2 Tīmote Ko e Talateu
Ko e Talateu
Ko e konga lahi ʻo e Tohi Hono Ua meia Paula Kia Timoté ko ʻene ngaahi akonaki fakahangatonu kia Tīmote ʻi hono tuʻunga ko e kaungāngāue kei siʻi ange ʻia Paula pea ko hono tokoni. Ko e tefitoʻi kaveingá ko e faʻa kātakí. Naʻe fāleʻi mo fakalotolahiʻi ʻe Paula ʻa Tīmote ke ne tuʻu maʻu ai pē ʻi heʻene malangaʻi ʻa Sīsū Kalaisí, ke ne pipiki ai pē ki he akonaki moʻoni ʻo e Ongoongoleleí mo e Fuakava Motuʻá, mo fai hono fatongia fakafaiakó mo fakaʻevangeliló, neongo ʻene fehangahangai mo e ngaahi faingataʻá mo e ngaahi fakafepakí. Naʻe fakatokanga makehe ʻa Paula kia Tīmote ʻi he fakatuʻutāmaki ki ai haʻane ʻefihia ʻi he “faʻa ʻeke meʻá, ʻa ia ko e koto launoa pea ʻikai ha poto ʻi ai” (2:23), ʻa ia ʻoku ʻikai maʻu ai ha lelei, ka ʻoku holoki hifo ai ʻa e moʻui ʻa e kakai ʻoku fanongo ki aí. Naʻe fakamanatu ange ai pē ʻe Paula kia Tīmote ʻa e sīpinga moʻui mo e taumuʻa ʻa Paulá: ko ʻene tuí, ʻofá, fakamaʻumaʻú mo faʻa kātaki ʻi he fakatangá.
Ko e Kakano ʻo e Tohí Ko e Talateu 1:1-2
Ko e fakamālō mo e akonaki 1:3-2:13
Ko e faleʻi mo e fakatokanga 2:14-4:5
Ko e anga ʻo e moʻui ʻa Paulá 4:6-18
Ko e tātuku 4:19-22
Currently Selected:
2 Tīmote Ko e Talateu: TCNT
Highlight
Copy
Compare
Share
Want to have your highlights saved across all your devices? Sign up or sign in
Tongan Contemporary New Testament © Bible Society of the South Pacific, 2011.