SOERA NGAʼÕTÕ I. FAZA 24.
FAZA 24.
I. Famõfõʼõ ere, 24 ngenoli. II. Ngaʼõtõ Nono Lewi bõʼõ.
1I. Ba daʼe ngenoli ngaʼõtõ Gaʼaroni: Ono Gaʼaroni, ba Nadabi ba Abihoe ba Eleazari ba Itamari. (F. 23, 6; 5, 29). 2Ba Nadabi ba Abihoe, ba si mate fõna namara, lõ ngaʼõtõ, ba tobali Eleazari ba Itamari nifataro ere. (Moz. III. 10, 1. 2, 12). 3Ba lafõfõʼõ ira ba nihalõhalõra Dawido ba Sadoki, ngaʼotõ Geleazari, ba Ahimelechi, ngaʼõtõ Gitamari, balazi halõw̃õ ba nifataro jaʼira. (Ngaʼõt. II. 8, 14). 4Ba hiza, ba no ato hõgõ ngafōē ba ngaʼõtõ Geleazari, moroi ba ngaʼõtõ Gitamari; ba feleõnõ labeʼe hõgõ ngafōē, ngaʼõtõ Geleazari, ba ha daw̃aloe ngaʼõtõ Gitamari. 5Ba faoma lalaoe dahõdahõ, ba wamaigi nahara, faoma mõi salaw̃a ba niʼamoniʼõ ba salaw̃a chõ Lowalangi, he ngaʼõtõ Geleazari ba he ngaʼõtõ Gitamari. 6Ba itanõ ba zoera dõira Semaja, ono Netaneʼeli, doeroetoeli, ono Lewi, ba zi so razo [Dawido] ba satoea ba Sadoki ere ba Ahimelechi, ono Gabiataro, ba he hõgõ ngafōē andrõ ba gere ba ba Nono Lewi. Ba lafasoli, sawoesawōē ngaʼõtõ Geleazari ba sawoesawōē ngaʼõtõ Gitamari, wolaoe dahõdahõ. (F. 18, 16). 7Ba ba dahõdahõ si fõfõna, ba Jojaribi zi gõna; ba ba wanete daʼõ, 8ba Jedaja, ba ba wanete zi domboea, ba Harimi, ba ba wanete zi tõloe, 9ba Seorimi, ba ba wanete zi õfa, ba Malichia, ba ba wanete zi lima, 10ba Mijami, ba ba wanete zi õnõ, ba Hakosi, ba ba wanete zi fitoe, ba Ahia, (Loek. 1, 5), 11ba ba wanete zi w̃aloe, ba Jesoea, ba ba wanete zi siw̃a, ba Sechania, 12ba ba wanete zi foeloe, ba Eliasibi, ba ba wanete zi felezara, ba Jakimi, 13ba ba wanete zi felendroea, ba Hoefa, ba ba wanete zi feledõloe, ba Jesebeabi, 14ba ba wanete zi feleõfa, ba Biliga, ba ba wanete zi felelima, ba Imeri, 15ba ba wanete zi feleõnõ, ba Hesiri, ba ba wanete zi felewitoe, ba Hafisi, 16ba ba wanete zi felew̃aloe, ba Fetaja, ba ba wanete zi feleziw̃a, ba Jehesikeli, 17ba ba wanete zi doea woeloe, ba Jachino, ba ba wanete zi doea woeloe a zara, ba Gamoeli, 18ba ba wanete zi doea woeloe a roea, ba Delaja, ba ba wanete zi doea woeloe a tõloe, ba Maʼasia. 19Daʼõ wamataro jaʼira ba halõw̃õra, ba weʼamõi ba gosali Jehowa, dali gamachoita andrõ, nifachoi woeroegõra Aʼaroni, oroisa Jehowa, Lowalangi Ndraono Gizeraëli chõnia.
20II. Ba ba ngaʼõtõ Lewi bõʼõ, ba ngaʼõtõ Gameramo Zoebaëli, ba ngaʼõtõ Zoebaëli Jedeja, 21ba ngaʼõtõ Rehabia Jisia, hõgõ andrõ, (F. 23, 17—23; 26, 25), 22ba ngaʼõtõ Jisihara Zelemoto, ba ngaʼõtõ Zelemoto Jahata; 23ba ngaʼõtõ Heberona, ba Jeria, hõgõ, ba Amaria, fanetenia, ba Jahasiëli, fanete daʼõ, ba Jekameama, fanete daʼõ. 24Ba ngaʼõtõ Oesiëli, ba Micha, ba ngaʼõtõ Micha Zamiri. 25Ba talifoesõ Micha Jisia; ba ngaʼõtõ Jisia Zacharia. 26Ba ngaʼõtõ Merari, ba Mali ba Moesi, awõ ngaʼõtõ nononia Jaʼasia. 27Ngaʼõtõ Merari andrõ, ngaʼõtõ nononia Jasia, ba Sohama ba Sakoeri ba Iberi. 28Ba ngaʼõtõ Mali, ba Eleazari; si lõ ngaʼõtõ Mali daʼõ. 29Ba ngaʼõtõ Gisi, ba Jerameʼeli. 30Ba ngaʼõtõ Moesi, ba Mali ba Ederi ba Jerimoto. Daʼõ ngaʼõtõ Nono Lewi andrõ ba ngafoera andrõ. 31Ba jaʼira gõi, ba fadahõdahõ gõi, si mane iwara andrõ, ngaʼõtõ Gaʼaroni, ba zi so razo, Dawido, ba Sadoki, ba Ahimelechi, awõ hõgõ ngafōē andrõ ba gere ba ba nono Lewi, he hõgõ ngafōē andrõ, ba he ira achira. (F. 25, 8).
Currently Selected:
SOERA NGAʼÕTÕ I. FAZA 24.: NIA
Highlight
Copy
Compare
Share
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.