SOERA NGAʼÕTÕ II. FAZA 27.
FAZA 27.
Jotamo, razo satoelõ tõdõ, ba mofozoe nilaoenia.
(Faigi gõi Raz. II. 15, 32—38)
1 Doea woeloe a lima fache Jotamo, me tobali razo ia, ba 16 fache razo ia ba Jeroezalema. Ba tõi ninania, ba Jeroesa, ono Zadoki. 2Ba somasi Jehowa ilaoe, iʼohiʼaʼõ sibai nilaoe namania Oesia mege, ha fa lõ mõi ba gosali. Ba sato, ba lalaoelaoe na zi lõ sõchi. (F. 26, 16). 3Jaʼia zolaoe bawandroehõ andrõ ba gosali Jehowa, tanõ si jaw̃a; ba lõʼõ gõi aetoe wohalõw̃õ ba gõli Gofeli andrõ. (Ngaʼõt. II. 33, 14). 4Ba itaroeʼõ na gõi mbanoea ba hili mado Joeda misa, ba ba gatoea misa, ba ilaoe hati ba malige. 5Ba fasoewõ gõi ia chõ razo Ndraono Gamoni, ba teʼala daʼõ ibeʼe. Ba ifoʼõmõ Ndraono Gamoni, ba ndrõfi andrõ: 22,050 balaki ba roefia (firõ) ba 20,000 ngasoʼe gandroe ba 20,000 ngasoʼe zeʼiri; ba si manõ gõi labeʼe Iraono Gamoni ba ndrõfi dania ba ba ndrõfi fanete daʼõ. 6Ba tedooe manõ waʼabõlõ Jotamo, me no lala sadõlõ manõ itõrõ fõna Lowalanginia Jehowa. 7Ba hadia na niw̃aʼõ baero õ, ba chõ Jotamo andrõ, fasoewõtania ba hadia ia nilaoenia na, ba no moetanõ ba zoera razo Ndraono Gizeraëli ba ba zoera razo mado Joeda. 8Doea woeloe a lima fache ia, me tobali razo ia, ba 16 fache razo ia ba Jeroezalema. 9Ba mate Jotamo, itõrõ lala ndra amania, ba ba mbanoea Dawido lakoʼo ia. Ba fangalinia razo, ba ononia Ahasi.
Currently Selected:
SOERA NGAʼÕTÕ II. FAZA 27.: NIA
Highlight
Copy
Compare
Share
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.