ܡܙܡܘܪ̈ܐ 106 (ܩܘ)
106 (ܩܘ)
ܗܲܠܸܠܘܼܝܵܐ.
1ܫܲܟܪܘܼܢ ܠܡܵܪܝܵܐ ܣܵܒܵܒ ܛܵܒ݂ܵܐ ܝܠܹܗ،
ܣܵܒܵܒ ܠܥܵܠܲܡ ܝܼܠܵܗ̇ ܫܵܦܵܩܲܬܹܗ.
2ܡܵܢܝܼ ܝܠܹܗ ܕܗܲܡܙܸܡ ܥܲܠ ܓܲܢ݇ܒܵܪ̈ܘܼܝܵܬܹܐ ܕܡܵܪܝܵܐ،
ܝܲܢ ܡܲܫܡܸܥ ܟܠܵܗ̇ ܬܸܫܒܘܿܚܬܹܗ؟
3ܛܘܼܒ݂ܵܐ ܠܢܵܛܪ̈ܵܢܹܐ ܕܕܝܼܘܵܢ،
ܥܵܒ݂ܕܵܢܹ̈ܐ ܕܙܲܕܝܼܩܘܼܬܵܐ ܒܟܠ ܙܲܒ݂ܢܵܐ.
4ܕܟ݂ܘܿܪܝܼ، ܝܵܐ ܡܵܪܝܵܐ، ܐܝܼܡܲܢ ܕܡܲܚܙܹܝܬ ܒܘܼܣܵܡܵܐ ܠܥܲܡܘܼܟ݂،
ܣܲܚܒܸܪܝܼ ܒܦܘܼܪܩܵܢܘܼܟ݂،
5ܩܵܐ ܕܚܵܙܹܝܢ ܛܵܒ݂ܬܵܐ ܕܓܘܼܒܝܘܼ̈ܟ݂،
ܩܵܐ ܕܚܵܕܹܝܢ ܒܚܲܕܘܼܬܵܐ ܕܐܘܼܡܬܘܼܟ݂،
ܩܵܐ ܕܫܲܒܚܸܢ ܥܲܡ ܝܵܪܬܘܼܬܘܼܟ݂.
6ܚܛܹܐ ܠܲܢ ܥܲܡ ܐܲܒ݂ܵܗܵܬܲܢ̈،
ܥܒ݂ܝܼܕ ܠܲܢ ܥܵܘܠܵܐ، ܥܒ݂ܝܼܕ ܠܲܢ ܒܝܼܫܬܵܐ.
7ܐܲܒ݂ܵܗܵܬܲܢ̈ ܓܵܘ ܡܸܨܪܹܝܢ ܠܵܐ ܦܘܼܪܡܹܐ ܠܗܘܿܢ ܥܵܓ̰ܸܒܘܵܬܘܼ̈ܟ݂،
ܠܵܐ ܕܟ݂ܝܼܪܗܘܿܢ ܠܦܸܪܝܘܼܬܵܐ ܕܫܵܦܵܩܲܬܘܼ̈ܟ݂،
ܐܸܠܵܐ ܥܒ݂ܝܼܕ ܠܗܘܿܢ ܡܵܪܘܿܕܘܼܬܵܐ ܠܟܸܣ ܝܵܡܵܐ، ܝܵܡܵܐ ܕܣܘܿܦ#106:7 ܥܸܒ݂ܪܵܐܝܼܬ ܒܡܲܥܢܵܝܵܐ: ܝܵܡܵܐ ܕܙܹܠܹ̈ܐ، ܘܦܝܼܫܬܵܐ ܝ݇ܕܝܼܥܬܵܐ ”ܝܵܡܵܐ ܣܡܘܿܩܬܵܐ“ ܒܝܲܕ ܐܲܨܲܚܬܵܐ ܝܵܘܢܵܝܬܵܐ. .
8ܐܝܼܢܵܐ ܦܘܼܪܩܲܝ ܠܹܗ ܒܘܼܬ ܫܸܡܹܗ،
ܠܡܲܕܘܼܥܹܐ ܓܲܢ݇ܒܵܪܘܼܬܹܗ.
9ܘܢܓ̰ܝܼܘ ܠܹܗ ܒܝܵܡܵܐ ܕܣܘܿܦ#106:9 ܥܸܒ݂ܪܵܐܝܼܬ ܒܡܲܥܢܵܝܵܐ: ܝܵܡܵܐ ܕܙܹܠܹ̈ܐ، ܘܦܝܼܫܬܵܐ ܝ݇ܕܝܼܥܬܵܐ ”ܝܵܡܵܐ ܣܡܘܿܩܬܵܐ“ ܒܝܲܕ ܐܲܨܲܚܬܵܐ ܝܵܘܢܵܝܬܵܐ. ܘܒܪܝܼܙ ܠܵܗ̇،
ܘܡܘܼܚܕܸܪܲܝ ܠܹܗ ܓܵܘ ܥܘܼܡܩܹ̈ܐ ܐܲܝܟ݂ ܕܐܸܢ ܓܵܘ ܒܲܪܝܼܵܐ.
10ܘܦܘܼܪܩܲܝ ܠܹܗ ܡ̣ܢ ܐܝܼܕܵܐ ܕܣܵܢܝܵܢܵܐ،
ܘܦܘܼܨܝܲܝ ܠܹܗ ܡ̣ܢ ܐܝܼܕܵܐ ܕܕܸܫܡܸܢ.
11ܘܟܘܼܣܹܐ ܠܗܘܿܢ ܡ̈ܝܼܵܐ ܠܡܲܠܝܸܨܵܢܲܝ̈ܗܝ،
ܚܲܕ ܡܸܢܲܝܗܝ ܠܵܐ ܦܝܼܫ ܠܹܗ ܫܒ݂ܝܼܩܵܐ.
12ܘܗܘܼܡܸܢܗܘܿܢ ܒܗܹܡܸܙܡܵܢܘܼ̈ܗܝ،
ܙܡܝܼܪܗܘܿܢ ܬܸܫܒܘܿܚܬܹܗ.
13ܓ̰ܲܠܕܹܐ ܢܫܹܐ ܠܗܘܿܢ ܦܘܼܠܚܵܢܘܼ̈ܗܝ،
ܠܵܐ ܣܦܝܼܪܗܘܿܢ ܠܡܸܠܟܹܗ.
14ܘܫܘܼܗܘܸܬ ܠܗܘܿܢ ܫܲܗܘܲܬܬܵܐ ܓܵܘ ܒܲܪܝܼܵܐ،
ܓ̰ܘܼܪܸܒ ܠܗܘܿܢ ܠܐܲܠܵܗܵܐ ܓܵܘ ܡܲܕܒܪܵܐ.
15ܘܝܘܼܗ݇ܒܸܠ ܠܹܗ ܐܸܠܲܝܗܝ ܛܠܵܒܬܲܝܗܝ،
ܐܝܼܢܵܐ ܫܘܼܕܸܪܹܗ ܒܲܓܝܼܪܘܼܬܵܐ ܒܓܵܢܲܝܗܝ.
16ܘܒܘܼܚܸܠ ܠܗܘܿܢ ܒܡܘܼܫܹܐ ܓܵܘ ܡܲܫܪܝܼܬܵܐ،
ܘܒܐܲܗܪܘܿܢ ܩܲܕܝܼܫܵܐ ܕܡܵܪܝܵܐ.
17ܦܬܝܼܚ ܠܵܗ̇ ܐܲܪܥܵܐ ܘܒܠܝܼܥ ܠܵܗ̇ ܠܕܵܬܵܢ،
ܘܟܘܼܣܹܐ ܠܵܗ̇ ܥܲܠ ܟܸܢܫܵܐ ܕܐܲܒ݂ܝܼܪܵܡ.
18ܘܛܦܹܐ ܠܹܗ ܢܘܼܪܵܐ ܓܵܘ ܟܸܢܫܲܝܗܝ،
ܠܵܗܵܐ ܠܒ݂ܝܼܟ݂ ܠܹܗ ܒܒܝܼܫܹ̈ܐ.
19ܬܘܼܪܸܨ ܠܗܘܿܢ ܡܘܼܓ̰ܵܐ ܓܵܘ ܚܘܿܪܝܼܒ݂،
ܘܣܓ݂ܝܼܕ ܠܗܘܿܢ ܠܨܲܠܡܵܐ ܪܸܡܝܵܐ.
20ܘܡܘܼܚܠܸܦ ܠܗܘܿܢ ܚܸܩܪܲܝܗܝ
ܒܕܘܼܡܝܵܐ ܕܬܵܘܪܵܐ ܐܵܟ݂ܠܵܢܵܐ ܕܓܸܠܵܐ.
21ܢܫܹܐ ܠܗܘܿܢ ܠܐܲܠܵܗܵܐ ܦܵܪܘܿܩܲܝܗܝ،
ܥܵܒ݂ܕܵܢܵܐ ܕܫܘܼܠܵܢܹ̈ܐ ܓܘܼܪܹ̈ܐ ܓܵܘ ܡܸܨܪܹܝܢ،
22ܥܵܓ̰ܸܒܘܵܬܹ̈ܐ ܓܵܘ ܐܲܪܥܵܐ ܕܚܵܡ،
ܣܲܗܡܵܢܘܼܝܵܬܹ̈ܐ ܒܝܵܡܵܐ ܕܣܘܿܦ#106:22 ܥܸܒ݂ܪܵܐܝܼܬ ܒܡܲܥܢܵܝܵܐ: ܝܵܡܵܐ ܕܙܹܠܹ̈ܐ، ܘܦܝܼܫܬܵܐ ܝ݇ܕܝܼܥܬܵܐ ”ܝܵܡܵܐ ܣܡܘܿܩܬܵܐ“ ܒܝܲܕ ܐܲܨܲܚܬܵܐ ܝܵܘܢܵܝܬܵܐ. .
23ܒܘܼܬ ܐܵܗܵܐ ܐ݇ܡܝܼܪܹܗ ܕܒܸܬ ܛܲܠܸܩ ܠܗܘܿܢ،
ܐܸܢ ܠܵܐ ܟܵܠܹܐ ܗ݇ܘܵܐ ܡܘܼܫܹܐ ܓܘܼܒܝܹܗ ܒܬܪܵܥܬܵܐ ܩܵܕ݇ܡܘܼܗܝ،
ܠܡܲܕܘܼܪܹܐ ܚܸܡܬܹܗ ܡ̣ܢ ܡܲܚܪܘܼܒܹܐ.
24ܘܡܘܼܣܠܹܐ ܠܗܘܿܢ ܠܐܲܪܥܵܐ ܫܘܼܗܘܸܬܬܵܐ،
ܠܵܐ ܗܘܼܡܸܢܗܘܿܢ ܠܚܲܒܪܹܗ.
25ܘܛܘܼܪܛܸܡ ܠܗܘܿܢ ܓܵܘ ܡܲܫܟܢܲܝ̈ܗܝ،
ܠܵܐ ܫܡܝܼܥ ܠܗܘܿܢ ܠܩܵܠܵܐ ܕܡܵܪܝܵܐ.
26ܘܡܘܼܪܸܡ ܠܹܗ ܐܝܼܕܹܗ ܥܲܠܲܝܗܝ،
ܠܡܲܢܦܘܼܠܲܝ ܓܵܘ ܒܲܪܝܼܵܐ.
27ܘܠܡܲܢܦܘܼܠܹܐ ܙܲܪܥܲܝܗܝ ܓܵܘ ܐܸܡܘܵܬܹ̈ܐ،
ܘܠܒܲܪܒܘܼܙܲܝ ܓܵܘ ܐܲܪ̈ܥܵܬܹܐ.
28ܘܬܒܝܼܥ ܠܗܘܿܢ ܠܒܥܸܠ ܦܥܘܿܪ،
ܘܐ݇ܟ݂ܝܼܠ ܠܗܘܿܢ ܕܸܒ݂ܚܹ̈ܐ ܡܘܼܩܪܸܒܹܐ ܠܡܝܼܬܹ̈ܐ.
29ܘܡܘܼܟܪܸܒ ܠܗܘܿܢ ܐܸܠܹܗ ܒܥܒ݂ܵܕܲܝ̈ܗܝ،
ܘܬܪܝܼܥ ܠܵܗ̇ ܒܝܼܲܝܗܝ ܡܚܘܿܬܵܐ.
30ܩܝܼܡ ܠܹܗ ܦܝܼܢܚܸܣ ܘܥܒ݂ܝܼܕ ܠܹܗ ܡܸܨܥܵܝܘܼܬܵܐ،
ܘܦܝܼܫ ܠܵܗ̇ ܡܘܼܟܠܝܼܬܵܐ ܡܚܘܿܬܵܐ.
31ܘܦܝܼܫ ܠܵܗ̇ ܚܘܼܫܒܸܢܬܵܐ ܐܸܠܹܗ ܠܙܲܕܝܼܩܘܼܬܵܐ
ܠܕܵܘܪܵܐ ܘܕܵܘܪܵܐ ܗܲܠ ܥܵܠܲܡ.
32ܘܩܲܡ ܡܲܟܪܸܒܝܼ ܠܹܗ ܥܲܠ ܡ̈ܝܼܵܐ ܕܡܪܝܼܒ݂ܵܐ،
ܘܗܘܹܐ ܠܵܗ̇ ܣܪܝܼܬܵܐ ܠܡܘܼܫܹܐ ܡܥܸܠܬܲܝܗܝ،
33ܣܵܒܵܒ ܡܘܼܟܪܸܒ ܠܗܘܿܢ ܠܪܘܼܚܹܗ،
ܘܒܘܼܠܒܸܠ ܠܹܗ ܒܣܸܦܘܵܬܹ̈ܗ.
34ܠܵܐ ܛܘܼܠܸܩ ܠܗܘܿܢ ܠܥܲܡܡܹ̈ܐ،
ܐܲܝܟ݂ ܕܐ݇ܡܝܼܪܹܗ ܡܵܪܝܵܐ ܐܸܠܲܝܗܝ.
35ܐܝܼܢܵܐ ܚܒ݂ܝܼܛ ܠܗܘܿܢ ܒܐܸܡܘܵܬܹ̈ܐ،
ܘܝ݇ܠܝܼܦ ܠܗܘܿܢ ܦܘܼܠܚܵܢܲܝ̈ܗܝ.
36ܦܠܝܼܚ ܠܗܘܿܢ ܠܨܵܢܲܡܲܝ̈ܗܝ
ܘܗܘܹܐ ܠܗܘܿܢ ܐܸܠܲܝܗܝ ܠܢܸܫܒ݂ܵܐ.
37ܘܕܒ݂ܝܼܚ ܠܗܘܿܢ ܒܢܘܿܢܲܝ̈ܗܝ ܘܒܢܵܬܲܝ̈ܗܝ ܠܫܹܐܕܹ̈ܐ.
38ܫܘܼܦܸܟ݂ ܠܗܘܿܢ ܕܸܡܵܐ ܙܲܟܵܝܵܐ، ܕܸܡܵܐ ܕܒܢܘܿܢܲܝ̈ܗܝ ܘܕܒܢܵܬܲܝ̈ܗܝ،
ܐܲܝܢܝܼ ܕܕܒ݂ܝܼܚ ܠܗܘܿܢ ܠܨܵܢܲܡܹ̈ܐ ܕܟܢܲܥܢ،
ܘܦܝܼܫ ܠܵܗ̇ ܟ̰ܘܼܦܠܸܢܬܵܐ ܐܲܪܥܵܐ ܒܕܸܡܹ̈ܐ.
39ܗܘܹܐ ܠܗܘܿܢ ܛܲܡ̈ܐܹܐ ܒܦܘܼܠܚܵܢܲܝ̈ܗܝ،
ܘܙܢܹܐ ܠܗܘܿܢ ܒܥܒ݂ܵܕܲܝ̈ܗܝ.
40ܒܘܼܬ ܐܵܗܵܐ ܚܝܼܡ ܠܵܗ̇ ܟܲܪܒܵܐ ܕܡܵܪܝܵܐ ܥܲܠ ܥܲܡܹܗ،
ܘܓܘܼܢܓܸܙ ܠܹܗ ܡ̣ܢ ܝܵܪܬܘܼܬܹܗ.
41ܣܘܼܦܝܲܝ ܠܹܗ ܒܐܝܼܕܵܐ ܕܐܸܡܘܵܬܹ̈ܐ،
ܘܗܘܼܟܸܡ ܠܗܘܿܢ ܥܲܠܲܝܗܝ ܣܵܢܝܵܢܲܝ̈ܗܝ.
42ܡܘܼܠܝܸܨܲܝ ܠܗܘܿܢ ܕܸܫܡܸܢܲܝ̈ܗܝ،
ܘܦܝܼܫ ܠܗܘܿܢ ܙܘܼܒܛܸܢܹܐ ܬܚܘܿܬ ܐܝܼܕܲܝܗܝ.
43ܪܵܒܵܐ ܓܵܗܹ̈ܐ ܦܘܼܨܝܲܝ ܠܹܗ،
ܐܝܼܢܵܐ ܐܵܢܝܼ ܥܒ݂ܝܼܕ ܠܗܘܿܢ ܡܵܪܘܿܕܘܼܬܵܐ ܒܚܘܼܫܵܒܲܝ̈ܗܝ،
ܘܦܝܼܫ ܠܗܘܿܢ ܡܘܼܟܸܦܹܐ ܒܥܵܘܠܲܝ̈ܗܝ.
44ܐܝܼܢܵܐ ܚܙܹܐ ܠܹܗ ܐܘܼܠܨܵܢܲܝܗܝ،
ܐܝܼܡܲܢ ܕܫܡܝܼܥ ܠܹܗ ܠܓܥܵܝܬܲܝܗܝ،
45ܘܒܘܼܬ ܕܝܼܲܝܗܝ ܕܟ݂ܝܼܪܹܗ ܘܲܥܕܹܗ،
ܘܦܫܝܼܡ ܠܹܗ ܐܲܝܟ݂ ܦܸܪܝܘܼܬܵܐ ܕܫܵܦܵܩܲܬܹܗ.
46ܘܝܘܼܗ݇ܒܸܠ ܠܹܗ ܐܸܠܲܝܗܝ ܪ̈ܲܚܡܹܐ،
ܩܵܕ݇ܡ ܟܠܲܝܗܝ ܠܲܒܠܵܢܲܝ̈ܗܝ ܠܐܲܣܝܼܪܘܼܬܵܐ.
47ܦܲܪܸܩ ܠܲܢ، ܝܵܐ ܡܵܪܝܵܐ ܐܲܠܵܗܲܢ،
ܘܓ̰ܲܡܸܥ ܠܲܢ ܡ̣ܢ ܐܸܡܘܵܬܹ̈ܐ،
ܕܫܲܟܪܲܚ ܠܫܸܡܵܐ ܕܩܘܼܕܫܘܼܟ݂،
ܕܫܲܒܚܲܚ ܒܬܸܫܒܘܿܚܬܘܼܟ݂.
48ܒܪܝܼܟ݂ܵܐ ܝܠܹܗ ܡܵܪܝܵܐ ܐܲܠܵܗܵܐ ܕܝܼܣܪܵܝܹܠ،
ܡ̣ܢ ܥܵܠܲܡ ܘܗܲܠ ܥܵܠܲܡ،
ܘܐܵܡܹܪ ܟܠܹܗ ܥܲܡܵܐ ܐܵܡܹܝܢ.
ܗܲܠܸܠܘܼܝܵܐ.
Currently Selected:
ܡܙܡܘܪ̈ܐ 106 (ܩܘ): ABTAB
Highlight
Share
Copy
Want to have your highlights saved across all your devices? Sign up or sign in
Aramaic Bible Translation Assyrian Bible © 2025 Aramaic Bible Translation