SOERA NGAʼÕTÕ II. FAZA 4.
FAZA 4.
I. Folaoe gala seboea andrõ, tõla, ba naha wandroe ba meza roti nifaigifaigi andrõ. II. Gamagama bõʼõ.
(Faigi gõi Raz. I. 7, 23—51)
1I. Ba ifaʼanõ na gõi naha wameʼe soemange, tõla, 20 hela waʼanaoe ba 20 hela waʼebolo ba 10 hela waʼalaw̃a. (F. 7, 7). 2Ba ifalaoeʼõ gala nidanõ andrõ, nifahele, 10 hela waʼew̃aw̃a mbewe, sowoelo, 5 hela waʼabacha; ba na lafasoei mbewe sinali, ba 30 hela. 3Ba tooe mbewenia ba famaedo zoeri deʼoe, fasoei manõ, — foeloefoeloe ba zi sahesahela — no tefasoei gala andrõ, doea ngenoli zoeri, nifao ba wamahele mege. 4Ba dajadajania, ba 12 wamaedo zaw̃i, tõloe mijõoe, ba tõloe zi otahõgõ gaechoela loeo ba tõloe miraja ba tõloe tánõ ba gatoemboecha loeo. Ba si tohare ba hoeloera gala andrõ, ba tojora fefoe, ba no faondrá. 5Ba faʼaweʼeweʼe gala, ba laloeʼa, ba bewenia, ba si mane bewe mako, si mane boenga zõmasõma safoesi; ba 600 ngasoʼe itaha idanõ. 6Ba baero õ, ba 10 ifazõchi balanga; lima ibeʼe ba gambõlo ba lima ba gabera naha wanasa, (ba daʼõ lasasai hadia ia ba zoemange nitoenoe andrõ); ba gala seboea andrõ, ba enaʼõ naha wanasa ba gere. 7Ba ifazõchi gõi naha wandroe andrõ, si foeloe, dali nifachoi ba daʼõ, ba ibeʼe ba gosali bacha, lima ba gambõlõ ba lima ba gabera. 8Ba foeloe gõi ifazõchi meza, ba ibeʼe ba gosali, lima ba gambõlõ ba lima ba gabera, ba otoe ifazõchi figa, sogoena ba wanefe hadia ia. 9Ba iʼoniagõ golajama gere, ba he olajama sebolo andrõ; ba bawandroehõ golajama ifazõchi; ba lagõ mbawandroehõ andrõ, ba ifoʼoeli tõla. 10Ba gala seboea andrõ, ba raja gosali ibeʼe tánõ ba gatoemboecha loeo, si otahõgõ miraja.
11II. Ba Hoeramo andrõ, ba ifazõchi mbowoa andrõ, ba soendroesoendroe ba figa, ba wanefe. Ba tobali iʼasiwai Hoeramo nilaoe andrõ, hadia ia nifazõchinia chõ razo Selomo, ba gosali Lowalangi. 12Doea daroe nahe, awõ hõgõ andrõ jaw̃a, si domboea sotalosoe, awõ niʼotaraw̃a andrõ, baloebaloe dalosoe hõgõ daroe nahe andrõ, 13ba 400 wamaedo mboea dalimo, ba niʼotaraw̃a andrõ si doea gõrõ, doea ngenoli wamaedo mboea dalimo zagõrõ niʼotaraw̃a, baloebaloe dalosoe hõgõ daroe nahe andrõ; 14ba ifazõchi dajadaja andrõ, si foeloe, awõ mbalanga andrõ, si foeloe, 15ba dajadaja andrõ jaw̃a, ba gala seboea andrõ, si ha samboea ba famaedo zaw̃i andrõ, si feledroea, dajadajania. 16Ba bowoa andrõ ba soendroesoendroe ba garafoe ba fakake fefoe, sogoena ba daʼõ, ifazõchi Hoeramo-Abiwi, chõ Zelomo, ba gosali Jehowa, oi tõla niʼalõsõigõ. 17Ba ndraso Joridano ifafaheleʼõ razo, ba golaboeta laʼoeri, ba gotaloeara Zoekota Zereda. 18Ba oja sibai ifafazõchiʼõ Selomo fakake andrõ fefoe; lõʼõ sa moehonogõi waʼaboea dõla andrõ. 19Ahori ifazõchi Selomo gamagama andrõ, ba gosali Lowalangi: Naha wameʼe soemange andrõ, anaʼa, awõ meza andrõ, naha roti nifaigifaigi, 20awõ naha wandroe andrõ, fabaja fandroe, si ndroehoe mbalaki, enaʼõ latoenoetoenoe fõna wondrege niʼamoniʼõ, 21dali goroisa ba daʼo, ba boengaboenga andrõ, awõ naha wandroe, awõ goeti wandroe, anaʼa, si ndroehoe mbalaki 22— awõ ziʼõli andrõ, awõ wiga, ba wanefe, awõ mako, awõ gali, si ndroehoe mbalaki. Ba ba lagõ mbawandroehõ, ba no anaʼa lagõ mbawandroehõ tánõ bacha ba wondrege niʼamoniʼõ andrõ, ba he lagõ mbawandroehõ ba nomo, ba zi hoelõ daloe zalo.
Currently Selected:
SOERA NGAʼÕTÕ II. FAZA 4.: NIA
Highlight
Copy
Compare
Share
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.