JIHUSUA 21
21
Levirü Kiutobo
1Judüki Levirü limberübonü amükeambuh Eleazar, Nun tsührü Jihusua tüsho Israel trük guk ching akuthsürübo ki yü; 2Kanan lomi Shilo ching arünü arübo ki tha, “Isa lapung kiutobo, tüsho shiwüh akampü kimtsüh jihshihpü Mosa hode Atungpuhnü thiyukhüm jihdo.” 3Jumonü Atungpuhnü thiyukhüm jihkhi nangde Israelrünü kiutobo tüsho shiwühbo akampü mükeak arü yamrüplurüp chingnü Levirü kilim jih.
4Kohath guk kilim akhuhde ajihpü shihcham akhiuk. Jumonü amükeambuh Aron yamkhün chingnü atrükkhitrü Levirü kilim Juda, Simeon, tüsho Benjamin trük lomibo chingnü shihcham thsüde kiuto 13 jih. 5Aningkhi Kohath guk kilim Ephraim, Dan, tüsho aniyüzahlim lomibo chingnü shihcham thsüde kiuto 10 jih.
6Gershon guk kilim Issakar, Asher, Naphtali, tüsho Bashan ching lakhi aniakhiuklim Manase chingnü shihcham thsüde kiuto 13 jih.
7Merari guk yamkhün kilim Reuben, Gad, tüsho Zebulun lomibo chingnü kiuto 12 jih.
8 Atungpuhnü Mosa ki thiyukhüm jihkhi yande shihcham thsüde harü kiutobo tüsho rimlopung Levirü kilim Israelnü jih.
9Harübo ha Juda tüsho Simeon trükbo chingnü amung jide ha kiutobo jih, 10jurü ju Levirü kheaknü atrükkhitrü Kohath guk tüsho Aron tsühsoniusobo thsungkheak lakheah, tümütüsho akhuhde arü kilim jihpü azan thsükhit. 11Arü kilim Juda awung lomi ching lakhi Kiriath-arba (Arba ju Anak abuh), ju Hebron, ju mühi rimlopungbo bede jih. 12Tüshe kiutobo tüsho kiulongbo lubo ju Jephunne tsührü Kaleb kilim yamalo thsüshihpü jih.
13Amükeambuhnü Aron tsühsoniusobo kilim arünü mihtsürü laksahrü tsoyukpung kiuto jihkhi ju Hebron, Libna, 14Jattir, Eshtemoa, 15Holon, Debir, 16Ain, Jutta, tüsho Beth Shemesh: Juda tüsho Simeon trük chingnü kiuto 9. 17Benjamin trük chingnü rimlopungbo bebah ajihkhi: Gibeon, Geba, 18Anathoth, tüsho Amon; ju kiuto 4. 19Amükeambuh Aron tsühsoniusobo kilim rimlopungbo bede ajihkhi lo alalanü kiuto 13.
20Levi yamkhün ching Kohath guk püpürü kilim a Ephraim trük chingnü kiutobo jih. 21Arü kilim rimlopungbo bede ajihkhi ju: Ephraim awung lomi ching lakhi mihlaksahrü tsoyukpung kiutobo ju Shekem, Gezer, 22Kibzaim, tüsho Beth Horon, ju kiuto 4. 23Dan trük chingnü arü kilim rimlopungbo bede ajihkhi kiuto 4: Elteke, Gibbethon, 24Aijalon, tüsho Gathrimmon. 25Aniyüzahlim Manase lomi chingnü arü kilim rimlopungbo bede ajihkhi kiuto 2: Taanak tüsho Gathrimmon. 26Aningkhi Kohath guk yamkhünnü rimlopungbo bede alukhi kiuto alalanü 10.
27Levi trük püpürü Gershon guknü aniakhiuklim Manase trük chingnü kiuto 2 lukheah: Bashan ching yo Golan (tsoyukpung kiuto bolung khülang ah) tüsho Beeshtera, ju lung rimlopungbo she belah. 28Issakar trük chingnü kiuto 4 arünü alukhi: Kishion, Daberath, 29Jarmuth, tüsho Engannim, ju lung rimlopungbo she belah, 30Asher trük chingnü kiuto 4 arünü alukhi: Mishal, Abdon, 31Helkath, tüsho Rehob, ju lung rimlopungbo she belah. 32Naphtali trük chingnü kiuto 3 arünü alukhi: Galilee ching yo Kedesh (tsoyukpung kiuto bolung khülang ah), Hammoth Dor, tüsho Kartan, ju lung rimlopungbo she belah. 33Gershon guk yamkhün ahihkhühnü rimlopungbo bebah alukhi kiuto alalanü 13.
34Aningkhi Levirü Merari guknü Zebulun trük chingnü kiuto 4 lukhi: Jokneam, Karta, 35Dimna, tüsho Nahalal, ju lung rimlopungbo she belah. 36Reuben lomi chingnü kiuto 4 arünü alukhi: Bezer, Jahar, 37Kedemoth, tüsho Mephaath, ju lung rimlopungbo she belah 38Gad trük chingnü kiuto 4 arünü alukhi: Gilead ching yo Ramoth (tsoyukpung kiuto bolung khülang ah), Mahanaim, 39Heshbon, tüsho Jazer, ju lung rimlopungbo she belah. 40Junangde Levi yamkhün aningkhi Merari guk kilim kiuto 12 jihkheah.
41Israelrü lo phulungnü rimlopungbo bebah Levirünü alukhi alalanü kiuto 48. 42Ju mühi jurübo kiuto abande rimlopung lakheah; junangde kiuto abande alakheah.
Israelrü Lapung Lo ching Lakhamkhi
43Jumonü Atungpuhnü Israelrü jipürü ki tangzüngkhi nangde alo ju arü kilim jih. Küyimki arünü alo ju alukhea, arü ju ching laabah. 44Arü jipürü ki tangzüngkhi nangde Atungpuhnü lomi mühi alala ching mungtsü jih. Arü riri shenü lang she arü azhihde müzhipkhuk, tümüde thiriri alala Atungpuhnü Israelrü khah ching jih. 45Atungpuhnü Israelrü ki tangzüngkhi atsübo khülang lang she mülakphah; alala dünjido.
Currently Selected:
JIHUSUA 21: YIMCBSI
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
