SOERA NGAʼÕTÕ II. FAZA 21.
FAZA 21.
I. Faʼamate Jozafati. Iboenoe dalifoesõnia Jehoramo ba mameʼe adoe. II. Lafabali ira ba mado Joeda Iraono Gedomo. III. Ifetaʼoe Jehoramo Elija. Itõrõ niw̃aʼõnia. Faʼamate Jehoramo.
(Faigi gõi Raz. II. 8, 16—22)
1I. Ba mate Jozafati itõrõ lala ndra amania, ba lakoʼo ia ba ngai ndra amania, ba mbanoea Dawido. Ba fangalinia razo, ba ononia Jehoramo. (Raz. II. 8, 16 b. t.). 2Ba so nachi daʼõ, ono Jozafati: Asaria ba Jehiëli ba Sechariahoe ba Asariahoe ba Michaëli, ba Sefatiahoe; oi ono Jozafati razo Ndraono Gizeraëli daʼõ, ono matoea. 3Ba no eboea mboeala nibeʼe namara chõra, firõ ba anaʼa ba gamagama ba banoea saro, ba mado Joeda. Ba faʼarazo, ba chõ Jehoramo itehe, me no si aʼa daʼõ. 4Ba me no tobali razo Jehoramo ba gamatõrõw̃a namania, ba me no iʼaroʼõ ia, ba ifaboenoeʼõ nachinia andrõ fefoe, fabaja satoea Ndraono Gizeraëli õsa. (Sangoehoek. 9, 5). 5Tõloe ngafoeloe a roea fache Jehoramo, me tobali razo ia, ba mew̃aloe fache razo ia ba Jeroezalema. 6Ba itõrõ lala razo Ndraono Gizeraëli, lala zi sawōē ndra Ahabi, noa sa ono Gahabi woʼomonia. Ba si fatoewoe chõ Jehowa ilaoe. 7Ba lõ edõna Jehowa, ifakiko ngaʼõtõ Dawido, bõrõ wawoeʼoesa li andrõ, me no fawoeʼoe li ia chõ Dawido; dali nifaboeʼoenia, wa lõ edõna iboelõʼõ wandroe chõ Dawido ba ba ngaʼõtõnia. (Sam. II. 7, 12. 16. Raz. I. 11, 36. Sin. 132, 17).
8II. Ba gõtõnia aheta Ndraono Gedomo barõ mbawa mado Joeda, ba lafataro chõra razo. 9Ba isaw̃a ira mijefo Jehoramo, awõ goemandra chõnia, awõ goeretania fefoe. Ba maoso ia ba zi bongi, ba ilaoe ba Ndraono Gedomo andrõ, si no mamaʼoeʼoe jaʼia, ba ba zolohe koereta chõra. 10Ba aheta barõ mbawa Ndraono Gizeraëli Ndraono Gedomo, iroegi maʼõchṍ andre. Ba me loeo daʼõ, ba aheta gõi Libéna, barõ mbawa Jehoramo, me no iʼerogõ Jehowa, Lowalangi ndra toeania. 11Ba ifazõchi gõi hilihili ba mbanoea mado Joeda misa, ifowõhõ mbanoea Jeroezalema, ba wameʼe adoe, ba fabali [chõ Jehowa] mado Joeda ibeʼe.
12III. Ba ifaʼoheʼõ zoera chõnia Elija samaʼeleʼõ, imane: Daʼõ niw̃aʼõ Jehowa, Lowalangi doeaoe Dawido: Me no lõ nitõrõoe lala namaoe Jozafati ba he lala Asa, razo mado Joeda, 13me no õʼoʼõ mboeaboea razo Ndraono Gizeraëli ba me no õfowõhõ ba wameʼe adoe mado Joeda, fabaja banoea Jeroezalema, si mane si sawōē ndra Ahabi, si no samowõhõ ba nadoe gõi, ba me no õfaboenoeʼõ gõi ndra achioe, ngaʼõtõ namaoe, si sõchi moroi chõoe, ba hiza, 14ba ihareʼõ chõmi dania wamakao seboea, ba mbanoeaoe ba ba ndraonooe ba ba ngambatõoe ba ba zi so chõoe, fefoe. 15Ba jaʼoegõ, ba si gõna fõchõ sabeʼe dania, fõchõ taloe, ba mato mendroea fache dania, ba adoedoe mbetoeʼamõ! 16Ba ifarooe oedoe Jehoramo Ndrawa Wilisiti Jehowa, awõ Ndrawa Ara andrõ, ba ngai Ndrawa Gaitiofia, 17ba tobali mõi ira moesoewõ mado Joeda, ba atoeʼa ira ba mbanoea, ba lahalõ fefoe hadia ia zi so ba gõdo razo, fabaja iraononia, awõ ngambatõnia; laʼoloiʼõ ahoeloea; lõ si tosai ononia, ha Joachasi, ononia si achi. (Raz. II. 8, 25). 18Ba noa daʼõ fefoe, ba ibõzi ia Jehowa fõchõ mbetoeʼa si lõ daloedaloe. 19Ba morõfi, ba me aracha aloea mendroea fache, ba adoedoe mbetoeʼania, ba wõchõnia andrõ, ba mate ia, faʼamate safõchõ sibai. Ba lõ latoenoe zamohoea chõnia banoeania, si mane chõ ndra amania mege. (F. 16, 14). 20Tõloe ngafoeloe a roea fache ia, me tobali razo ia, ba mew̃aloe fache razo ia ba Jeroezalema. Ba alele ia lõ somasi na mangawoeli ia enaʼõ. Ba ba mbanoea Dawido lakoʼo ia, ba tenga sa ba lewatõ razo. (A. 5. F. 24, 25).
Currently Selected:
SOERA NGAʼÕTÕ II. FAZA 21.: NIA
Highlight
Copy
Compare
Share
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.