SOERA NGAʼÕTÕ I. FAZA 23.
FAZA 23.
I. Tefataro razo Zelomo. Faʼato Nono Lewi ba famõfõʼõ. II. Famataro jaʼira.
1I. Ba me no atoea Dawido, me no afõli ia waʼaoeri, ba ifataro razo Ndraono Gizeraëli nononia Selomo. (Raz. I. 1, 28—40). 2Ba ifaloechaʼõ zatoea Ndraono Gizeraëli fefoe, awõ gere, awõ Nono Lewi. 3Ba laʼofaja Nono Lewi, si no 30 fache ba si aʼa moroi andrõ; ba faʼatora, niʼofaja, ba no 38,000, ira matoea. 4”Ba 24,000 nifataro ba halõw̃õ ba gosali Jehowa; ba 6000, ba amaedola goemandroe ba sangoehoekoe, 5ba 4000, ba sanaro ba mbawandroehõ ba 4000, ba sanoeno Jehowa, wolaoe biola, nifazõchigoe ba wanoenõ andrõ.” [Imanõ Dawido]. 6Ba ifõfõʼõ ira Dawido, ngaʼõtõ ndraono Lewi andrõ, Gereso ba Kahati ba Merari. (F. 6, 1. 2). 7Ngaʼõtõ Gereso, ba Laëdana ba Simeʼi. 8Ba ono Laëdana, ba Jehiëli, si aʼa, ba Setama ba Joëli, tõloe. (F. 26, 21). 9Ba ono Zimeʼi, ba Selomiti ba Haziëli ba Harana, tõloe [gõi]. Daʼõ hõgõ ngafōē ba ngaʼõtõ Laëdana. 10Ba ono Zimeʼi, ba Jahata ba Sina ba Jeoesi ba Beria; daʼõ nono Zimeʼi, õfa. 11Ba si aʼa Jahata, ba fanetenia Zina. Ba Jeoesi ba Beria, ba no sambõ ono, tobali ha sawōē ira labeʼe, wamataro ba halõw̃õ jaʼira. 12Ba ono Gahati ba Ameramo ba Jisihara ba Heberona ba Oesiëli, õfa. (F. 5, 28. 29). 13Ba ono Gameramo, ba Aʼaroni ba Moze. Ba Aʼaroni, ba niʼoniagõ, enaʼõ niʼamoniʼõ sibai ia, jaʼia ba iraononia, si lõ mamalõmalõ, enaʼõ sanoenoe koemõjõ chõ Jehowa ira, gõtõgõtõ waʼara, ba enaʼõ enoninia ira ba samahowoeʼõ niha ba dõi Jehowa. (F. 6, 34. Heb. 5, 4. Moz. V. 10, 8). 14Ba ba chõ Moze andrõ, enoni Lowalangi, ba ba mado Lewi teʼofaja ndraononia. (Moz. V. 31, 1). 15Ono Moze andrõ, ba Gereso ba Eliëzeri. (Moz. II. 18, 3. 4). 16Ba ono Gereso, ba Seboeëli, si aʼa. (F. 26, 24). 17Ba ono Geliëzeri, ba Rehabia, hõgõ andrõ. Awai nono Geliëzeri, ono matoea; ba oja sibai sa ndraono Rehabia. (F. 24, 21—30). 18Ba ono Jisihara, ba Selomiti, hõgõ andrõ. 19Ba ono Heberona, ba Jerija, hõgõ andrõ, ba Amaria, fanetenia, ba Jahaziëli, fanete daʼõ, ba Jekameama, fanete daʼõ. 20Ba ono Oesiëli, ba Micha, hõgõ andrõ, ba Jisia, fanetenia. 21Ba ono Merari, ba Mali ba Moesi; ba ono Mali, ba Eleazari ba Kisi. (F. 6, 4). 22Ba Eleazari, ba si mate lõ ono matoea, ha ono alawe chõnia. Ba sangai daʼõ, ba achira, ono Gisi. 23Ba ono Moesi, ba Mali ba Ederi ba Jeremoto, tõloe.
24II. Daʼõ Nono Lewi, ba ngafoera, hõgõ ngafōē, ha waʼato ira niʼofaja, dali dõira, samõsamõsa, nibeʼe sangai halõw̃õ ba gosali Jehowa, si no 20 fache ba si aʼa moroi andrõ. 25Imane sa Dawido: ”No faloecha waʼahono mbanoeania ibeʼe Jehowa, Lowalangi Ndraono Gizeraëli, ba iʼiagõ saʼae Jeroezalema, si lõ mamalõmalõ. (Joël. 4, 21). 26Ba lõʼõ saʼae laʼosaʼosaʼõ Ono Lewi nahia ose andrõ, fabaja fakake andrõ, sogoena ba halõhalõw̃õ andrõ ba chõnia.” 27Ba nirongoda chõ Dawido, safoeria, ba teʼofaja Nono Lewi, iʼotarai zi no 20 fache faʼeboea. 28Halõhalõw̃õra wanolo iraono Gaʼaroni, ba halõw̃õra ba gosali Jehowa famaigimaigi olajama ba bateʼe andrõ, ba fangehao, niʼamoniʼõ andrõ fefoe, awõ ba halõhalõw̃õra andrõ ba gosali Lowalangi, 29ba ba wamaigi roti nifaigifaigi andrõ, awõ hamo si sõchi andrõ ba zoemange niʼā, awõ koee andrõ, si lõ moeʼaisõni, ba he gali, awõ nifakoë andrõ, awõ zoeʼazoeʼa hadia ia, 30ba he ba weʼamõi awõra ero mahemoloe, na so ira ba wangandrõ saoha gõlõ chõ Jehowa ba ba wanoeno jaʼia, ba si manõ gõi, na tanõ owï, (Sin. 92, 3), 31ba ba wameʼe soemange nitoenoe fefoe, chõ Jehowa, na loeo sabato ba na fasoelõna mbaw̃a ba ba gowasa, ha waʼoja nibeʼebeʼe chõ Jehowa, si lõ mamalõmalõ, dali zi no moefachoi andrõ; 32enaʼõ lahalõhalõ halõw̃õ ba nose wamaʼeleʼõ andrõ, awõ halõw̃õ ba niʼamoniʼõ, ba he halõw̃õ ba wanolo iraono Gaʼaroni andrõ, iwara; enoni ira ba nahia Jehowa andrõ.
Currently Selected:
SOERA NGAʼÕTÕ I. FAZA 23.: NIA
Highlight
Copy
Compare
Share
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.