SOERA NGAʼÕTÕ I. FAZA 25.
FAZA 25.
I. Fanoetoejoe sanoenõ. II. Famõõfõʼo; 24 ngenoli.
1I. Ba Dawido ba ira koemandra andrõ, ba laʼoniagõ ngaʼõtõ Gasafo, awõ ngaʼõtõ Jedoetoeno, si no amaedola zamaʼeleʼõ, solaoelaoe biola nitika, sideʼide ba seboea ba somõzimõzi faritia, lafataro ba halõw̃õra. Ba faʼato nifataro ba halõw̃õ andrõ, ba (F. 13, 19) 2ngaʼõtõ Gasafo, ba Sakoeroe ba Josefo ba Netania ba Asarela, iraono Gasafo, niʼohe Gasafo, samaʼeleʼõ chõ razo. 3Ba ngaʼõtõ Jedoetoeno, ba Gedalia ba Seri ba Jesaja ba Hazabia ba Matitia ba Simeʼi, daõnõ, tohoetohoe danga namara Jedoetoeno, samaʼeleʼõ, ba wangandrõ saoha gõlõ ba ba wanoeno Jehowa, wolaoe biola nitika, seboea. 4Ba ngaʼõtõ Hemano: Boekia ba Matania ba Oesiëli ba Seboeëli ba Jerimoto ba Hanania ba Hanani ba Eliata ba Gidalati ba Romamiti-Ezeri ba Josibekasa ba Maloti ba Hotiri ba Mahazioto. 5Aʼoi ono Hemano daʼõ, Hemano sangiʼila andrõ chõ razo, ba wangeboea toeria, dali niw̃aʼõ Lowalangi. Feleõfa ibeʼe Lowalangi ono matoea chõ Hemano, ba tõloe nono alawe. (F. 21, 9. Ngaʼõt. II. 35, 15). 6Oi nifataro ba wanoenõ ba gosali daʼõ, awõ namara, samõzimõzi faritia ba solaoelaoe biola nitika, seboea ba sideʼide, halõw̃õra ba gosali Lowalangi, barõ mbawa razo ba barõ mbawa ndra Asafo Jedoetoeno Hemano. 7Ba faʼatora, awõ dalifoesõra, nifataro ba wanoenõ andrõ chõ Jehowa, faʼato doeka andrõ fefoe, ba no 288.
8II. Ba lalaoe dahõdahõ, ba wamõfõʼõ halõw̃õra, he si achi ba he si aʼa ba he samahaõ ba he nifahaõ, lafagõlõgõlõ. (F. 24, 31). 9Ba ba dahõdahõ si fõfõna andrõ, chõ Gasafo, ba Josefo zi gõna, awõ ndraononia, awõ dalifoesõnia, 12 fefoe. Ba ba wanete daʼõ, ba Gedalia, awõ dalifoesõnia, awõ ndraononia, 12 fefoe. 10Ba ba wanete zi domboea, ba Sakoeroe, awõ ndraononia, awõ dalifoesõnia, 12 fefoe. 11Ba ba wanete zi tõloe, ba Jisiri, awõ ndraononia, awõ dalifoesõnia, 12 fefoe. 12Ba ba wanete zi õfa, ba Netania, awõ ndraononia, awõ dalifoesõnia, 12 fefoe. 13Ba ba wanete zi lima, ba Boekia, awõ ndraononia, awõ dalifoesõnia, 12 fefoe. 14Ba ba wanete zi õnõ, ba Jesarela, awõ ndraononia, awõ dalifoesõnia, 12 fefoe. 15Ba ba wanete zi fitoe, ba Jesaja, awõ ndraononia, awõ dalifoesõnia, 12 fefoe. 16Ba ba wanete zi w̃aloe, ba Matania, awõ ndraononia, awõ dalifoesõnia, 12 fefoe. 17Ba ba wanete zi siw̃a, ba Simeʼi, awõ ndraononia, awõ dalifoesõnia, 12 fefoe. 18Ba ba wanete zi foeloe, ba Asareʼeli, awõ ndraononia, awõ dalifoesõnia, 12 fefoe. 19Ba ba wanete zi felezara, ba Hasabia, awõ ndraononia, awõ dalifõesõnia, 12 fefoe. 20Ba ba wanete zi felendroea, ba Soebaëli, awõ ndraononia, awõ dalifoesõnia, 12 fefoe. 21Ba ba wanete zi feledõloe, ba Matitia, awõ ndraononia, awõ dalifoesõnia, 12 fefoe. 22Ba ba wanete zi feleõfa, ba Jeremoto, awõ ndraononia, awõ dalifoesõnia, 12 fefoe. 23Ba ba wanete zi felelima, ba Hanania, awõ ndraononia, awõ dalifoesõnia, 12 fefoe. 24Ba ba wanete zi feleõnõ, ba Josibekasa, awõ ndraononia, awõ dalifoesõnia, 12 fefoe. 25Ba ba wanete zi felewitoe, ba Hanani, awõ ndraononia, awõ dalifoesõnia, 12 fefoe. 26Ba ba wanete zi felew̃aloe, ba Maloti, awõ ndraononia, awõ dalifoesõnia, 12 fefoe. 27Ba ba wanete zi feleziw̃a, ba Eliata, awõ ndraononia, awõ dalifoesõnia, 12 fefoe. 28Ba ba wanete zi doea woeloe, ba Hotiri, awõ ndraononia, awõ dalifoesõnia, 12 fefoe. 29Ba ba wanete zi doea woeloe a sara, ba Gidaliti, awõ ndraononia, awõ dalifoesõnia, 12 fefoe. 30Ba ba wanete zi doea woeloe a roea, ba Mahazioto, awõ ndraononia, awõ dalifoesõnia, 12 fefoe. 31Ba ba wanete zi doea woeloe a tõloe; ba Romamiti-Ezeri, awõ ndraononia, awõ dalifoesõnia, 12 fefoe.
Currently Selected:
SOERA NGAʼÕTÕ I. FAZA 25.: NIA
Highlight
Copy
Compare
Share
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.