SOERA JOBI FAZA 11.
FAZA 11.
Hoehoo Zofari, si fõfõna: I. Itegoe Jobi, me no itahigõ Lowalangi. II. Na iʼideʼideʼõ ia enaʼõ, ba faloecha ia waʼohahaoe dõdõnia.
1I. Ba itema li Jobi Sofari andrõ, banoea Naʼama, imane:
2”Hadia, lõ tademadema hoehoeo si no fahõna andrõ, ba alacha lõ teboeʼa wehede zi beweasõ andrõ?
3Hadia, lõʼõ saʼae hedehede niha bõʼõ ibeʼe beweoe andrõ? Hadia, sangoʼaja ndraʼoegõ, ba lõ laʼailasiʼõ?
4Õmane: ’Satoelõ niw̃aʼõgoe ba lõ salagoe, na õfaigidõ’.
5Ba enaʼõ na moehede Lowalangi, enaʼõ na ifaloea baeha niw̃aʼõnia, famoeʼa wehedeoe;
6enaʼõ na ifarongogõ chõoe zi no tobini andrõ, faʼatoeatoea, wa no mendroea manõ waʼadoehoe daʼõ, — ba aboto enaʼõ ba dõdõõe, wa iʼosilõmilagõ na Lowalangi horõoe õsa.
7Hadia, õsõndra dõdõ Lowalangi, ba õchamõ wondrege andrõ chõ Zi lõ ambõ faʼabõlõ?
8Italoeʼi mbanoea si jaw̃a — he õwisa? Abacha moroi ba mbanoea tooe — hadia nisõndraoe?
9No eboea moroi ba goeli danõ, maʼasagõrõ, ba no ebolo moroi ba nasi.
10Na itõrõ, ba na iraʼoe niha, ba na ifaloechaʼõ zalaw̃a rafe — ba ha niha zanenaw̃a jaʼia?
11Jaʼia zangila niha sofaja, oroma chõnia horõ, he lõ ifaigi sibai.
12Ba isõndra geraʼera si lõ tõdõ ba tobali niha nono galide gatoea.
13II. Ba na õʼadõlõʼõ dõdõoe, na õʼoroʼõ dangaoe chõnia —
14ba no falemba ba dangaoe horõ, heta ia ba bõi tehe zi lõ atoelõ ba noseoe! —
15Ba tola saʼae õfaõga mbawaoe, lõ sala; si lõ mangiwa ndraʼoegõ ba si lõ faʼataʼoe.
16Ba taja saʼae ba dõdõoe wamakao andrõ; na itõrõ tõdõoe, ba hoelõ nidanõ, si no ahele misa, õw̃aʼõ.
17Ba mohaga dõdõoe, moroi na laloeo, ba he na ogõmigõmi, ba si mane na moloeo dania.
18Ba õdõnadõna zi sõchi, me so na sa dõtõnafõ; ba he na õdarodarogõ na, ba mõiʼõ manõ mõrõ, lõ aboe dõdõoe. (Moz. III. 26, 5).
19Ba mõrõmõrõʼõ, lõ si keani jaʼoegõ, ba ato zomasi mangai tõdõoe. (Sin. 4, 9. Amaed. 3, 24).
20Ba hõrõ zeboea horõ, ba ariri; lõʼõ saʼae saw̃atõ chõra, ba tõtõnafõra, ba faʼaetoe noso”. (F. 8, 13).
Currently Selected:
SOERA JOBI FAZA 11.: NIA
Highlight
Copy
Compare
Share
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.