SOERA JOBI FAZA 12.
FAZA 12.
Fanedema Jobi: I. Iʼoʼaja waʼatoeatoeara andrõ. II. Ba ifaʼeleʼõ waʼatoeatoea Lowalangi ba fa lõ ambõ waʼabõlõnia.
1I. Ba itema linia Jobi, imane:
2”Jaʼia, si ndroehoe ami, ba na mate ami dania, ba aetoe waʼatoeatoea?
3Ba satõdõ gõi ndraʼodo, si mane jaʼami; tenga si tohoede ami, moroi chõgoe, ba ha niha zi lõ aboto ba dõdõ daʼõ?
4Aja zi fahoewoe chõgoe saʼae ndraʼodo, jaʼodo andre, nifondrondrongo Lowalangi, me oeʼangarõfi li ia; aja zatoelõ tõdõ ba si lõ lalõ! (Amaed. 14, 2).
5Si gõna famakao, ba lõ ba dõdõ zohahaoe tõdõ — tetoeliʼõ na zi no mangiwa ahe.
6Lõ hadia ia ba nose zoraboe, ba lõ faʼaboe dõdõ ba zangandrõ fõnoe Lowalangi, samaliʼõ Lowalangira gochõra. (Sin. 37, 1; 73, 12; 92, 8. Jer. 12, 1).
7Ba sofoe atṍ ba goerifõ niha, ba lafahaõ ndraʼoegõ, ba ba wofo ba daloe mbanoea, ba laʼombachaʼõ chõoe.
8Ba ma zoei tanõ tooe õfaigi, ba ibotochi ba dõdõoe; ba īʼa ba nasi, ba latoenõ chõoe.
9Ha niha zi lõ aboto ba dõdõ, ba daʼõ fefoe, wa no tanga Jehowa zamazõchi si manõ.
10Jaʼia andrõ, si so ba danga noso zaoeri fefoe, awõ hanoehanoe nõsi niha fefoe?
11Hadia, lõ itandra daroma li tõgi dalinga, si mane araro, na itandra waʼami gõ? (F. 34, 3).
12Ba zi no tohare hoewa so waʼatoeatoea, ba ba waʼara ba goeli danõ fao waʼaboto ba dõdõ. (F. 8, 8).
13II. Ba Chõnia so waʼatoeatoea ba faʼabõlõ; Chõnia so lala dõdõ ba faʼaboto ba dõdõ.
14Na idoedoegõ hadia ia, ba tebai lafoeli laʼotomosi; nikoeroenia, ba lõʼõ saʼae teʼefaʼõ. (Jes. 22, 22).
15Na ibaʼa nidanõ, ba ogoʼõ; ba na itõlaʼõ, ba aroeroe danõ ibeʼe.
16Ba Chõnia so waʼabõlõ ba faʼaro; Chõnia zeloengoe, fabaja samõwõhõ.
17Iʼoloiʼõ zalaw̃a rafe, niheta gamagama, ba awõhõ mowa zangoehoekoe ibeʼe. (Sam. II. 17, 14. Jes. 29, 14).
18Itotoʼõ wesoe razo [famesoera niha bõʼõ] ba ifesoe lafojora,
19Iʼoloiʼõ gere, niheta baroe, ba itimba zi no aro w̃aʼa.
20Ifaʼafoe mbawa zi no toʼõlõ ba hoehoeo, ba iboenoe dõdõ zatoea.
21Ihawoei fa lõ ba dõdõ niha bõʼõ zalaw̃a, ba iloeloe mbõbõ taloe zabõlõ. (Sin. 107, 40).
22Ibokai zi no tobini sibai ba zogõmigõmi, iʼohe ba zohaga zi so ba daloe zogõmigõmi. (Mat. 10, 26. Kor. I. 4, 5).
23Iʼabõlõʼõ soi niha, ba ifoeli ifoefoe; ato sibai ibeʼe, ba ifoeli iloeloe, niʼoloiʼõ.
24Itajaigõ dõdõ zalaw̃a niha ba danõ, seloengoe ira, ibeʼe, ba zi lõ lala, ba danõ si mate. (Sin. 107, 4).
25Labajaisi lalara ba zogõmigõmi sibai ba alaoelaoe ira, hoelõ zi maboe, ibeʼe.”
Currently Selected:
SOERA JOBI FAZA 12.: NIA
Highlight
Copy
Compare
Share
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.