SOERA NGAʼÕTÕ II. FAZA 25.
FAZA 25.
I. Amasia razo. Teʼala Ndraono Gedomo ibeʼe. II. Mameʼe adoe Gamasia. Teʼala mado Joeda ibeʼe Joasi, razo Ndraono Gizeraëli. III. Faʼamate Gamasia.
(Faigi gõi Raz. II. 14, 1—22)
1I. Doea woeloe a lima fache Gamasia, me tobali razo ia, ba 29 fache razo ia ba Jeroezalema. Ba tõi ninania, ba Joadana, banoea Jeroezalema. 2Ba somasi Jehowa ilaoe, ba lõ aʼoi dõdõnia. 3Ba me no aro waʼarazonia ba ifaboenoeʼõ genoninia andrõ, samoenoe amania razo mege. (F. 24, 25). 4Ba iraonora, ba lõ ifaboenoeʼõ, iʼoʼõ nifachoi Jehowa, si so ba zoera goroisa andrõ chõ Moze, me imane: Bõi mate nama, fabaja iraono, ba bõi mate Ndraono, fabaja ira ama, ha ba horõnia laboenoe zamõsana. (Moz. V. 24, 16). 5Ba iʼowoeloi mado Joeda Amasia, ifõfõʼõ ira, sawoesawōē, dali goemandra ngahõnõ andrõ ba koemandra ngaotoe, ba mado Joeda fefoe ba ba mado Mbenijami. Ba iʼofaja ira, iʼotarai zi 20 fache faʼeboea ba si aʼa moroi andrõ, ba hiza, ba no 300,000 nitoetoejoe, sabõlõ, solohe toho ba baloese. (Moz. IV. 1, 3). 6Ba 100,000 na iʼoni Iraono Gizeraëli sabõlõ, 22, 050 balaki ba roefia ibeʼe anaʼa. 7Ba so zi mõi chõnia enoni Lowalangi, imane chõnia: He razo! Bõi ohe awõoe zabõlõ Ndraono Gizeraëli, lõʼõ sa itolo Ndraono Gizeraëli Jehowa, mado Geferaji andrõ fefoe. 8Aeʼe manõ, ha jaʼoegõ, ba abeʼeʼõ dõdõoe ba wasoewõta andrõ; ma teʼala ndraʼoegõ ba noedoemõ andrõ ibeʼe Lowalangi. So sa waʼabõlõ chõ Lowalangi, he ba wanolo, ba he ba wangalani. 9Ba imane Amasia chõ genoni Lowalangi andrõ: Ba he lawisa zi 22,050 balaki andrõ, nibeʼegoe ba zabõlõ Ndraono Gizeraëli andrõ? Ba imane chõnia enoni Lowalangi andrõ: Seboea moroi ba daʼõ iʼila ibeʼe chõoe Jehowa! 10Awena iʼoniagõ Amasia zabõlõ andrõ, si no mangondrasi jaʼia, mado Geferaji, enaʼõ lafoeli ira. Ba mofõnoe sibai ira ba mado Joeda, ba lafoeli ira, abao sibai dõdõra. 11Ba iʼabeʼeʼõ dõdõnia Amasia, iʼohe mbanoeania, lasaw̃a ndraso nasio andrõ, ba lalaoe ba mbanoea Zeʼira andrõ, 1000 zi mate. 12Ba 10,000 laraʼoe mado Joeda, ba laʼohe ba zoezoe gara, ba hili, ba latoeliʼõ si tooe moroi ba daʼõ, ba ahori arasa. 13Ba sabõlõ no mege, nifofanõ Gamasia, fa bõi fao ira ba wasoewõta andrõ, ba lahawoei mbanoea mado Joeda, iʼotarai Zamaria, iroegi Mbeti Horona; 3000 laboenoe niha, ba eboea sibai gahoeloea laʼoloiʼõ.
14II. Ba me mangawoeli Gamasia, me no iʼalani Ndraono Gedomo, ba iʼohe nadoe mbanoea Zeʼira andrõ, ba ifedadao adoenia, ba ba daʼõ mangaloengaloeloe ia ba manoenoenoenoe koemõjõ. 15Ba mofõnoe Jehowa chõ Gamasia, ba ifatenge chõnia zamaʼeleʼõ. Ba imane chõnia daʼõ: Hana wa õʼolembai Lowalangi niha andrõ, si tebai mangefaʼõ ba dangaoe mege banoeara andrõ? 16Ba me imanõ wehede chõ razo, ba imane chõnia razo: Hadia no mafataro ndraʼoegõ samobawa lala chõ razo? Bato, fa bõi labõziʼõ! Ba ibato samaʼeleʼõ andrõ, imane: Aboto saʼae ba dõdõgoe, wa no ihonogõi Lowalangi wamakiko jaʼoegõ, me no õmanõ wolaoe ba me lõ õfondrondrongo niw̃aʼõgoe chõoe! 17Ba me no mamagõlõ [ba nawõnia] Gamasia, razo mado Joeda, ba ifatenge chõ Joasi, ono Joahasi ono Jehoe, razo Ndraono Gizeraëli, imane chõnia: Talaboe talaoe fatandra faʼabõlõ! 18Ba ifafoeliʼõ li chõ Gamasia, razo mado Joeda, Joasi, razo Ndraono Gizeraëli, imane: No ifatenge ba dõla geresi, ba hili Libano, saʼasaʼa mao ba hili Libano, imane chõnia: Datalaoe fambambatõ! Ba latõrõ zaʼasaʼa mao andrõ oetoe ndroeʼoe ba hili Libano, lahoendrahoendra. (Sangoehoek. 9, 8. 14). 19Õmane dõdõoe: Noa sa oeʼalani Ndraono Gedomo andrõ! Ba ifowõhõʼõ tõdõoe ba wajaw̃asa. Iagõ manõ chõmi! Hana wa õʼarõ wamoenoe, enaʼõ teʼala ndraʼoegõ, fabaja mado Joeda? 20Ba lõ ifondrondrongo Amasia; noa sa nifatõrõ Lowalangi daʼõ, ba wameʼe ba danga noedoera jaʼira, me no laʼolembai Lowalangi Ndraono Gedomo. 21Ba so Joasi, razo Ndraono Gizeraëli, ba fatandra faʼabõlõ ira Gamasia, razo mado Joeda, ba zinga Mbetiseme, banoea mado Joeda. 22Ba teʼala mado Joeda labeʼe Iraono Gizeraëli, moloi ira, isaw̃a chõra zamõsana. 23Ba iraʼoe Gamasia, ono Joasi ono Jehoahasi razo mado Joeda, Joasi, razo Ndraono Gizeraëli, ba Mbetiseme, ba iʼohe ba Jeroezalema. Ba idoedoegõ gõli Jeroezalema, õli kara, iʼotarai mbawa gõli Geferaji, iroegi mbawa gõli ba watalinga, 400 hela waʼanaoe. 24Ba ahori ihalõ ganaʼa ba firõ ba fakake ba gosali Lowalangi, chõ Gobedi-Edomo, fabaja girõgirõ ba gõdo razo, awõ niha, weʼeweʼe dõdõ, ba ifoeli ia ba Zamaria.
25III. Ba mewelelima fache tõ na noso Gamasia, ono Joasi, razo mado Joeda, me no mate Joasi andrõ, ono Joahasi, salaw̃a Ndraono Gizeraëli. 26Ba bõʼõnia hikaja Gamasia, he famobõrõ mege, ba he safoeria andrõ, ba noa sa moetanõ ba zoera razo mado Joeda ba ba zoera razo Ndraono Gizeraëli. 27Ba iʼotarai loeo me iʼerogõ Jehowa Amasia, ba so zamagõlõ, banoea Jeroezalema, ba wamoenoe jaʼia. Ba moloi ia, isaw̃a Lachisi; ba lafatenge zoloʼõ jaʼia ba Lachisi, samoenoe jaʼia ba daʼõ. (F. 24, 25). 28Ba labeʼe ba goereta, ba ba Jeroezalema, ba mbanoea Dawido, lakoʼo ia ba ngai ndra amania.
Currently Selected:
SOERA NGAʼÕTÕ II. FAZA 25.: NIA
Highlight
Copy
Compare
Share
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.