SOERA GESERA FAZA 7.
FAZA 7.
I. Mõi ba Jeroezalema Gesera. II. Ifaʼoheʼõ chõnia zoera Aretasasa, soera wanehe. III. Isoeno Lowalangi Esera.
1I. Ba me aefa daʼõ no mege, me razo Aretazasa, razo Weresia, ba mõi misi jaw̃a Gesera andrõ, ono Zeraja ono Gasaria ono Hilikia 2ono Zaloemi ono Zadoki ono Gahitobi 3ono Gamaria ono Gasaria ono Merajoto 4ono Zeraja ono Oesi ono Mboeki 5ono Gabisoea ono Wineha ono Geleazari ono Gaʼaroni ere seboea andrõ. — 6Esera andrõ zi mõi misi jaw̃a, moroi ba Mbabeli. Ba sangila amachoita ia, si no mangila sibai oroisa andrõ, chõ Moze, nibeʼe Jehowa, Lowalangi Ndraono Gizeraëli; ba itehe chõnia niʼandrõnia fefoe razo, me itolo ia tanga Lowalanginia Jehowa. 7Ba so zi fao chõnia ba Jeroezalema Iraono Gizeraëli õsa ba ere ba Ono Lewi ba sanoenõ ba sanaro ba mbawandroehõ ba sangai halõw̃õ ba gosali, enoni andrõ, me no aloea meõnõ fache razo Aretazasa. 8Ba iroegi Jeroezalema, me baw̃a si lima, dõfi si fitoe chõ razo. 9Ba zi samboea desaʼa ba mbaw̃a si fõfõna iw̃aʼõ wangefa ba Mbabeli, ba ba zi samboea desaʼa ba mbaw̃a si lima laroegi Jeroezalema, me no itolo ia tanga Lowalanginia, seboea tõdõ chõnia. 10Me no ibeʼe dõdõnia Esera iʼaloealoei goroisa Jehowa ba iʼoʼõ, ba ifahaõ Ndraono Gizeraëli ba gamachõita andrõ ba ba hoekoe.
11II. Ba daʼe zoera andrõ, nibeʼe razo Aretazasa chõ Gesera sangila amachoita; si no toʼõlõ ba niw̃aʼõ ba goroisa Jehowa ba ba gamachoitania ba Ndraono Gizeraëli, imane: 12”[Nibeʼe] Aretazasa fondrege razo chõ Gesera andrõ ere ba sanoera oroisa Lowalangi zoroego andrõ — ba tohoetohoenia. 13No oebeʼe goroisa: dozi Iraono Gizeraëli ba mbanoeagoe ba ere chõra ba Ono Lewi, sedõna mõi ba Jeroezalema, ba ndra mõi awõoe, 14me no nifatenge razo ndraʼoegõ ba nifatenge ganofoelania andrõ si dafitoe, dali goroisa Lowalangioe andrõ, si so ba dangaoe, ba wamaigi he wisa ba mado Joeda ba ba Jeroezalema, (Esit. 1, 14), 15ba ba wolohe chõra firõ andrõ ba anaʼa, nibeʼe razo ba anofoelania saoha gõlõra chõ Lowalangi Ndraono Gizeraëli si so nahia ba Jeroezalema, 16ba he firõ andrõ ba anaʼa, fefoe, nifalaoe chõoe ba danõ Mbabeli maʼasagõrõ, awõ nibeʼe zato [Iraono Gizeraëli] ba ere, saoha gõlõra, wameʼe balazo gosali Lowalangira ba Jeroezalema, saoha gõlõ. 17Andrõ wa õfaigi sibai wameʼe anaʼa andrõ, ba wowõli saw̃i si matoea ba biribiri si matoea ba ono mbiribiri, awõ zoemange niʼā ba soemange nibadoe, nifao ba daʼõ, ba õbeʼe ba naha wameʼe soemange andrõ, ba gosali Lowalangimi ba Jeroezalema. 18Ba ba zi tosai firõ andrõ ba anaʼa ba balazi dõdõoe ba tõdõ niwami andrõ, heza miʼogoenaʼõ, dali zomasi Lowalangimi. 19Ba gamagama andrõ, ba halõw̃õ, ba gosali Lowalangimõ, nibeʼe ba dangaoe, ba ahori õtooeʼõ tooe fõna Lowalangi andrõ, ba Jeroezalema. 20Ba hadia na zogoena chõoe, ba gosali Lowalangioe andrõ, balazo, ba hana na ba nomo girõgirõ chõ razo õhalõ. 21Ba jaʼodo, razo Aretazasa, ba no oebeʼe li ba zangirõ anaʼa andrõ, fefoe, ba danõ, ba zi tambai Oifarati tánõ andrõ, no oemane: Fefoe hadia ia niʼandrõ Gesera andrõ, sanoera oroisa andrõ, oroisa Lowalangi zoroego, niʼandrõnia chõmi, ba miʼoʼõ sibai chõnia, 22irege 22,050 balaki wirõ ba 200 ngasoʼe gandroe ba 20 ngasoʼe nagoe ba 20 ngasoʼe wanicha, ba asio, ba si lõ moew̃aʼõ ha waʼoja. 23Fefoe hadia ia zogoena, dali goroisa Lowalangi zoroego andrõ, ba tenga niʼambõsi fameʼe ba gosali Lowalangi zoroego andrõ, fa bõi gõna fõnoe mbanoea razo ba banoea ndraononia. (F. 6, 10). 24Ba jaʼami, ba bõi zi lõ mirongo: dozi ami, ba ba gere andrõ ba ba Nono Lewi ba ba zanoenõ andrõ ba ba zanaro ba mbawandroehõ ba ba zangai halõwõ ba gosali Lowalangi andrõ, ba lõ tola miwaʼõ mbeo ba ma hoea zago ba ma rodi lala. 25Ba jaʼoegõ Esera, ba õfataro zangoehoekoe ba samatõrõ ba waʼatoeatoea andrõ chõ Lowalangioe, si no so chõoe, enaʼõ lafatoenõ hoehoeo niha sato fefoe, ba danõ ba zi tambai Oifarati tánõ andrõ, — hoehoeo zi no aboto ba dõdõ oroisa Lowalangioe andrõ; ba ha niha zi lõ mangila jaʼia [na], ba mifahaõ. 26Ba dozi ha niha zi lõ moloʼõ oroisa Lowalangioe ba oroisa razo, ba nihaogõ fangoehoekoe, he ba wamoenoe jaʼia, ba he ba waniboʼõ jaʼia, ba he ba wogaoe, ba he ba wokoeroe.”
27III. Nisoeno Jehowa, Lowalangi ndra toeada, si no mameʼe ba dṍdõ razo daʼõ, ba wamolachõmi osali Lowalangi andrõ, ba Jeroezalema, 28ba si no mameʼe faloecha waʼeboea dõdõ razo ndraʼodo, chõ razo ba ba ganofoelania andrõ ba ba goemandroe seboea andrõ chõ razo fefoe! Ba oeʼabeʼeʼõ dõdõgoe, me no itolodo tanga Lowalangigoe Jehowa, ba oeʼowoeloi zatoea Ndraono Gizeraëli, enaʼõ mõi ira awõgoe misi jaw̃a.
Currently Selected:
SOERA GESERA FAZA 7.: NIA
Highlight
Copy
Compare
Share
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.