SOERA NGAʼÕTÕ II. FAZA 19.
FAZA 19.
I. Itegoe Jozafati Jehoe andrõ. II. Famataro sangoehoekoe ba famachoi lala ba wangoehoekoe.
1I. Ba Jozafati, razo mado Joeda, ba ifoeli ia chõra ba Jeroezalema, lõ hadia ia. 2Ba iʼondrasi ia Jehoe sangiʼila andrõ, ono Hanani, imane chõ razo Jozafati: Hadia, sanolo seboea horõ ndraʼoegõ ba somasi si faʼoedoe chõ Jehowa? Andrõ wa tohare saʼae chõoe wõnoe Jehowa! (Sam. I. 9, 9. Sin. 139, 21). 3Ba maʼifoe zoei moesõndra chõoe si sõchi: noa sa õhori ba danõ Gasera andrõ ba no asoʼala dõdõoe wangaloei Lowalangi! (Ngaʼõt. II. 17, 6. F. 17, 3—6).
4II. Ba ba Jeroezalema iʼiagõ Jozafati. Ba awena dania ifoeli itõrõi mbanoeania, iʼotarai Mbereseba, noemalõ ba hili mado Geferaji; ba ifalalini geraʼerania, ifoeli ia chõ Jehowa, Lowalangi ndra toeania. 5Ba ifataro zangoehoekoe ba danõ, ba mbanoea saro andrõ ba mado Joeda, fefoe, idozigõ banoea. 6Ba imane ba zangoehoekoe andrõ: Mifaigi, he miwisa wolaoe! Tenga sa niha zangoemaʼõ chõmi wangoehoekoe andrõ, no Jehowa zangoemaʼõ, ba itolo ami ba wangoehoekoe. (Moz. V. 1, 17). 7Ba enaʼõ ahono chõmi wangataʼoefi Jehowa! Mifaigi sibai, he wisa wolaoemi andrõ — chõ Lowalangida Jehowa sa, ba lõ faʼamoejoeʼõ hoekoe, ba lõ faʼeboea dõdõ zamboeana ba lõ femanga ganaʼa! (Job. 34, 10. Rom. 2, 11. Moz. II. 18, 21. Moz. V. 10, 17). 8Ba ba Jeroezalema gõi ifataro Jozafati Nono Lewi õsa ba ere ba hõgõ ngafōē Ndraono Gizeraëli õsa, ba hoehoeo Jehowa, ba na so nifadõni mbanoea Jeroezalema. (Moz. V. 17, 8; 19, 17). 9Ba imane wameʼe li chõra: Mimanõ saʼae wolaoe, miʼataʼoefi Jehowa, bõi falimo ami ba sadõlõ tõdõ ami. 10Ba ba ngawalõ hoehoeo fefoe, niʼohe dalifoesõmi andrõ, ba mbanoeara misa, chõmi, he na fangeʼe mbõrõ, ba he na oroisa ba ma amachoita, ba he na hadia ia lala, ba ma hadia ia hoekoe mbõrõ, ba mibotochi ba dõdõra, enaʼõ bõi mosala ira chõ Jehowa ba fa lõ gõna ami fõnoe, jaʼami ba ira talifoesõmi. Mimanõ wolaoe, enaʼõ bõi mosala ami! 11Ba satoeami, na so hadia ia hoehoeo Jehowa, ba Amaria ere seboea; ba na hadia ia hoehoeo razo, ba Sebadia, ono Zimaʼeli, salaw̃a ba maʼoewoe Joeda, zatoeami. Ba si no amaedola goemandroe chõmi, ba Ono Lewi. Miʼabeʼeʼõ dõdõmi ba mimanõ wolaoe; itolo zadõlõ tõdõ Jehowa!
Currently Selected:
SOERA NGAʼÕTÕ II. FAZA 19.: NIA
Highlight
Copy
Compare
Share
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.