WÜHKHE 29
29
Kamso Thünio Kingaün
(Lev 23.23-25)
1Khinu thünepü atan ni, nüsanü amüsüh amukhung laang, tüsho rhimo achak tümü she dürhimo. Nüsa thsungkheaknü ha nimung hulipungpung mütkhi nimung ah. 2Nüsanü Atungpuh kilim taka kingaünde arhümthüneashihpü ju: moshipung nunu 1, namfimihnupung 1, tüsho kam khülang bankhi namfimihnunu 7, jurübo alala lapha mükihkhi thsübeah. 3Jurü lungnü ayikangkang ching oliv müdangke yukbah hi kingaün jihpü: moshipung thsungkheak khahngak 3, namfimihnupung thsungkheak khahngak 2, 4tüsho namfimihnunu 7 abande khahngak 1; 5kheaküshe nüsa dünthsükhipü mihnupung 1 neak kingaün jihang; 6jurübo ju khinu aso ching hi taka kingaünkhi, mutukzhakde hi taka kingaünkhi, tüsho ayungbe kingaün, thiyuzüngbo yande monü taka kingaünkhinü Atungpuh kilim arhümthüneashang.
Dünthsükhi Kingaün
(Lev 23.26-32)
7Khinu thüne nimung thürüpü ching nüsanü amüsüh amukhung laang, nüsa me thsünüang#Yungsho khümkeak. tüsho rhimo achak tümü she dürhimo. 8Nüsanü Atungpuh kilim taka kingaünde arhümthüneashihpü ju: moshipung nunu 1, namfimihnupung 1 tüsho kam khülang bankhi namfimihnunu 7. Jurü alala lapha mükihkhi thsübeah. 9Ayikangkang ching oliv müdangke yukbah hi kingaünpü ju: moshipung thsungkheak khahngak 3, namfimihnupung thsungkheak khahngak 2, 10tüsho namfimihnunu 7 abande khahngak 1; 11kheaküshe neak kingaünpü mihnupung 1 mutukzhakde taka kingaün, hi kingaün tüsho ayungbe kingaün lungnü jihang.
Arüngkhimyam Thünio Kingaünbo
(Lev 23.33-44)
12Khinu thüne nimung thürükheak phüngü nipü nüsanü amüsüh amukhung laang, nüsanü rhimo achak tümü mürhimo tüsho nüsanü Atungpuh kilim nimung thüne thünio mungang. 13Nüsanü A TUN GPU H kilim taka kingaünde arhümthüneashihpü ju: moshipung nunu 13, namfimihnupung 2, tüsho kam khülang bankhi namfimihnunu 14. Jurü alala lapha mükihkhi thsübeah. 14Ju lung ayikangkang ching oliv müdangke yukbah hi kingaünpü: moshipung 13 abande khahngak 3, namfimihnupung 2 abande khahngak 2, 15tüsho namfimihnunu 14 abande khahngak 1; 16kheaküshe neak kingaünpü mihnupung 1 mutukzhakde taka kingaünkhi, hi kingaün tüsho ayungbe kingaün lungnü jihang.
17Mahne nipü moshipung 12, namfimihnupung 2, namfimihnunu kam khülang bankhi 14 lapha mükihkhi jihang, 18tüsho hi kingaünkhi, ayungbe kingaünkhi, moshipungbo, namfimihnupungbo tüsho namfimihnunu kheak lüpde ajihbebo arü wühkhe thiyuzüng yande jihang; 19kheaküshe neak kingaünpü mihnupung 1 mutukzhakde taka kingaün, hi kingaün tüsho ayungbe kingaün lungnü jihang.
20Nimung mahsam nipü ching moshipung 11, namfimihnupung 2, kam khülang bankhi namfimihnunu 14 lapha mükihkhi jihang, 21tüsho moshipungbo, mihnupung, tüsho namfimihnunu kheak lüpde ajihpü lakhi hi kingaün tüsho ayungbe kingaün arü wühkhe thiyuzüngbo yande jihang; 22kheaküshe neak kingaünpü mihnupung 1 mutukzhakde taka kingaünkhi, hi kingaün, tüsho ayungbe kingaün lungnü jihang.
23Nimung phüyipü ching moshipung 10, mihnupung 2 tüsho kam khülang bankhi namfimihnunu 14 lapha mükihkhi jihang, 24tüsho moshipungbo, namfimihnupungbo tüsho namfimihnunubo kheak lüpde hi kingaün tüsho ayungbe kingaünbo arü wühkhe thiyuzüng yande jihang; 25kheaküshe neak kingaünpü mihnupung 1 mutukzhakde taka kingaün, hi kingaün tüsho ayungbe kingaün lungnü jihang.
26Phüngü nipü ching moshipung 9, namfimihnupung 2, tüsho kam khülang bankhi namfimihnunu 14 lapha mükihkhi jihang, 27tüsho moshipungbo, namfimihnupungbo tüsho namfimihnunubo kheak lüpde ajihbe hi kingaün ju arü wühkhe thiyuzüng yande jihang; 28kheaküshe neak kingaünpü mihnupung 1 mutukzhakde taka kingaünkhi, hi kingaün tüsho ayungbe kingaün lungnü jihang.
29Athuruk nipü moshipung 8, namfimihnupung 2, tüsho kam khülang bankhi namfimihnunu 14 lapha mükihkhi jihang, 30tüsho moshipungbo, mihnupungbo, tüsho namfimihnunubo kheak lüpde hi kingaün ju arü wühkhe thiyuzüng yande jihang; 31kheaküshe neak kingaünpü mihnupung 1 mutukzhakde taka kingaün, hi kingaün tüsho ayungbe kingaün lungnü jihang.
32Athüne nipü moshipung 7, namfimihnupung 2, tüsho kam khülang bankhi namfimihnunu 14 lapha mükihkhi jihang, 33tüsho moshipungbo, mihnupungbo tüsho namfimihnunubo kheak lüpde hi kingaün tüsho ayungbe kingaün ju arü wühkhe thiyuzüng yande jihang; 34kheaküshe neak kingaünpü mihnupung 1 mutukzhakde taka kingaün, hi kingaün tüsho ayungbe kingaün lungnü jihang.
35Atizheah nipü ju nüsanü amüsüh amukhung laang, tüsho rhimo achak tümü dürhimo. 36Nüsanü Atungpuh kilim taka kingaünde arhümthüneashihpü ju: moshipung 1, namfimihnupung 1, kam khülang bankhi namfimihnunu 7 lapha mükihkhi jihang, 37tüsho moshipung, namfimihnupung tüsho namfimihnunubo kheak lüpde hi kingaün tüsho ayungbe kingaün ju arü wühkhe thiyuzüng yande jihang; 38kheaküshe neak kingaünpü mihnupung 1 mutukzhakde taka kingaün, hi kingaün, tüsho ayungbe kingaün lungnü jihang.
39Harü ha nüsa thiyuchihchim kingaün tüsho arung kingaün jihkhi lungnü taka kingaün tüsho hi kingaün, ayungbe kingaün tüsho mungtsü kingaünbo thsüde akhukhitkhi thünio kimbo ching nüsanü Atungpuh kilim jihang.
40Jumonü Atungpuhnü thiyukhüm jihkhi nangde Mosanü lüpdükhi Israel mihtsürübo ki thakham.
Currently Selected:
WÜHKHE 29: YIMCBSI
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
