SOERA NGAʼÕTÕ II. FAZA 3.
FAZA 3.
I. Folaoe osali. II. Fondrege niʼamoniʼõ; keroebi andrõ; baʼabaʼa andrõ ba taroe nahe.
(Faigi gõi Raz. I. 6: 7, 15—22)
1I. Ba ibõrõtaigõ Selomo wolaoe osali Jehowa andrõ ba Jeroezalema, ba hili Morija andrõ, ba niʼoromaʼõ Jehowa jaʼia chõ namania Dawido, ba naha andrõ niʼasiwai Dawido, ba golojama mbasitõ chõ Gorana, Iraono Jeboesi. (Moz. I. 22, 2. Sam. II. 24, 28. Ngaʼõt. I. 21, 18). 2Ba zi mendroea ba mbaw̃a si doea, ibõrotaigõ wotomo andrõ, me no aloea medõloe fache razo ia. 3Ba daʼe nifachoi Zelomo, ba wolaoe osali Lowalangi andrõ: Faʼanaoe, ba 60 hela — ba hela fõna —, ba faʼebolo, ba 40 hela. 4Ba eweʼewe fõna nõsi nomo, nifoʼotoʼoto, seboea ba 10 hela waʼebolo, ba faʼanaoenia, ba mbawa doeasa nomo, ba 20 hela, ba faʼalaw̃a, ba 20 hela [gõi]. Ba tánõ bacha, ba ifoʼoeli si ndroehoe mbalaki. 5Ba si hoelõ daloe zalo, ba ibagolõi bagalõ senobari, ba awena ifoʼoeli balaki ba ifasoeaʼõ wamaedo nohi ba si hoelõ rate. 6Ba ifoadoe feremata; ba anaʼa andrõ, ba anaʼa Warawaʼi. 7Ba ifoʼoeli saʼae baoeloe, anaʼa, he boeatõ, ba he hõgõ ba tojo mbawandroehõ, ba he bagolõ ba he lagõ mbawandroehõ, ba ifasoeaʼõ wamaedo keroebi, ba mbagolõ.
8II. Ba iʼoniagõ wondrege niʼamoniʼõ andrõ; faʼanaoenia, ba 20 hela, dali mbolo nomo, ba faʼebolonia, ba 20 hela gõi, ba ifoʼoeli balaki, 2,382,300 balaki. 9Ba faʼaboea gosõʼosõ, ba 50 fondroejoe anaʼa. Ba he bateʼe ba zi sagõtõ, ba ifoʼoeli anaʼa. 10Ba si bacha ba wondrege niʼamoniʼõ andrõ, ba ifalaoeʼõ keroebi, domboea, nilaoe doeka wamaedo niha, ba ifoʼoeli anaʼa. 11Afi keroebi andrõ, ba 20 hela waʼanaoe, ba waʼoroedoe; si sara, si 5 hela, ba iroegi mbagolõ nomo, ba si sara, si 5 hela gõi, ba iroegi mboete gafi keroebi si samboea. 12Ba si manõ gafi si sara, ba keroebi si samboea, 5 hela gõi, ba iroegi mbagolõ; ba afinia si sara, si 5 hela gõi, ba iroegi mboete gafi keroebi si samboea. 13Faʼanaoe gafi keroebi andrõ, nibologõ, ba 20 hela. Ba no sizizio ira ba laʼotahõgõ nõsi nomo. 14Ba ifalaoeʼõ mbaʼabaʼa andrõ, oengoe sowōē waroewaroe ba sojo, ba kirimisi ba tarafali, ba ifofamaedo keroebi. (Moz. II. 26, 31). 15Ba fõna nomo, ba doea ifalaoeʼõ taroe nahe, 35 hela waʼalaw̃a, ba limalima hela hõgõ si jaw̃a. (Raz. I. 7, 15 b. t.). 16Ba ifalaoeʼõ zi hoelõ rate nibeʼe ba hõgõ daroe nahe andrõ; ba 100 ifalaoeʼõ famaedo mboea dalimo, nibeʼe ba rate andrõ. 17Ba taroe nahe andrõ, ba ba mbawa doeasa gosali ifasindro, sara ba gambõlõ, ba sara ba gabera; si so ba gambõlõ, ba Jachino ibeʼe tõi, ba ba gabera, ba Boasi.
Currently Selected:
SOERA NGAʼÕTÕ II. FAZA 3.: NIA
Highlight
Copy
Compare
Share
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.