SOERA JOBI FAZA 13.
FAZA 13.
Tohoetohoe hoehoeo Jobi: I. Chõ Lowalangi eboea dõdõra iw̃aʼõ, chõnia faʼawõ ira. II. Iboeʼa ba hoeloenia, wa mangarõngarõ ia ba itahigõ Lowalangi.
1I. ”Hiza, no iʼila hõrõgoe daʼõ fefoe; no irongo tõgi dalingagoe ba no oetanõ ba dõdõgoe.
2Niʼilami andrõ, ba oeʼila gõi; tenga sambõ moroi chõmi ndraʼodo.
3Ba omasido moehede chõ Zi lõ ambõ faʼabõlõ, faboeʼasa chõ Lowalangi nilaoe dõdõgoe.
4Samachai faja saʼae ami ba sameʼe daloedaloe si lõ boto. (F. 16, 2).
5Enaʼõ na mibato wehede, ba tobali faʼatoeatoea, wamaigi niha bõʼõ!
6Mifondrondrongo atṍ wanegoegoe [jaʼami]; mibeʼe mbõrõ dalingami ba watahisa mbewegoe andre.
7Hadia, miw̃aʼõ zi lõ atoelõ, ba wangoʼawõgõ Lowalangi, ba milaoe waja, ba wamohare jaʼia?
8Hadia, si faʼawõ chõ Lowalangi ami, hadia, samoeʼa ba hoeloe Lowalangi nilaoenia ami?
9Hadia, sõchi maõ lawoelawoe, na isechegõ ami, ma edõna miʼoʼaja, si mane fangoʼaja niha awõra?
10Lõʼõ, lõ zi lõ iʼotoeʼõ ami, na faʼawõ ami, famini tõdõ.
11Hadia, lõ tokea ami ibeʼe faʼasalaw̃ania, ba lõ ihawoei ami fametaʼoenia [jaʼami]?
12Timba nawoe daroma limi, ba baʼabaʼami, ba no baʼabaʼa laʼoeri.
13Bõi mihedehede chõgoe, ba jaʼodo zihede; gofoe itõrõ chõgoe!
14II. Hana wa oeʼoesoe nõsigoe; wolohe jaʼia? Daʼoegogohe tangagoe nosogoe.
15Hiza, iboenoe ndraʼo, ba oedõnadõna chõnia; ba oefaʼeleʼõ chõnia gamoeatagoe.
16Daʼõ saʼae wangorifigoe, wa tebai iʼondrasi ia seboea horõ.
17Ba mifondrondrongo sibai wehedegoe; jamõi ba dõgi dalingami wamoeʼagoe andre!
18Hiza, no oefobõrõ hoehoeo andrõ, oeʼila wa no satoelõ chõgoe.
19Ha niha zi tola fasoso chõgoe? ba lõʼõ sa hedehedegoe enaʼõ; mate manõ ndraʼodo.
20Ha doea balõ zi bõi õfatõrõ chõgoe, ba lõʼõ saʼae oebiniʼõ ndraʼodo, ba wamaigioe jaʼo.
21Bõda dangaoe chõgoe, ba bõi ifetaʼoe ndraʼo fametaʼoe andrõ chõoe. (F. 9, 34).
22Ba ao chõgoe, ba jaʼo zanema lioe; ba ma jaʼodo zihede, ba jaʼoegõ zanedema.
23Ha waʼoja atṍ lalõgoe ba ha waʼoja horõgoe? Farongogõ chõgoe golalõw̃agoe, awõ horõgoe!
24Hana wa õbiniʼõ mbawaoe, ba hana wa õbeʼe si faʼoedoe chõoe ndraʼodo? (F. 19, 11; 33, 10).
25Hadia õfeʼawa mboeloe lehoe niʼoloiʼõ nangi, ba hadia, õgohi dõla wache si no okõli?
26Wa no safeto sibai õhonogõi chõgoe, wa oetema amaedola gondrõita horõgoe me ono matoea ndraʼo? (Sin. 25, 7).
27Wa õbeʼe ba galo gahegoe, wa õdarodarogõ nitõrõgoe fefoe, awõ wa õfaʼoeʼoe laloeʼa kahegoe? (F. 33, 11).
28Ba no niha sadoedoe dania ndraʼodo, amaedola niʼā go, ba amaedola mbaroe niʼā hama.”
Currently Selected:
SOERA JOBI FAZA 13.: NIA
Highlight
Copy
Compare
Share
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.