SOERA NGAʼÕTÕ II. FAZA 22.
FAZA 22.
I. Razo Ahasejahoe, sameʼemeʼe adoe. II. Iboenoe ndraono Atalia. Ha Joasi zaoeri.
(A. 22, 1—6: Raz. II. 8, 25—29)
1I. Ba lafataro fangalinia razo nononia si achi, Ahasejahoe, banoea Jeroezalema, me no laboenoe zi aʼa fefoe sanoewõ andrõ, Dawa Ara, me laroegi golombasew̃a no. Ba tobali razo Gahasejahoe andrõ, ono Jehoramo, razo mado Joeda. (F. 21, 17). 2Doea woeloe a roea fache Gahasejahoe, me tobali razo ia, ba ha dõfi razo ia ba Jeroezalema. Ba tõi ninania, ba Atalia, maʼoewoe Omeri andrõ, razo Ndraono Gizeraëli. 3Ba itõrõ lala zi sawōē ndra Ahabi, me no inania andrõ zamobawa lala chõnia, ba wanao horõ. 4Ba tobali si fatoewoe chõ Jehowa ilaoe, si mane si sawōē ndra Ahabi; daʼõ sa zamobawa lala chõnia, me no mate namania, ba tobali famakikonia. 5Lira gõi ifondrondrongo, ba wefao chõ Joramo, ono Gahabi, razo Ndraono Gizeraëli, ba wanoewõ Hazaëli andrõ, razo Ndrawa Garamo, ba Ramoti, ba danõ Gileadi; ba mesocho Joramo labeʼe Dawa Garamo. 6Ba mangawoeli ia, isaw̃a Jezereʼeli, ba wamadõhõ sochonia andrõ, si tenga ha samboea, sesocho ia ba Rama, me fasoewõ ia chõ Hazaëli andrõ, razo Ndrawa Garamo. Ba Ahasejahoe, ono Jehoramo razo mado Joeda, ba no mõi mitooe mamaigi Joramo, ono Gahabi, ba Jezereʼeli, me no mofõchõ. 7Ba tobali famoenoe Gahasejahoe, nifatõrõ Lowalangi, weʼamõinia chõ Joramo. Me no iroegi, ba fao ia chõ Joramo weʼamõi chõ Jehoe andrõ, nifabajoiniʼõ Jehowa, enaʼõ ihori zi sawōē ndra Ahabi. (Raz. I. 19, 16. Raz. II. 9, 2. 6). 8Ba me ifatõrõ hoekoe andrõ Jehoe, ba zi sawōē ndra Ahabi, ba faloecha ia zatoea mado Joeda ba iraono dalifoesõ Gahasejahoe, enoni Gahasejahoe, ba ifaboenoeʼõ ira. (Raz. II. 10, 12—14). 9Ba ifaʼaloeiʼõ gõi Gahasejahoe, ba laraʼoe ia, me no ibiniʼõ ia ba Zamaria. Ba laʼohe chõ Jehoe, ba laboenoe. Ba lakoʼo ia, lamane sa: no ono Jozafati andrõ, si lõ aefaʼaefa mege chõ Jehowa, soroi siʼaikõ ba dõdõ! Ba samõsa lõʼõ saʼae si sawōē ndra Ahasejahoe, si tola tefataro razo. (Raz. II. 9, 27—29).
(A. 10—12: Raz. II. 11, 1—3)
10II. Ba me irongo Atalia, ina Gahasejahoe, no mate nononia, ba itema ifaboenoeʼõ fefoe ngaʼõtõ razo ba mado Joeda. (Raz. II. 11, 1 b. t.). 11Ba maoso Jozabata, ono razo, alawe, ihalõ Joasi, ono Gahasejahoe, ba hoenõ nono razo boenoesõ andrõ, ibiniʼõ, iʼohe si bacha ba wõrõma, awõ baboenia. Tobali ibiniʼõ [Joasi] Jozabata, ono razo Jehoramo, foʼomo Jojada ere — me talifoesõ Gahasejahoe ia — ibiniʼõ chõ Gatalia, fa bõi iboenoe. 12Ba chõra tobini ia, ba gosali Lowalangi, meõnõ fache waʼara, gõtõ waʼasalaw̃a Gatalia ba danõ.
Currently Selected:
SOERA NGAʼÕTÕ II. FAZA 22.: NIA
Highlight
Copy
Compare
Share
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.