SOERA GESERA FAZA 5.
FAZA 5.
I. Latohoegõ wolaoe osali. Itenaw̃a enaʼõ Tatenai andrõ. II. Soera Datenai chõ Dario.
1I. Ba mamaʼeleʼõ ndra Hagaʼi Sacharia ono Ido, samaʼeleʼõ andrõ, li Lowalangi Ndraono Gizeraëli, si so jaw̃ara, lafaʼema ba niha Jehoeda ba danõ mado Joeda ba ba Jeroezalema. (Hag. 1, 1. Sach. 1, 1). 2Ba maoso ndra Seroebabeli, ono Zelatiëli, Jesoea, ono Josadaki, labõrõtaigõ wolaoe osali Lowalangi ba Jeroezalema, ba awõra zamaʼeleʼõ andrõ chõ Lowalangi, latolo ira. 3Ba me loeo daʼõ, ba mõi chõra Datenai, koemandroe ba danõ jefo Oifarati, tánõ andre, ba Sitara-Bosinai ba awõra, ba lamane chõra: Ha niha zanehe chõmi folaoe osali andre, awõ wangasiwai õli kara andrõ? 4Ba lamane na gõi: Ha niha dõi niha andrõ, sotomo? 5Ba ihõrõhõrõgõ wolaoe niha Jehoeda andrõ Lowalangira, ba tobali tebai latenaw̃a ira, irege no irongo hoehoeo andrõ Dario, ba irege ifaʼoheʼõ chõra zoera, hadia niw̃aʼõnia.
6II. Daʼe zoera andrõ, nifaʼoheʼõ Datenai, koemandroe ba danõ jefo Oifarati tánõ andre ba Sitara-Bosinai ba awõnia andrõ, banoea Gafarasechi, si so ba danõ jefo Oifarati tánõ andre, nifaʼoheʼõ chõ razo Dario — fangombacha chõnia, 7lamane ba zoera andrõ —: ”Chõ razo Dario, ja ahowoe! 8Bõi zi lõ irongo, razo, wa no mõiga ba danõ mado Joeda, ba gosali Lowalangi seboea andrõ; laʼotomosi gosali andrõ, kara seboea, kara nitoto, ba lahareʼõ jaw̃a mboeatõ: owõlõʼõlõ sibai ira ba halõw̃õ andrõ ba alio tedooe ba dangara. 9Ba no masofoe ba zatoeara, no mamane chõra: Ha niha zanehe chõmi folaoe osali andre, awõ wangasiwai õli kara andrõ? 10Ba he tõira gõi, ba no masofoe chõra, ba wangombacha chõoe, ba no mabeʼe ba zoera chõoe dõi hõgõra andrõ. 11Ba no lamane wangombacha chõma: Enoni Lowalangi andrõ ndraʼaga, si no Lowalangi zoroego ba Lowalangi danõ, ba mafoeli malaoe gosali andrõ, si no moelaoe fõna, ha oega gõtõ niha fõnama, me ilaoe razo Ndraono Gizeraëli, seboea, ba me iʼasiwai. (Raz. I. 6, 1). 12Ba me no laʼandrõ wõnoe Lowalangi zoroego andrõ ira toeama, ba ibeʼe ira ba danga Neboekanesa, razo Mbabeli, Dawa Galedaia; daʼõ zanoedoegõ osali andrõ ba sangoloiʼõ niha ba Mbabeli. (Raz. II. 24, 10 b. t.). 13Ba me awena razo Giro andrõ, razo Mbabeli, me lõ dõfi na, ba itehe razo Kiro andrõ lafoeli lalaoe gosali Lowalangi andre. (F. 1, 1). 14Ba he gamagama andrõ, ba gosali Lowalangi, anaʼa ba firõ, niʼoloiʼõ Neboekanesa moroi ba gosali ba Jeroezalema, nibeʼenia ba gosali ba Mbabeli, ibeʼe baero razo Kiro, ihalõ ba gosali ba Mbabeli, ba tebeʼe ba danga nifataronia koemandroe andrõ, Sesibasa dõinia. 15Ba ibeʼe li chõnia, imane: ’Halõ gamagama andre, ba aeʼe, ba beʼe ba gosali ba Jeroezalema; ba lafoeli lalaoe gosali Lowalangi ba nahania fõna.’ 16Ba mõi Zesibasa andrõ, ibeʼe tooe dojo gosali Lowalangi, ba Jeroezalema, ba iʼotarai loeo daʼõ, ba laʼotomotomosi ia, ba lõ sawai na. 17Ba ijaʼe, ba na omasi razo, ba ndra moeʼaloealoei ba nomo girõgirõ andrõ, chõ razo, ba daʼõ, ba Mbabeli, na si ndroehoe si manõ, na no itehe razo Kiro, lalaoe gosali Lowalangi andrõ, ba Jeroezalema; ba jamoefarongogõ chõma dõdõnia ba hoehoeo andrõ.”
Currently Selected:
SOERA GESERA FAZA 5.: NIA
Highlight
Copy
Compare
Share
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.