SOERA NGAʼÕTÕ II. FAZA 16.
FAZA 16.
I. Fasoewõ ira Asa Mbaʼesa. Ihoewoe chõnia Mbenihada, razo Ndrawa Garamo, Asa. II. Itegoe ia ba daʼõ Hanani, ba mofõnoe ia chõ zangiʼila andrõ. III. Fõchõ Asa ba faʼamatenia.
(A. 16, 1—6: Raz. I. 15, 16—22)
1I. Ba me no aloea 35 fache razo Asa, ba so moroi si jaw̃a Mbaʼesa, razo Ndraono Gizeraëli, ba wanoewõ mado Joeda; iʼaroʼõ Rama, ba wombaʼa lala niha chõ Asa, razo mado Joeda. (Raz. I. 15, 17 b. t.). 2Ba ihalõ wirõ ba anaʼa Asa ba nahia girõgirõ ba gosali Jehowa ba ba gõdo razo, ifaʼoheʼõ chõ Mbenihada, razo Ndrawa Garamo, ba Ndramaseko, imane chõnia: 3Si no fawoeʼoe li ita ba ira amada mege. Ba hiza, ba oefaʼoheʼõ chõoe wirõ ba anaʼa: ba laboe, doedoegõ wawoeʼoesa li andrõ chõmi Baʼesa, razo Ndraono Gizeraëli, enaʼõ ibato wanoewõ jaʼo. 4Ba ifondrondrongo li razo Asa, Benihada, ba ifatenge ba mbanoea Ndraono Gizeraëli goemandra chõnia, ba ladoedoegõ Nijono ba Dano, ba Habeli Maʼi ba omo mbalazo nihõna fefoe, ba mbanoea mado Nafetali. 5Ba me irongo daʼõ Baʼesa, ba ibõhõli wangaroʼõ Rama, iʼetoeʼõ halõw̃õnia. 6Ba iʼohe mado Joeda fefoe razo Asa, ba lahalõ gara andrõ ba eoe balo, niʼogoenaʼõ Mbaʼesa fangaro Rama, ba ibeʼe fangaro Geba ba fangaro Misefa Asa.
7II. Ba me loeo daʼõ, ba mõi chõ Asa, razo mado Joeda, Hanani sangiʼila andrõ, imane chõnia: Me no õbeʼe weʼeweʼe dõdõoe razo Ndrawa Garamo, ba me tenga Jehowa, Lowalangi, ba no aefa ba dangaoe zabõlõ Ndrawa Garamo andrõ. 8Hadia, tenga no ato sibai Ndrawa Gaitiofia no ba Dawa Libia, ba tenga no oja sibai chõra goereta, awõ zi fakoedo? Ba me no õbeʼe weʼeweʼe dõdõoe Jehowa, ba no ibeʼe ba dangaoe ira. (Ngaʼõt. II. 14, 9. F. 14, 8—12). 9Ihõrõhõrõgõ sa goeli danõ maʼasagõrõ Jehowa, enaʼõ iʼabõlõgõ wanolo si no adõlõ tõdõ chõnia. Nifolaoe zi lõ tõdõ chõoe daʼõ; iʼotarai daʼe sa, ba lõ aefaʼaefa chõoe wasoewõta! (Job. 34, 21. Sin. 34, 16. Sach. 4, 10). 10Ba mofõnoe Asa chõ zangiʼila andrõ ba ifakoeroeʼõ, bõrõ wõnoenia chõnia ba daʼõ. Ba ifakao mbanoeania õsa Asa, me loeo daʼõ. (F. 18, 26. Mat. 14, 3).
(A. 16, 11—14: Raz. I. 15, 23. 24)
11III. Ba hikaja Asa andrõ, he famobõrõ mege, ba he safoeria andrõ, ba no moetanõ ba zoera hikaja razo mado Joeda ba ba hikaja razo Ndraono Gizeraëli. 12Ba me no aloea 38 fache razo ia, ba mofõchõ ia, fõchõ gahe; abõlõbõlõ sibai wõchõnia andrõ. Ba he ba wõchõnia andrõ, ba lõ iʼaloei Jehowa, ha sameʼe daloedaloe. 13Ba mate Asa, itõrõ lala ndra amania, me no aloea 40 fache razo ia. 14Ba lakoʼo ia ba lewatõnia andrõ, nifacharoeʼõnia chõnia ba mbanoea Dawido. Labeʼe ba gaso, si no moelaoe daloedaloe ba hadia ia ngawalõ zamohoea, nifaroeka, si mane na lafaroeka daloedaloe nigoeleʼõ; ba eboea latoenoe samohoea chõnia. (F. 21, 19. Moz. II. 50, 2. Jer. 34, 5).
Currently Selected:
SOERA NGAʼÕTÕ II. FAZA 16.: NIA
Highlight
Copy
Compare
Share
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.