SOERA NGAʼÕTÕ II. FAZA 11.
FAZA 11.
I. Tetenaw̃a Rehabeamo ba wanoewõ Iraono Gizeraëli. Banoea saro chõnia. II. Lasaw̃a Jeroezalema ere ba Ono Lewi. III. Ngambatõ Rehabeamo ba ononia.
(A. 11, 1—4: Raz. I. 12, 21—24)
1I. Ba me no iroegi Jeroezalema Rehabeamo, ba ifakaoniʼõ mado Joeda, awõ mado Mbenijami, 180,000 zabõlõ, nitoetoejoe, ba wanoewõ Iraono Gizeraëli, enaʼõ mangawoeli chõ Rehabeamo waʼarazo. 2Ba hoemede Jehowa chõ Zemaja, enoni Lowalangi, 3imane: Hede chõ Rehabeamo, ono Zelomo, razo mado Joeda, ba ba Ndraono Gizeraëli, maʼoewoe Joeda ba maʼoewoe Mbenijami, 4õmane: Daʼõ niw̃aʼõ Jehowa: Bõi miʼaeʼe, ba wanoewõ talifoesõmi; jamoefoeli ia chõra zamõsana, me no jaʼo zangoemaʼõ, wa si manõ. Ba me larongo niw̃aʼõ Jehowa, ba lafoeli ira, lõ aloea mõi ira manoewõ Jerobeamo. 5Ba iʼiagõ Jeroezalema Rehabeamo. Ba iʼaroʼõ õsa mbanoea ba danõ mado Joeda; 6jaʼia Mbetilechema ba Etama ba Tekoa, 7ba Beti Zoeri ba Socho ba Adoela, 8ba Gata ba Maresa ba Sifi, 9ba Adoraʼi ba Lachisi ba Aseka, 10ba Sorea ba Ajalona ba Heberona, banoea ba mado Joeda ba ba mado Mbenijami, ibaliʼõ banoea saro. 11Aro sibai mbanoea saro andrõ ibeʼe, ba ifataro goemandra, ba ihõna gõ, ba fanicha ba agoe, 12ba idozigõ banoea andrõ baloese ba toho, ba iʼaroʼõ sibai. Ba no chõnia mado Joeda, awõ mado Mbenijami.
13II. Ba ere ba Ono Lewi si so ba Ndraono Gizeraëli heza, ba so moroi ba danõ heza, ba laʼoroʼõ ira enoninia. 14Larõi mbenoeara ba hadia ia zi so chõra ere andrõ, ba lasaw̃a danõ mado Joeda ba Jeroezalema. Noa sa latiboʼõ ira Jerobeamo ba ononia, fa bõi saʼae moʼere ira fõna Jehowa. (F. 13, 9). 15Ba no ifataro chõnia gere Jerobeamo, ere ba hilihili andrõ, ba ba wamaedo nambi si matoea ba ba wamaedo nono zaw̃i andrõ, nifafazõchiʼõnia. (Moz. III. 17, 7. Raz. I. 12, 31). 16Ba moroi ba mado Ndraono Gizeraëli fefoe, ba fao chõ ndra Rehabeamo zi so ba dõdõ wangaloei Jehowa, Lowalangi Ndraono Gizeraëli. Lasaw̃a Jeroezalema, ba wameʼe soemange chõ Jehowa, Lowalangi ndra toeara. 17Ba abõlõ nõri mado Joeda labeʼe, ba aro Rehabeamo, ono Zelomo, medõloe fache, me no sanõrõ lala ndra Dawido Selomo ira, medõloe fache waʼara.
18III. Ba Rehabeamo, ba ihalõ Mahalata, ono Jerimoto ono Dawido; Abihaila, ono Geliabi ono Gizaʼi ninania; (Sam. I. 16, 6); 19ba moʼono daʼõ chõnia, ono matoea, Jeʼoesi ba Semaria ba Sahama. 20Ba ihalõ na gõi Maʼacha, ono Gabisalomi; ba moʼono daʼõ chõnia, Abia ba Ataʼi ba Sisa ba Selomiti. 21Ba abõlõ iʼomasiʼõ Maʼacha, ono Gabisalomi, Rehabeamo, moroi ba waʼomasinia ndrongania bõʼõ, awõ ndrongania ba dõi; 18 sa nihalõnia ira alawe, ba 60 ndrongania ba dõi, ba 28 nononia matoea ba 60 nono alawe. 22Ba Abia andrõ, ono Maʼacha, ba ibeʼe amaedola zatoea baomo amania Rehabeamo, ibeʼe hõgõ dalifoesõnia, ibaliʼõ razo dania ia, dõdõnia. 23Oneche Rehabeamo, ifosasi nononia õsa, ifataro ba danõ mado Joeda ba ba danõ mado Mbenijami misa, ba mbanoea saro andrõ fefoe; itaha mbalazora, si lõ ambõ, ba oja ihalõ chõra ira alawe. (F. 21, 3).
Currently Selected:
SOERA NGAʼÕTÕ II. FAZA 11.: NIA
Highlight
Copy
Compare
Share
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.