SOERA NGAʼÕTÕ II. FAZA 2.
FAZA 2.
I. Fawoeʼoe li ira Zelomo Hoeramo, ba wolaoe osali andrõ. II. Faʼato zohalõw̃õ.
(Faigi gõi Raz. I. 5, 1—18)
1I. Ba iw̃aʼõ Selomo, lalaoe gosali dõi Jehowa, ba chõnia, ba lalaoe gõdo razo. 2Ba iʼofaja Selomo, zonoro, 70,000, ba 80,000 zanoto kara, ba hili, ba 3600 mandroera. 3Ba ifatenge zinenge Selomo chõ Hoeramo, razo Diro, imane chõnia: Folaoemõ chõ namagoe Dawido no, me õfaʼoheʼõ chõnia mbalo, eresi, enaʼõ ilaoe gõdo chõnia, omonia… (Sam. II. 5, 11. Ngaʼõt. I. 14, 1). 4Ba hiza, oelaoe gosali dõi Lowalangigoe Jehowa, niʼamoniʼõ chõnia, ba wanoenoe samohoea chõnia ba ba wamaʼoli roti nifaigifaigi andrõ, ba ba zoemange nitoenoe andrõ, nifafõfõ loeo, ero maʼṍchõ, ba ba loeo sabato ba ba wasoelõna mbaw̃a ba ba gowasa andrõ chõ Lowalangima Jehowa, — õmõ Ndraono Gizeraëli daʼõ, si lõ mamalõmalõ. (Moz. IV. 28, 4). 5Ba osali andrõ nilaoegoe, ba seboea; me no seboea moroi ba Lowalangi bõʼõ fefoe Lowalangima andrõ. (Sin. 86, 8). 6Ba ha niha sa zangila molaoe omo chõnia? Me no ambõ nahiania zoroego, awõ zoroego fondrege zalaw̃a jaw̃a; ba ha niha ndraʼodo, wa solaoe omonia ndraʼo? — na tenga ha ba wanoenoe koemõjõ chõnia? (Raz. I. 8, 27. F. 6, 18). 7Ba fatenge saʼae chõgoe niha, samõsa, si no toʼõlõ ba walaoe hadia ia, he ba ganaʼa ba he ba wirõ ba he ba dõla ba he ba ziʼõli ba ba oengoe sojo ba ba girimisi ba ba oengoe sowōē waroewaroe, ba sangila manoea gambara, awõ doeka andrõ si so chõgoe ba mado Joeda ba ba Jeroezalema, niʼasogõ namagoe Dawido. 8Ba faʼoheʼõ gõi chõgoe geoe balo, eresi ba senobari ba sendrana, moroi ba hili Libano; aboto sa ba dõdõgoe, wa no toʼõlõ mbanoeaoe andrõ, ba wolaoe eoe ba hili Libano, ba banoeagoe, ba no teʼanõ, tohoetohoe danga mbanoeaoe andrõ. 9Ba oja sibai niʼaʼasogõ chõgoe eoe balo, me seboea dania ba sanaloeʼi inõtõ nomo andrõ, nilaoegoe. 10Ba oefaʼoheʼõ balazo zolaoe eoe andrõ, solobõ, banoeaoe andrõ, ba 40,000 ngasoʼe gandroe ba 40,000 ngasoʼe zeʼiri ba 4000 ngasoʼe nagoe ba 4000 ngasoʼe wanicha. 11Ba itema li Zelomo Hoeramo, razo Diro, ifaʼoheʼõ zoera chõ Zelomo, imane: Me no iʼomasiʼõ mbanoeania Jehowa, andrõ wa ifataro razora ndraʼoegõ. 12Ba imane na Hoeramo: Nisoeno Jehowa, Lowalangi Ndraono Gizeraëli, samazõchi banoea si jaw̃a, awõ danõ, me no ibeʼe chõ razo Dawido nono satoeatoea, si so faʼoneche ba faʼaboto ba dõdõ, ba wolaoe osali chõ Jehowa ba ba wolaoe gõdo razo chõnia. 13Ba oefatenge chõoe doeka, sangila watahõgõ, Hoeramo Abi andrõ, (Raz. I. 7, 13), 14mado Dano ninania ba banoea Diro nama. Si no toʼõlõ ia ba wolaoe hadia ia, ba ganaʼa ba ba wirõ ba ba dõla ba ba ziʼõli ba ba gara, ba he ba geoe ba ba oengoe sojo, ba he ba zowōē waroewaroe, ba ba darafali ba ba girimisi, ba ba wanoea hadia ia ngawalõ gambara, ba ba wolaoe hadia halõw̃õ doeka, niw̃aʼõ chõnia, awõ doeka chõoe ba awõ doeka chõ doeagoe amaoe Dawido. (Moz. II. 31, 2—6). 15Ba faʼoheʼõ saʼae, õ genonioe, gandroe andrõ, ba seʼiri ba fanicha ba agoe andrõ, niw̃aʼõoe, jaʼoegõ sochõ jaʼo. 16Ba jaʼaga andre, ba solaoe eoe ba hili Libano, ha waʼojaʼoja zogoena chõoe, ba maʼohe chõoe ba Jafo, marakeni, ba nasi, ba jaʼoegõ zamaʼoheʼõ misi jaw̃a ba Jeroezalema.
17II. Ba iʼofaja Selomo fefoe zi fatewoe gana ba danõ Ndraono Gizeraëli, si mane me iʼofaja amania Dawido fõna; ba no 153,600. 18Ba 70,000 ifataro sanaʼoenaʼoe hadia ia, ba 80,000 ibeʼe sanotonoto kara, ba hili, ba 3,600 ifataro mandroe, sangoʼooe niha andrõ ba rodi andrõ. (Jos. 9, 27).
Currently Selected:
SOERA NGAʼÕTÕ II. FAZA 2.: NIA
Highlight
Copy
Compare
Share
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.