SOERA NGAʼÕTÕ I. FAZA 26.
FAZA 26.
I. Famataro sanaro ba mbawandroehõ. II. Samaigimaigi girõgirõ. III. Koemandroe ba sangoehoekoe.
1I. Ba ba wamõfõʼõ sanaro ba mbawandroehõ, ba ngaʼõtõ Gora, ba Meselemia, ono Goresi, ngaʼõtõ Gasafo. (Ngaʼõt. II. 8, 14; 35, 15). 2Ba ono Meselemia, ba Sacharia, si aʼa, ba Jediaëli, fanetenia, ba Sebadia, fanete zi daroea, ba Jateniëli, fanete zi datõloe, 3ba Elama, fanete zi daõfa, ba Johanano, fanete zi dalima, ba Elioenai, fanete zi daõnõ. 4Ba ono Gobedi-Edomo, ba Semaja, si aʼa, ba Josabada, fanetenia, ba Joa, fanete zi daroea, ba Sachara, fanete zi datõloe, ba Netaneʼeli, fanete zi daõfa, ba Amiëli, 5fanete zi dalima, ba Isasari, fanete zi daõnõ, ba Fegoeletaʼi, fanete zi dafitoe — noa sa ifahowoeʼõ ia Lowalangi. 6Ba moʼono gõi nononia Semaja, ono matoea, salaw̃a ba ngafoera, dania, me no niha sabõlõ ira. 7Ono Zemaja andrõ, ba Otini ba Refaëli ba Obedi ba Elisabada, talifoesõnia, niha sabõlõ, ba Elihoe ba Semachia. 8Oi ngaʼõtõ Gobedi-Edomo daʼõ, jaʼira ba onora ba talifoesõra, niha sabõlõ, si fadoehoe dõdõda ba halõw̃õra, 62 ngaʼõtõ Gobedi-Edomo. 9Ba so gõi nono Mezelemia, ono matoea, ba talifoesõnia, niha sabõlõ, 18 fefoe. 10Ba ono Hoza, ngaʼõtõ Merari, ba Simeri, hõgõ (me lõʼõ saʼae si aʼa, andrõ ibaliʼõ hõgõ ia amania), 11ba Hilikia, fanetenia, ba Tebalia, fanete zi daroea, ba Sacharia, fanete zi datõloe. Ono Hoza andrõ ba talifoesõnia, ba 13 fefoe. 12Daʼõ ngenoli zanaro ba mbawandroehõ, hõgõ watalifoesõta andrõ, ba awõ niwara ira ba halõw̃õ andrõ, ba nifataro jaʼira ba gosali Jehowa. 13Ba samboesamboea bawandroehõ, ba lalaoe dahõdahõ, lafõfõʼõ ngafōē [zanaro], he ba zi achi, ba he ba zi aʼa. (F. 25, 8). 14Ba [ba mbawandroehõ] tánõ ba gatoemboecha loeo, ba Selemia zi gõna. Ba he chõ nononia Sacharia, niha satoeatoea, anofoela, ba lalaoe gõi dahõdahõ, ba tánõ jõoe chõnia. 15Ba tánõ raja, ba chõ Gobedi-Edomo, ba ba ndraononia, ba ba naha girõgirõ. 16Ba chõ Zoefimi ba chõ Hoza, ba [ba mbawandroehõ] tánõ ba gaechoela loeo, awõ ba mbawandroehõ Salecheti, ba newali mijaw̃a; nifaʼoli zanaro. 17Tánõ ba gatoemboecha loeo, ba daõnõ Nono Lewi, ba tánõ jõoe, ba daõfa maʼṍchõ, ba tanõ raja, badaõfa maʼṍchõ, ba ba naha girõgirõ, ba daroedaroea; 18ba ba Warabara, tánõ ba gaechoela loeo, ba daõfa ba newali ba daroea ba Warabara. 19Daʼõ ngenoli zanaro, andrõ, ngaʼõtõ Gora, awõ ngaʼõtõ Merari.
20II. Ba iwara, Ono Lewi andrõ, ba samaigimaigi girõgirõ andrõ ba gosali Lowalangi, awõ nihõna andrõ, ameʼela niʼamoniʼõ: 21Ngaʼõtõ Laëdana, Laëdana maʼoewoe Gereso, hõgõ ngafōē ngaʼõtõ Laëdana, maʼoewoe Gereso, (F. 23, 8), 22maʼoewoe Jehiëli andrõ, Setama ba achinia Joëli zamaigimaigi girõgirõ andrõ ba gosali Jehowa. 23Ba ba maʼoewoe ndra Ameramo, Jisihara, Heberona, Oesiëli, 24ba Seboeëli andrõ, ono Gereso, maʼoewoe Moze, hõgõ zamaigimaigi girõgirõ. (F. 23, 16). 25Ba ba niwara andrõ, maʼoewoe Geliëzeri, ba Rehabia nono daʼõ, ba ono daʼõ, ba Jesaja, ba ono daʼõ, ba Joramo, ba ono daʼõ, ba Sichiri, ba ono daʼõ, ba Selomiti. 26Ba Selomiti andrõ, ba talifoesõnia zamaigimaigi girõgirõ fefoe, ameʼela niʼamoniʼõ andrõ, niʼamoniʼõ razo, Dawido, ba hõgõ ngafōē andrõ ba solohe ngahõnõ ba solohe ngaotoe, ba ira koemandra andrõ, 27(nihalõra ba wanoewõ, sahoeloe ira, ba no laʼamoniʼõ tolotolo ba gosali Jehowa), 28fefoe hadia ia niʼamoniʼõ Zamoeëli, sangiʼila andrõ, ba Saoelo, ono Gisi, ba Abineri, ono Neri, ba Joabi, ono Zeroeja, — niʼamoniʼõ andrõ fefoe, ba barõ mbawa Zelomiti andrõ so, ba barõ mbawa ndra talifoesõnia.
29III. Ba maʼoewoe Jisihara andrõ, Kenania ba iraononia, ba no nifataro ba halõw̃õ baero, ba Ndraono Gizeraëli — koemandroe ba sangoehoekoe. 30Ba maʼoewoe Heberona andrõ Hazabia ba talifoesõnia, niha sabõlõ, 1700, ba no moebeʼe samatõrõ Iraono Gizeraëli ba zi tambai Joridano, tánõ ba gaechoela loeo, ba ngawalõ halõw̃õ chõ Jehowa, fefoe, ba ba ngawalõ halõw̃õ chõ razo. 31Maʼoewoe Heberona Jeria andrõ, hõgõ maʼoewoe Heberona, ba watalifoesõta chõra ba ba ngafoera (me aracha 40 fache salaw̃a Dawido, teʼaloei ira, ba tesõndra ba chõra niha sabõlõ, ba Jaëzeri, ba danõ Gileadi), 32ba iwara, sabõlõ, 2700 hõgõ ngafōē; daʼõ nifataro razo, Dawido, samatõrõ mado Roebeno ba mado Gado ba si matonga mado Manase, ba ngawalõ hadia ia chõ Lowalangi, fefoe, ba ba ngawalõ chõ razo.
Currently Selected:
SOERA NGAʼÕTÕ I. FAZA 26.: NIA
Highlight
Copy
Compare
Share
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.