SOERA JOBI FAZA 10.
FAZA 10.
Tohoetohoe: I. Mangarõngarõ sibai Jobi chõ Lowalangi: si lõ horõ ia iw̃aʼõ. II. Ifoeli iʼelifi waʼatoemboenia.
1I. ”Anoezoe dõdõgoe waʼaoerigoe, ba lõ oebato wangarõngarõ, hoemede ndraʼo, ba waʼafõchõ bacha dõdõgoe.
2Oemane chõ Lowalangi: Bõi etoeʼõ hoekoegoe; farongogõ chõgoe, hadia mbõrõ, wa no hoelõ õsoewõ ndraʼodo.
3Hadia, sõchi dõdõoe, na õfakao niha? na õtiboʼõ niwõwõi dangaoe, ba na õtehe nichoi dõdõ zeboea horõ?
4Hadia, no hõrõ nõsi niha hõrõoe, ba no famaigi niha wamaigioe?
5Hadia, ha faʼanaoe noso niha waʼanaoe nosooe; hadia, ha sagõtõ niha gõtõoe?
6Wa õʼaloei lalõgoe, wa õʼobini horõgoe?
7He w̃aʼae no õʼila, wa si lõ horõ ndraʼodo, awõ wa no lõ sangefaʼõ [jaʼo] ba dangaoe.
8No tangaoe zombõi jaʼo, nihaogõ, botogoe maʼasamboea — ba hadia, õfakiko ndraʼodo? (Sin. 119, 73).
9Tõrõ tõdõoe, wa no õfazõchi ndraʼo, amaedola wamõbõzi laʼoeri, ba hadia, õfoeli õfoefoe ndraʼodo? (Moz. I. 2, 7; 3, 19).
10Hadia, tenga no õfadoewa tooe ndraʼo, amaedola wamadoewa soesoe, ba tenga no abeʼe ndraʼo hoelõ kezoe, õbeʼe? (Sin. 139, 15).
11No õfobaloebaloe ndraʼodo oeli ba nagole, ba no õbeʼe dajadajania dõla ba oeo.
12 No õfonoso ndraʼo ba no faloechado waʼeboea dõdõ chõoe, ba no õfaigifaigi ndraʼo, no ororogõ hanoehanoegoe.
13Ba no õbiniʼõ daʼõ ba dõdõoe; oeʼila wa no nichoi dõdõoe zi manõ:
14Na molalõ ndraʼo, ba õdarodarogõ, ba lõ zi lõ õʼotoeʼõ ndraʼo ba horõgoe.
15Na so horõgoe enaʼõ, ba alai ndraʼo! Ba he si lõ sala ndraʼo, ba lõʼõ zoei oefaõga mbawagoe, jaʼodo si no fahõna faʼaila, ba sanehenehe famakao!
16Ba na maõga mbawagoe, ba õgohi ndraʼodo, timba wolohi zingo, ba õʼoromaromaʼõ ba chõgoe andrõ waʼabõlõoe ba wolaoe sahõlihõli dõdõ. (Jes. 38, 13. Ngen. Jer. 3, 10).
17Lõ õbato wamaʼaso sasi, oedoegoe, ba õhõna wõnoemõ chõgoe, mangalingali manõ zanoewõ jaʼodo, õbeʼe.
18II. Hana wa no õsõbi ndraʼo moroi ba daloe ninagoe? Enaʼõ na mate mege ndraʼo, fatoea lõ iʼilado hõrõ niha! (F. 3, 11).
19Enaʼõ na hoelõ zi lõ irai aloea ndraʼodó, enaʼõ na nidõlõ ba lewatõ ndraʼo, iʼotarai daloe ninagoe!
20Lõ anaoe tõ nosogoe — ba jamoebõhõlido, jamoeʼerogõ ndraʼo, fa ohahaoe dõdõgoe, maʼifoe,
21gasagasa oesaw̃a zi lõ fangawoeli, tanõ sogõmigõmi, si so loemõ waʼamate,
22tanõ nihawoei faʼogõmigõmi, si mane na taloe mbongi, si gõna loemõ waʼamate ba si fakoejoe manõ; hagania, ba no si mane taloe mbongi.”
Currently Selected:
SOERA JOBI FAZA 10.: NIA
Highlight
Copy
Compare
Share
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.