HOSIA 14
14
Israelme je Hosiabe ne Kiambe
1Hei Israel gau,
ning Rapeu Tingwang dage helatwang zu lau,
ning gu hemui-helut gene nang kau di daseu.
2Sam ramme ning dage tei’mpam lu,
Tingwang dage helatwang zu lau;
pe dage pau gai ze,
“Hemui-helut leine lutua gai lau;
ka’nggia ze anui je lutau gai lau,
dezai anui mui ne hatkailube getumsei ramme anui peipat kai gu lei.
3Assiriaram ne anui je tew’nring gai ra mak lei,
hekun ramme ching ge anui chua ra mak lei;
zai anui batâ ramme je,
‘Anui Rapeu,’ ze acheu dai ta du de lei.
Ning dage ’nggiâne ne ngauka’nggiabe ngau lei,”
ze acheu lau.
Israelme hangge Keringbe Karchibe Tingwang ne Hatkaibe
4Penui keneibe ran-gabe ze I ne tew’mmi gai gu lei;
a lung leine ne penui je I hung gu lei,
penui dagene a râtabe sau dai de daseu.
5Israel hangge I ne kezikdui gum ze chang gu lei;
lilipâ gum ze pa pe pâ papat ku lei,
pa â Lebanon gum ze pema ’ntiprip ze bam gu lei;
6pepuâk ramme buapat ku lei;
pa peluîyibe â olib bang gum gu lei,
zai pa perîmyibe ze â Lebanon bang gum gu lei.
7Penui helatwang dai ze a kezui kangge ’nseu gu lei,
merie gum ze ringchim bam gu lei;
grepchî hiâm gum ze penui pa gu,
penui rîmyibe ze Lebanon gu wain gum gu lei.
8Hei Ephraim, heraluîtewbe ramme zene a hangge ’ndaikau chang ra lau?
Ning kuâ kak ze ningchu kereîpeu ze â I de lei,
I â ’ndiakri bambe chingkeleu bang gum lei,
a dagene ning rachî pat lei.
Kenuîgaibe Sam
9Kaningchingbe kau â,
airamme ze peize ’nningchi le lau;
keyi-kesia gepachibe kau â peize chiramme chî le lau;
Tingwang gu ’mpuî ramme â peling daseu,
zai ka’nzeibe kau â chipau ’mpuî ramme ge tat lei,
kane hedieka’ngkabe kau ramme â,
chiramme ne ’nrap lu kâu di de lei.
Currently Selected:
HOSIA 14: ZEMEBSI
Highlight
Copy
Compare
Share
Want to have your highlights saved across all your devices? Sign up or sign in
Zeme Naga CL Bible - KEMCI BIBLE
Copyright © 2013 by The Bible Society of India
Used by permission. All rights reserved worldwide.
