SOERA NGAʼÕTÕ II. FAZA 15.
FAZA 15.
I. Ifoeli iʼatoelõʼõ wamosoemange Lowalangi Asa, me no iʼabeʼeʼõ dõdõnia Asaria samaʼeleʼõ. II. Fawoeʼoe li zato chõ Lowalangi. Laheta salaw̃a nina Asa.
1I. Ba so Geheha Lowalangi chõ Gasaria, ono Gobedi, 2ba mõi ia tooe, ifaondragõ Asa, ba imane chõnia: Mifondrondrongo chõgoe, jaʼoegõ Asa ba jaʼami mado Joeda ba mado Mbenijami, fefoe! Itolo ami Jehowa, na lõ aefa ami chõnia! Na miʼaloei ia, ba iʼoroʼõ ia chõmi; ba na miʼerogõ ia, ba iʼerogõ gõi ami. (Ngaʼõt. I. 28, 9. Jer. 29, 13. Mat. 7, 7). 3Ara manõ, wa lõ Lowalangi si ndroehoe ba Ndraono Gizeraëli ba lõ ere. Samahaõ jaʼira, ba lõ oroisa. (Hos. 3, 4). 4Ba aefa daʼõ, ba lafoeli ira chõ Jehowa, Lowalangi Ndraono Gizeraëli, me no tosasa ira; ba me laʼaloei ia, ba iʼoroʼõ ia chõra. (Moz. V. 4, 29. Jer. 29, 13. 14). 5Ba me loeo daʼõ, ba sataʼoe manõ zofanõ ba sataʼoe gõi zangawoeli; dozi niha ba danõ, ba oi hoemoefa manõ. (Mat. 24, 21). 6Si faʼobi manõ soi, ba he banoea, me no Lowalangi zamahoefa jaʼira wamatõrõ famakao, hadia ia ngawalõ. (Mat. 24, 7). 7Ba jaʼami, ba miʼabeʼeʼõ dõdõmi, bṍi adada dangami, tefoloeo sa dania wolaoemi! (Kor. I. 15, 58). 8Ba me irongo Asa niw̃aʼõ andrõ ba famaʼeleʼõ Gasaria, ono Godedi, ba iʼabeʼeʼõ dõdõnia ba ifahetaʼõ zogoro ita andrõ, ba danõ mado Joeda, ba ba danõ mado Mbenijami, maʼasagõrõ, ba ba mbanoea andrõ, nifadõninia, ba hili mado Geferaji; ba iʼazõchi naha wameʼe soemange chõ Jehowa, fõna geweʼewe andrõ, chõ Jehowa. 9Ba ifaloechaʼõ mado Joeda, awõ mado Mbenijami, fefoe, awõ mado Geferaji andrõ ba mado Manase ba mado Zimeoni, si no fatewoe chõra; noa sa ato zi mõi chõnia Iraono Gizeraëli, me no laʼila itolo ia Lowalanginia Jehowa. 10Ba owoelo ira ba Jeroezalema, me baw̃a si tõloe, me no aloea meweleõfa fache razo Asa, 11ba lataba chõ Jehowa gahoeloea andrõ õsa, nihalõra, 700 ngaʼeoe zaw̃i ba 7000 ngaʼeoe mbiribiri.
12II. Ba lafaboeʼoe sibai, moroi siʼaikõ ba dõdõra ba ba geraʼerara lõ labõhõi Jehowa, Lowalangi ndra toeara; (Jos. 24, 25); 13ba na so ha niha, zangerogõ Jehowa, Lowalangi Ndraono Gizeraëli, ba niboenoe, he iraono, ba he satoea, he ira matoea, ba he ira alawe. 14Ba fahõloe ira chõ Jehowa, laʼeboeaʼõ lira ba fao waʼowoeawoea dõdõ ba folaoe torofe, he torofe nidõdõni. 15Ba omoeso dõdõ mado Joeda fefoe, ba wahõloesa andrõ, me no moroi siʼaikõ ba dõdõra fahõloe ira, ba no moroi siʼaikõ ba dõdõ gõi wangaloei Jehowa, ba iʼoroʼõ gõi ia chõra, ba lõ hadia ia chõra ibeʼe, fasoei manõ. (F. 14, 5. 6; 20, 30).
(A. 15, 16—18: Raz. I. 15, 13—15)
16Iheta gõi salaw̃a ninania Maʼacha Asa, me no ifazõchi nadoe chõ Gasera. Ba adoe andrõ chõnia, ba iʼew̃a Asa, irasa ba itoenoe ba ndraso Gendrona. (Raz. I. 15, 13 b. t.). 17Ba hilihili andrõ, ba lõʼõ sa moeboelõʼõ ba Ndraono Gizeraëli, ba Asa, ba no sadõlõ tõdõ, gõtõ waʼanaoe nosonia. 18Ba ifabeʼeʼõ gõi ba gosali Lowalangi niʼamoniʼõ namania, awõ mboealania niʼamoniʼõ — anaʼa ba firõ ba gamagama. 19Ba lõ sanoewõ jaʼira, iroegi no aloea 35 fache razo Asa.
Currently Selected:
SOERA NGAʼÕTÕ II. FAZA 15.: NIA
Highlight
Copy
Compare
Share
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.