ba gawoegawoe tooe,
9ba ba hoea nidanõ andrõ, ba ifoeli aoeri ba faloecha lewiõ, hoelõ si mane si bohooe toemanõ.
10Ba na mate niha, ba adõlõ tooe, na aetoe noso niha, ba heza so ia?
11Si mane faʼataja nidanõ ba mbaw̃a, ba si mane faʼogoʼõ mboto nidanõ seboea, si mane faʼotoefonia,
12si manõ wamadõlõ niha jaʼia, ba lõʼõ saʼae ifoeli maoso. Irege adoedoe mbanoea si jaw̃a, ba lõ tokea ira, ba lõ liw̃aliw̃ara ba wemõrõra andrõ. (F. 19, 26. Dan. 12, 2 b. t.).
13II. Enaʼõ na ba mbanoea tooe õbiniʼõ ndraʼodo, enaʼõ na õfobaʼabaʼa ndraʼo, irege alõ wõnoemõ andrõ, na õhonogõi wondrege chõgoe ba na ifoeli itõrõ tõdõoe ndraʼodo. (Jes. 26, 20).
14Hadia na mate niha, hadia, ifoeli aoeri? Na si manõ, ba alacha lõ aetoe wanõtõnagoe, gõtõ wasõndratagoe andre, irege aefa ndraʼo! (F. 7, 1).
15Ba moeʼao enaʼõ ndraʼoegõ, ba oetema lioe; hoemoeloe enaʼõ dõdõoe ba gombõila dangaoe andre.
16Ba iadaʼe, ba õʼofaja mbekagoe, ba lõʼõ sa õʼosilõmilagõ horõgoe. (F. 34, 21. Sin. 56, 9. Jer. 32, 19).
17No moefotandro lalõgoe, bacha ba dokosa, ba no õlaoe wamachitõ ba horõgoe. (Moz. V. 32, 34).
18Ba si mane hili, sadoedoe, na aroeroe, ba si mane kara ba hili, sawoeʼa,
19ba si mane na adoedoe gara ibeʼe idanõ, si mane na ihanigõ danõ hohooenia, si manõ wamoefoemõ tõtõnafõ niha.
20Õhõndrõgõ ia, õfaoeloegõ, ba taja ia; tobali mbawania õbeʼe, ba õtimba ia.
21Na lasõndra waʼeboea dõi iraononia, ba lõ iʼila; ba na ahõndrõ ira, ba lõ ba dõdõnia jaʼira.
22Ha safõchõ chõnia iʼila õsinia; ha jaʼia niʼaboesinia tõdõ.”
Currently Selected:
SOERA JOBI FAZA 14.: NIA
Highlight
Copy
Compare
Share
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.