ROM 4
4
Abraham siemtansahna etsahna
1Tuabang ahileh tahsa dan a ipu uh Abraham in amu tungtang, bang igenta diei le? 2Nasep zieh a Abraham siemtansah a na um hileh suon ding bang ahiei khat anei hi, hinanleh Pasian mai ah anei sih hi. 3#Siem. 15.6; Gal. 3.6Aziehpen Laisiengthou in bang ahiei agen? “Abraham in Pasian agingta a, tua ginna khu ama a dinga dihtatna a ngai ahi,” achi hi. 4Nasem mi thaman pen hepina a pieh ahi sih a, bat a ngai ahizaw hi. 5Hinanleh nasemlou a, Pasian ngaisah loute siemtangsahpa gingta zaw mi ginna khu dihtatna a ngai ahi. 6Mi, Nasep tellou a, Pasian in dihtat a angai mi hamphatna khu, David in zong:
7 #
Late. 32.1,2 “Dan bei a atatkhelnate uh ngaidam a um mite leh,
akhelna uh khumanga umte ahampha uh.
8Mangpa’n khelna nei a asimloute ahampha hi,
chiin ana gen bangin.”
9Ahileh tua hamphatna teptante tung maimai a um ahiei? ahisihleh teptan loute ding zong ahiei? Abraham ginna khu dihtatna a simtel ahi, ichi ngal uhi. 10Ahileh tuakhu bangchi kisimtel ahiei? ateptan nuain ahiei? ahisihleh ateptan masangin ahiei? ateptan nuain ahisih a, ateptan masangin ahizaw hi. 11#Siem. 17.10Aman teptan loua aum lai a, aginna zieh a amu dihtatna pen chiemtenain teptan ahizaw hi; teptanlou hinan u’leh, agingta zousie pa ahitheina dingin, dihtatna khu amaute dinga zong simtel ahitheina dingin; 12Tualeh teptan loute a dinga, teptante pa guoh ahisih a, ipu uh Abraham teptan lou a a um lai a, aginna nei banga neite pa zong ahi.
Ginna zieh a Pasian thuchiem tangtun sah ahi.
13 #
Siem. 17.4-6; 22.17,18; Gal. 3.29 Abraham leh ahah asuonte kunga leitung gouluo dinga thuchiem pen dan zieha chiem ahisih a, ginna a ditatna zieh ahi zaw hi. 14#Gal. 3.18Aziehpen dan zui mite gouluotu ding na hita u’leh, ginna pen bangmalou ahita dinga, thuchiem zong panna bei ahita ding hi. 15Aziehpen dan in Pasian thangpaina apieng sah a, dan umlouna ah dan bawsietna zong a um sih hi.
16 #
Gal. 3.7
Tuaziehin hepina zieh ahitheina dingin ginna ziehin ahi; hahlesuonte zousiein zong thuchiem khu pellou a amu na dingun; dan nei mite guoh hilouin i unpi ua ipu uh Abraham banga ginna nei zousie in zong amu ding uhi. 17#Siem. 17.5“Nam tampite pain ka hing bawlta hi, chia Laisiengthou a kigiel bangin;” agintatpa Pasian mitmu in ama eite pa ahita. Tua Pasian khu ahi, mishite hinna pie a, sil umloute nasan a umsa banga genpa. 18#Siem. 15.5Kinep huoi um vawtlou napi in, aman kinem tahin agingta a, nam tampite pa ahing hitheina dingin; “Tuabangin nahah nasuonte ahing hi ding chia kigen dungzuiin.” 19#Siem. 17.17Tualeh ginna a hatlou tuom louin, atahsa shisa banga um leh (ama khu kum za phiel ahita a), Sarah nauneiloua chiing zong angaituo vateh sih hi. 20Ginlelna ziehin Pasian thuchiem tahsang louin a um sih a, ginna ah ahat a, Pasian apahtawi hi. 21Tualeh Pasian in athuchiemsa khu atangtung sah thei hi chi theiin agingta hi. 22Tuaziehin aginna khu “Adihtatna a simtel ahita hi.” 23Ginna pen dihtatna a simtel ahi chi, “Ama zieh guoh a kigiel ahi sih a;” hinanleh eite a dinga kigiel zong ahi. 24I Mangpa Jesu mishi lah a kipat a kaithoupa Pasian igintatnain, eite zong iginna dihtatna in ahing simtelpieh mama ding hi. 25#Isai. 53.4,5Tua Jesu khu itatkhelnate ziehin piehkhietin a um a, tualeh siem itanna dingin kaithawin a um hi.
Zou CL Bible - LAISIENGTHOU
Copyright © 1992 by The Bible Society of India
Used by permission. All rights reserved worldwide.