JOEL 1
1
1Aize Tingwang gu sam Pethuelbe na Joelbe dage wangchangbe ze de lei:
Penui gu Mâ-hîmra Tew’nsiakam’ndibe je Ziemmena Puîhapbe
2Aipau sam ’ngking le lau,
ningnui gechîngme gau,
heram ge bamme leine ’ngking gai lau!
Aigumbe ze mâdauge â,
ningnui ting ge mei nune ningnui peume ting ge mei ze wangchang gai de mei?
3Aipau rasam ze ningnui name je ranglia gai lau,
zai ningnui name ne peize penui name je ranglia gai lau,
zai penui name ne penui chai lungleîrabe rehei je du peize ranglia gai lau.
4Mâ-dûmbe tîngkau ne teu’nsakkaibe hekûmtîngkau ne teu ’ndi de lei.
Hekûm tîngkau ne teu’nsakkaibe kêdabe tîngkau ne teu ’ndi de lei,
zai pa’ngkit ne teu’nsakkaibe ze tinggûmbe ne teu kam ’ndi de lei.
5Ningnui kameneume gau,
’nrakchu ze hap zu lau;
hap’nrung zu lau,
ningnui wain sakme leine gau,
wain karchibe teleurabe hanggene grepchî ramme tew’nsia kam ’ndi daseu.
6Tîngkaudung ne anui ram je ka’nggi de lei,
penui ranchi zai sei de seikamchi lak lei;
penui gim ramme â makau gim ramme gum lei,
zai duiluipui gim ramme gum de lei.
7Penui ne a gu grepchîria ramme tew’nsia kam ’ndi de lei,
zai a gu ’mbeuchîbang gei ramme
kelauteu kam ’ndi de lei;
bekeî ramme ’nsangdu pegei gâuteu ’ndi ze pechingra hâ ze tuâ ’ndi de lei.
8Hap zu lau, ningnui ziemmename gau,
heleu’mpui ne miseigiriapaî bâ lu pe napeurabepeu chaidibe je puîhap gum zeu.
9Hera ki ge teiwang gai ra hang mâ-himlei benai sakrabe ga de lei;
Tingkume Tingwang guâ ka’ngguame hap te lei,
pei ra gadibe ziegeneu.
10Helu ramme hâmmuî ze ta de lei;
kedei ne kadesui de lei;
hemeu ramme tew’nsia kam ’ndi,
zai grepchî merie chai kam di,
zai olib bang ramme riamkeudibe ziegeneu.
11Desungra ze ningnui bam du lau,
Hei ningnui helu tâ tewme gau;
hap’nrung lau,
Hei ningnui grepchî merie reîme gau, dekuîmeu,
barlimeu zai mâ-hîmra ramme tew’ngga kam ’ndi daseu.
12Grepchî hiâm heguikeu de lei,
zai ’mbeuchîbang ’ngguaipeniak ta de lei.
Turiechî, mêupi,
appilchî helu rachî bang leine ’nsangdu huikeu kam de lei;
ziemmena dagene hesuiyibe huikeu de lei.
13Meseigiriapaî bâ ze desui zu lau,
Hei ningnui tingkume gau,
hap’nrung zu lau,
ningnui herâtewbe-kaira ge ka’ngguame gau.
Ningnui a Rapeu guâ ka’ngguame gau,
gut ze kemuîbe ting tâluî miseigiriapaî bâ ze desui lau!
Ning Rapeu ki ge kela teiwang ra mâ-himlei benai sakrabe ga di daseu.
14Ningnui teseureibe tew’nchi le lau,
’nsimrim ze wang’ndui ra kelau gai zu lau.
Gechîngme benai heram lungge lungme leine je Tingwang ningnui Rapeu ki ge kûwang’ndui gai lu ze Tingwang dage hap kai zu lau.
15Hei chipau mai hangge zeu!
Tingwang gu naimikpui â na di de lei;
mâgetaleitewchipeu Hera dagene tew’nggarabe wangchang gu daseu.
16Anui mikngau sing gene anui hetak anui dagene lutua ’ndi de mak mei?
Eu lei, hesuigut benai hesuiyika’ntabe anui Rapeu ki gene tew’ngga ’ndi de mak semei?
17Helei ramme â kebauchimgaibe lungge hui gai kam de lei,
hedua ramme ’nruahuang ze ta de lei;
’nseuki ramme riamkeu de lei,
chêu sia kam di daseu.
18Hekaune ramme ’nrakeleulia tai de lei!
Kauruidung du penui duângga di de lei,
penui deteurabe bâm hang ga di dadegeu;
Eu lei, melidung du lunghereu di de lei.
19Hei Tingwang,
Ning dage I hapka’nrung lei,
hemi ne hênamkang ge melitaning ramme rû kam ’ndi zai hemimelei ne helu ge hingbang ramme gapchat kam ’ndi daseu.
20Hênamkang ge hekaune ramme ne du ning dage hapka’nrung de lei:
’nggeuki ramme chip kam di,
zai penui taning hemi ne rûkam ’ndi daseu.
Currently Selected:
JOEL 1: ZEMEBSI
Highlight
Copy
Compare
Share
Want to have your highlights saved across all your devices? Sign up or sign in
Zeme Naga CL Bible - KEMCI BIBLE
Copyright © 2013 by The Bible Society of India
Used by permission. All rights reserved worldwide.
