SOERA NGAʼÕTÕ I. FAZA 27.
FAZA 27.
I. Famataro hõgõ si sarasara waw̃a. II. Salaw̃a zi felendroea toea. III. Samaigimaigi si so andrõ ba anofoela.
(A. 27, 2—15: Faigi gõi F. 11, 11—31)
1I. Ba daʼe Ndraono Gizeraëli andrõ, ha waʼato ira, hõgõ ngafōē, ba solohe ngahõnõ ba solohe ngaotoe ba doeroetoeli chõra, enoni razo, ba halõw̃õ ngenoli andrõ, sarasara waw̃a weʼasora, ba aheta, dõfi fasoei, 12 waw̃a; 24,000 niha zangenoli. 2Ngenoli si fõfõna andrõ, ba mbaw̃a si fõfõna, ba Jasobeamo zolohe, ono Zabadiëli, ba 24,000 niha ba ngenoli chõnia. 3Ngaʼõtõ Weresi ia, hõgõ zolohe andrõ fefoe, ba mbaw̃a si fõfõna. 4Ba ba ngenoli ba mbaw̃a si doea, ba Eleazari zolohe, ono Dodaʼi andrõ, maʼoewoe Gahohi; ba Mikeloti mandroe ba ngenoli chõnia, 24,000 niha. 5Ba solohe ngenoli si tõloe, ba mbaw̃a si tõloe, ba Benaja, ono Jojada ere, hõgõ ia; ba 24,000 niha ba ngenoli chõnia. 6Daʼõ Mbenaja andrõ, sabõlõ ba zi tõloe ngafoeloe; ba mandroe ba ngenolinia nononia Amisabada. 7Ba fanete zi tõloe, ba mbaw̃a si õfa, ba Azaheli, achi Joabi, ba fangalinia nononia Sebadia, ba 24,000 niha ba ngenoli chõnia. 8Ba fanete zi õfa, ba mbaw̃a si lima, ba salaw̃a andrõ, Samihoeti, banoea Jiserahi; ba 24,000 niha ba ngenoli chõnia. 9Ba fanete zi lima, ba mbaw̃a si õnõ, ba Ira, ono Ike, banoea Dekoa; ba 24,000 niha ba ngenoli chõnia. 10Ba fanete zi õnõ, ba mbaw̃a si fitoe, ba Helesi, banoea Welono, mado Geferaji; ba 24,000 niha ba ngenoli chõnia. 11Ba fanete zi fitoe, ba mbaw̃a si w̃aloe, ba Sibechai, banoea Hoesa, maʼoewoe Zera; ba 24,000 niha ba ngenoli chõnia (F. 20, 4). 12Ba fanete zi w̃aloe, ba mbaw̃a si siw̃a, ba Abiëzeri, banoea Ganatoti, mado Mbenijami; ba 24,000 niha ba ngenoli chõnia. 13Ba fanete zi siw̃a, ba mbaw̃a si foeloe, ba Maharai, banoea Netofa, maʼoewoe Zera: ba 24,000 niha ba ngenõli chõnia. 14Ba fanete zi foeloe, ba mbaw̃a si felezara, ba Benaja, banoea Wiratono, mado Geferaji; ba 24,000 niha ba ngenoli chõnia. 15Ba fanete zi felezara, ba mbaw̃a si felendroea, ba Helidaʼi, banoea Netofa, maʼoewoe Goteniëli; ba 24,000 niha ba ngenoli chõnia.
16II. Ba daʼe nibeʼe salaw̃a mado Ndraono Gizeraëli: Salaw̃a mado Roebeno, ba Eliëzeri, ono Zichiri, ba ba mado Zimeoni, ba Sefatia, ono Maʼacha, 17ba ba mado Lewi, ba Hasabia, ono Gemoeëli, ba ba ngaʼõtõ Gaʼaroni, 18ba Sadoki, ba ba mado Joeda, ba Elihoe, gaʼa Dawido, ba ba mado Isasari, ba Omeri, ono Michaëli, 19ba ba mado Zeboeloni, ba Jisimaja, ono Gobadia, ba ba mado Nafetali, ba Jerimoto, ono Gaseriëli, ba ba mado Geferaji, ba Hosea, 20ono Gasasia, ba ba zi matonga mado Manase, ba Joëli, ono Wedaja, 21ba ba zi matonga mado Manase, ba danõ Gileadi, ba Ido, ono Zacharia, ba ba mado Mbenijami ba Jaʼasiëli, ono Gabineri, 22ba ba mado Dano, ba Asereʼeli, ono Jerohamo. Daʼõ zalaw̃a mado Ndraono Gizeraëli andrõ. 23Ba ha waʼato zi lõ 20 fache na, ba lõ iʼofaja Dawido, me no ifaboeʼoe Jehowa, iʼojaʼõ Ndraono Gizeraëli, timba ndrõfi ba mbanoea jaw̃a waʼoja. 24No ibõrõtaigõ wangofaja Joabi, ono Zeroeja, ba lõ niʼoʼozoeinia, me no tesao wõnoe [Lowalangi] ba Ndraono Gizeraëli; ba faʼato andrõ, ba lõ moetanõ ba zoera hikaja razo Dawido. (F. 21, 14).
25III. Ba samaigimaigi girõgirõ andrõ chõ razo, ba Asimaweti, ono Adiëli, ba girõgirõ boea nowi ba ba mbanoea seboea ba ba mbanoea sideʼide ba ba hati misa, ba Jonata, ono Oesia. 26Ba sohalõw̃õ ba danõ, sangahalõ, ba Eseri, ono Geloebi, 27zamaigimaigi, ba kaboe nagoe, ba Simeʼi, banoea Rama; ba hadia zi so õsi nagoe, ba kaboe nagoe andrõ, ba Sabidi, banoea Zifimi. 28Ba kaboe zai ba kaboe ara, ba ndraso, ba Baʼali-Hanano, banoea Gaderi, ba fanicha zai, nihõna, ba Joasi zamaigimaigi. 29Ba saw̃i andrõ, nikoeloi ba Zarona ba Siterai, banoea Zarona, ba saw̃i ba ndraso misa, ba Safati, ono Adelai, 30ba ondra, ba Obili, Iraono Zimaʼeli, ba kalide si alawe, ba Jedeja, 31banoea Meronoto, ba biribiri ba nambi, ba Jasisi, Dawa Hagara, zamaigimaigi. Oi si no amaedola hõgõ mandroe ba gochõta razo Dawido. 32Ba Jonata, tána nama Dawido, ba no anofoela; no niha satoeatoea ba sangila amachoita; ba Jehiëli, ono Hachimono, ba no samahaõ iraono razo. 33Ba Ahitofeli, ba anofoela razo gõi, ba Hoezaʼi, maʼoewoe Garachi, ba no si fahoewoe chõ razo. (Sam. II. 15, 12; 15, 27). 34Ba fanete Gahitofeli, ba Jojada, ono Mbenaja, ba Abiataro. Ba Joabi, ba no koemandra seboea chõ razo. (Sam. II. 8, 16).
Currently Selected:
SOERA NGAʼÕTÕ I. FAZA 27.: NIA
Highlight
Copy
Compare
Share
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.