MATHIU 23
23
Jesu’n laigiel mite leh Pharisaite ademna
(Mak. 13.1,2; Luk. 21.5,6)
1Tuachi’n Jesu’n mipite leh anuazuite kungah thu agen a, 2“Laigiel mite leh Pharisaite khu Mosi toupha ah atou uhi. 3Tuaziehin zui dinga ahing hil pouma uh zui unlen, bawl zel un, hinanleh amauh silbawl bang khu bawl sih un, amaun agen ua, abawl tuom sih uhi. 4Puohgih hasatah abawl ua mite liengkou ah apat ua, amaun lah akhutme khat un zong akhoi nuom sih uhi. 5#Mat. 6.1; Danp. 6.8; Kisim. 15.38A sil bawl zousie u’khu mihing mitmu ding a abawl uh ahi, asil bute#Asil buna puon mongte uh atuol sah uhi—Phylactaries (Eng) Danpieh thupite lai a kigiel puohna savun bawm. Pharisaite leh laigiel miten, aban u’leh atalpang uah akhi uhi. u’leh alutang ua akopte uh asulien ua apuon mongte uh atuol sah uhi. 6Pawi bawlna ah mun hoipen, kikhopna inn ah touna nuom pen, 7Van zuana mun a miten chibai abuh ua, Rabbi, Rabbi,#Rabbi Siepa ahisihleh Siepipa. chia ahat u’bang a ut sese uhi. 8Hinanleh noute pen Rabbi chiin um sih un, aziehpen na siepa uh khat a um, Khrist ngei khu ahi, tualeh noute pen sanggamta ngen na hi uhi. 9Leitungah koima pa chi sih un, aziehpen na Pa uh khat ahia, Ama van ah a um hi. 10Siepa chiin um sih un, aziehpen na siepa uh khat a um hi, Khrist khu ahi. 11#Mat. 20.26,27; Mak. 9.35; 10.43,44; Luk. 22.26Na lah ua thupipen khu, na nasem ua a umzawh ding ahi. 12#Luk. 14.11; 18.14Tualeh koipou akiliensah khu, suhneu ahi dinga tualeh koipou akingai neu khu tawisang in a um ding hi.
Jesu’n laigiel mite leh Pharisaite amawpaina
13“Hinanleh nou laigielmite leh Pharisai lepchiete aw, na tung uh agih hi van gam lampi mite na khah pieh ua, nouma lah na lut tuom sih ua, mi alut dingte lah na phal sih uhi. 14Nou laigiel mite leh Pharisai lepchiete aw, na tung uh agih hi! Aziehpen meithai innte na negam ua, mi solna dingin thungetna sawtpi pi na nei ua; tuazieh in mawpaina liensem na mu ding uhi.
15Nou laigielmite leh Pharisai lepchiete aw, na tung uh agih hi! Aziehpen phungkai khat bawl ding in, tuipi leh gam ah na zinkuol ua, ama na thuzawtah chieng un, ama khu noumate sanga ale nia gawtmun tapa in na bawl zel uhi.
16“Nou mitto lamkaite, koipou Pasian biehinn loua kichiem khu bangma ahisih a, hinanleh koipou Pasian biehinn a sana loua kichiem in, atangtun sah ding ahi chite aw, na tung uh agih hi. 17Nou mimaw leh mittote aw, sana leh sana siengthousah Pasian biehinn koizaw athupizaw ei? 18Tualeh koipou maitam loua kichiem khu, bangma ahi sih, hinanleh atung a um silpieh loua kichiem in, atangtun sah ding ahi, na chi uhi. 19Nou mimo leh mittote aw, silpieh leh silpiehte susiengthou maitam khu, heipen thupizaw ahiei? 20Tuaziehin koipou maitam loua kichiem pouma in maitam leh atunga um zousie louin akichiem ahi hi. 21Tualeh koipou Pasian biehinn loua kichiem khu, Pasian biehinn leh asunga um zousie lou in akichiem ahi hi. 22#Isai. 66.1; Mat. 5.34Tualeh van loua kichiem pouma khu, Pasian Mangtoupha leh atunga toupa lou a kichiem ahi.
23 #
Siempu. 27.30
“Nou laigielmite leh Pharisai lepchiete aw, na tung uh agih hi, aziehpen nouten leengmaselte leh pasikhawmte, tualeh Jirate, nangawn sawm a khat na pie ua, dan thu khawhzaw adih a thukhenna bang, khotuona leh gin umnate bang, na thusim sih uhi. Tamte ahi na bawl ding uh, adangte nelsie tuomlou in. 24Nou lamkai mittote, thousi hisienga, sangawngsau pumvalte aw.
25“Nou laigielmite leh Pharisai lepchiete aw, na tunguh agih hi! Nouten nou leh kuong pulam na silsieng ua, hinanleh asung lah lepguhna leh kidehlounain adim hi. 26Nou Pharisai mittote aw, nou leh kuong sunglam susieng masa un, tuachi’n apulam zong ahing siengthei ding hi.
27 #
Nasep. 23.3
“Laigielmite leh Pharisai lepchiete aw, na tunguh agih hi, noute pen han kizutngou apulam kilawmtah a kilang, asunglam lah mishi gu leh silnieh chintenga dim bang na hi uhi. 28Tuabangmain noute zong pulam ah mihing mitmu in dihtat bangin na lang ua, hinanleh na sunglam uh khu lepchiena leh gitlouna in adim hi. 29“Nou laigielmite leh Pharisai lepchiete aw, na tunguh agih hi, aziehpen guolneite han na bawl ua, midihtatte han zong na zem uhi, 30tualeh, ka pu ka pate uh damlaia na um hi u’leng, guolneite sisan asuona uah telkha lou ding hi ve ung na chi phuat uhi. 31Tuaziehin guolneite thatte tate na hi uh chi nouma leh nouma na kitheisah ta uhi. 32Tuachi’n na pu na pate uh gitlouna tena dan sudim vanglah un. 33#Mat. 3.7; 12.34; Luk. 3.7Nou gulte leh gul suonte aw, gawtmun thukhenna bangchiin na pel thei ding uoi? 34Tuaziehin, Ngai un, na kung uah guolneite, mipilte leh laigielmite, ka hing sawl ahi; alah ua kimkhatte na that ding ua, kros ah na khailia ding ua, kimkhatte na kikhopna innte uah, na jep ding ua, tualeh khochin ah na bawlgenthei ding uhi. 35#Siem. 4.8; 2 Khang. 24.20,21Tuachi’n midihtat Abel sisan kisuo apat, Pasian biehinn leh maitam kikal a Barakiah tapa Zekariah na tha uh sisan tandongin, leitunga midihtat sisan kisuo zousie na tung uah ahing tung thei ding hi. 36Chitahtahin ka hing hil ahi, tam silte zousie tulai khangthate tungah ahing tung ding hi.
Jesu’n Jerusalem akakhumna
37“Aw Jerusalem, Jerusalem, guolnei that a, na kunga ahing sawlte uh suonga na seplum! aapi in anoute ahalim nuoi a a opkhum bangin, ken zong na tate bangzatvei ahiei opkhum katum a, hinanleh na ut sih uhi. 38#Jer. 22.5En un, na inn uh ahawm a na kung ua nuasie in a umta hi. 39#Late. 118.26Na kung uah ka hinghil ahi, Mangpa min a hing pei ahampha hi na chi masangsie uh tukal na hing mu nawn sih ding uhi,” achi hi.
Zou CL Bible - LAISIENGTHOU
Copyright © 1992 by The Bible Society of India
Used by permission. All rights reserved worldwide.