SOERA NGAʼÕTÕ II. FAZA 8.
FAZA 8.
I. Mangaró banoea Zelomo. Rodi. II. Lahonogõi wameʼe soemange. Foloja.
(Faigi gõi Raz. I. 9, 10—28)
1I. Ba no noemalõ zi 20 fache andrõ, gõtõ wolaoe Zelomo osali Jehowa andrõ, awõ gõdonia. 2Ba banoea andrõ, nibeʼe Hoeramo chõ Zelomo, ba iʼaroʼõ Selomo, ba Iraono Gizeraëli ifataro ba daʼõ. 3Ba mõi moesoewõ Hamata Zoba Selomo, ba atoeʼa ia ba daʼõ. 4Ba iʼaroʼõ Dadimoro ba danõ si mate, awõ mbanoea andrõ nitaroeʼõnia ba Hamata. 5Ba niʼaroʼõnia na baero õ, ba Beti Horona jaw̃a ba Beti Horona tooe, ibaliʼõ banoea saro, si so õli kara ba bawa gõli nilazi. 6Ba he Baʼalata ba banoea andrõ nihõna balazo, fefoe, chõ Zelomo, ba banoea goereta andrõ, fefoe, ba banoea zi fakoedo, ba hadia ia fefoe, somasi Zelomo ilaoe, ba Jeroezalema ba ba hili Libano ba ba danõ si so barõ mbawania, maʼasagõrõ. 7Ba ha niha fefoe, si tosai na, Iraono Cheti ba Iraono Gamori ba Iraono Weresi ba Iraono Hewi ba Iraono Jeboesi, si tenga Iraono Gizeraëli, 8— ngaʼõtõ niha andrõ, si tosai na ba danõ, nisaigõ Ndraono Gizeraëli, si lõ moehori, — ba iʼofaja Selomo ba rodi, siroegi maʼõchṍ andre. (Jos. 16, 10). 9Ba Iraono Gizeraëli, ba lõ ibaliʼõ sawoejoe Selomo ba wohalõw̃õ chõnia; jaʼira ba si mõimõi fasoewõ ba solohe si fasõndra si iagõ koereta, ba solohe koereta andrõ chõnia, fabaja si fakoedo. 10Ba faʼato hõgõ goemandroe chõ razo Selomo, ba no 250, samaigimaigi niha sato. 11Ba ono Waraʼo andrõ, ba iʼohe ba nomo andrõ, nilaoenia chõnia, Selomo, iheta ba mbanoea Dawido. Imane sa: Bõi ja sosó chõgoe ndra alawe ba gõdo Dawido, razo Ndraono Gizeraëli, me no niʼamoniʼõ, me no labeʼe ba daʼõ dawõla andrõ. (Raz. I. 3, 1).
12II. Ba ibeʼe saʼae chõ Jehowa zoemange nitoenoe Selomo, ba naha wameʼe soemange andrõ, nifaʼanõnia fõna geweʼewe andrõ, (F. 1, 3—6. F. 4, 1), 13itõrõ nibeʼe maʼṍchõ, dali goroisa Moze andrõ ba loeo sabato ba ba sawoelõna mbaw̃a ba ba gowasa andrõ, medõloe zi dõfi — ba gowasa roti si lõ moeʼaisõni ba ba gowasa wendrakose ba ba gowasa nose daha geoe — ibeʼe zoemange. (Moz. II. 23, 14. Moz. IV. 28, 2. 9. 11. 17. 26; 29, 12). 14Ba iʼoʼõ gõi nihonogõi namania Dawido, wamataro ngenoli gere andrõ ba halõw̃õra, ba he Ono Lewi, ba niw̃aʼõ chõra, ba wanoenõ ba ba weʼamõi tohoetohoe danga gere sogoena maʼṍchõ; ba sanaro ba mbawandroehõ andrõ, ba ngenolira, ha oega mbawandroehõ; si manõ sa goroisa Dawido andrõ, enoni Lowalangi. (Ngaʼõt. I. 23—26). 15Ahori laʼoʼõ goroisa razo, he lawisa ba gere andrõ ba ba Nono Lewi ba ba girõgirõ andrõ. 16Ba tobali tofõfõ halõw̃õ Zelomo andrõ, me iroegi loeo daʼõ; fameʼe tooe tojo gosali ba irege wangasiwai; no awai gosali Jehowa. 17Ba mõi ba Geseono Geberi Zelomo ba ba Geloto, ba mbewe nasi, ba danõ Ndraono Gedomo. 18Ba Hoeramo andrõ, ba ifaʼoheʼõ chõ Zelomo nowo, fabaja ono nowo, si no toʼõlõ ba nasi; banoeania zolohe. Ba fao ira ba mbanoea Zelomo, ba laroegi Gofiri, lahalõ ganaʼa ba daʼõ, 892,625 balaki ba laʼohe chõ razo Selomo.
Currently Selected:
SOERA NGAʼÕTÕ II. FAZA 8.: NIA
Highlight
Copy
Compare
Share
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.