ROM 3
3
Judaten dawnna agingta sih uh
1Tuabang ahileh, Judami in bang hamphatna ahiei anei tuom uh? ahisihleh teptan zong bang ahiei aphattuomna? 2Lam chintengah aphatuom hi; amasapen in Pasian kamsuohte amaute kunga kepsah a um hizieh in. 3Amaute lah a pawlkhat in gingta sihta u’leh bang achi diei? Agintat louna un Pasian ginumna bangmalou asuohsah diei? 4#Late. 51.4Suohsah lou e, Pasian khu midihtat hi henlen, michin zuou thei hizaw heh,
“Na thugen a siemtanga na um theina dingin,
thukhenpieh a na um chieng a zong,
na zaw theina dingin,”
chi a gel bangin.
5Hinanleh i dihtatna in Pasian dihtatna asuhlat hoi sem leh bang igenta diei? Pasian in itung ua athangpaina ahing tun sah chiengin, dihtatlou ahi diei? Mihing bangin ka gen ahi. 6Hivawtlou e, aziehpen tuabang hitaleh Pasian in leitung pumpi vai bangchin ahawmta diei?
7Ahivang in ka zuou gen zieh a, Pasian dihna, Ama thupina ding khop a alatsah sem leh, bang dinga kei mikhiel banga siemmaw tansah a um nalai ding ka hiei? 8Tualeh mi pawlkhat in ahing gensie ua, igenloupi ahing gensah bang ua, silhoi ahing pawt theina dingin sil hoilou i bawl ding uh bangding a chi zaw mailou ihi uoi? tuabang miten siemlou atan uh adih ahi.
Pasian mitmu in mi zousie akhiel ahi
9Tua ahileh bang? Amauh sangin eite i hoizaw tuon uh amah? Hoizaw mawngmawng lou! Judate leh Jentelte ani un khelna thunuoi ah a um siengta uh chiin kichientahin ingoh masa ta uhi.
10 #
Late. 14.1-3; 53.1-3 “Midihtat koima a um sih,
khat zong a um sih.
11A theisiem koima a um sih,
Pasian sui koima a um sih.
12A unpi un alampielmang siengta ua,
a unpi un phattuomna neilou asuoh siengta uh;
Koima silhoi bawl a um sih ua,
khat zong a um sih.”
13 #
Late. 5.9; Late. 140.3 “Alawl uh han kihong ahia,
a lei un solna thu agen ua,”
amuh uah gulgu a um hi.
14 #
Late. 10.7
“Akam uh hamselawna leh,
khatna in adim a,”
15 #
Isai. 59.7,8 “Akengte uh sisan suo dingin,
anawsuon uhi.
16Manthaina leh lungzinna,
alampi uah a um hi.
17Lungmuonna lampi,
athei sih uhi.”
18 #
Late. 36.1
“Amit uah Pasian ginna mawngmawng,
a um sih hi,”
chiin ana kigiel hi.
19Dan in sil bangpou agen pouma, kam chinteng hum a a um theina ding leh, leitung pumpi Pasian mai a mawtanga aum theina ding un, dan nuoi a umte kunga agen ahi chi ithei uhi. 20#Late. 143.2; Gal. 2.16Tuaziehin dan silbawlte ziehin, koima Pasian mitmu a siemtangin a um sih ding uh, aziehpen dan ziehin khiel kiphawhna ahing um zaw hi.
Khrist gintatna zieh a dihtatna
21Hinanleh tuin vang dan leh guolneiten atheipina bangun, dan loua Pasian dihtatna sulat in aumta hi. 22#Gal. 2.16Tampen Jesu Khrist gintatna zieha, agingta poumate dinga sulat a um, Pasian dihtatna khu ahi. Alamdanna tuom bangma a um sih hi. 23Aziehpen mi zousie in sil abawlkhielta ua, Pasian thupina atang zouta sih ua; 24Khrist Jesu a um tatna zala ahepina in manbei a siemtansah in a um uhi. 25Pasian thuohtheina zieh a nidanglai a akhelnate uh kitheimawbawla a um ziehin dihtatna etsahna dingin Khrist Jesu khu asisan a ginna zieh a khelna thupha tawina hi dingin Pasian in aguot a; 26Ama khu midihtat ahitheina ding leh, Jesu gingta poumate siemtangsahpa ahitheina dinga tulai hun a dihtatna etsahna ding ahi.
27Ahileh kisahtheina ding heiah a um ei? A um thei mawngmawng sih hi. Bang danin ahiei? danzuina silbawl in ahiei? Hilou, ginna dan in ahizaw hi. 28Tuaziehin dan silbawlte zieh hilouin, ginna ziehin mi siemtangin ingai uhi. 29Pasian khu Judate Pasian guoh ahiei mah? Jentelte Pasian zong hilou ahiei mah? Hi e, Jentelte Pasian zong ahi. 30#Danp. 6.4; Gal. 3.20Teptante agintatna zieh ua siem tangsah ding leh, teptan loute zong agintatna zieh ma ua, siemtangsah ding Pasian khat maimai a um hi. 31Ahileh ginna ziehin dan khu bangmalou isuosah uh ahiei mah? Suohsah vawtlou, dan khu isukip zaw uhi.
Zou CL Bible - LAISIENGTHOU
Copyright © 1992 by The Bible Society of India
Used by permission. All rights reserved worldwide.