JIHUSUA 19
19
Simeon kilim Jihkhi Lomi
1Mahnepü shihcham ju Simeon trük guk kilim jihpü akhiuk. Arü yamrüplurüp ju Juda trük yamrüplurüp ching lakheah. 2Yamrüplurüp lurübo ju Beersheba, Sheba, Molada, 3Hazar Shual, Bala, Ezem, 4Eltolad, Bethul, Horma, 5Ziklag, Beth Markaboth, Hazar Susa, 6Beth Lebaoth, tüsho Sharuhen: kiulongbo bebah kiuto 13.
7Ain, Rimmon, Ether tüsho Ashan: ju kiulongbo bebah kiuto 4. 8Ju kiutobo mühi kiulongbo Baalathbeer (ju Negeb ching lakhi Rama) khiunglah. Ha Simeon trük gukbo yamrüplurüp ah. 9Simeon trük yamrüplurüp ju Juda lomi chingnü lu; tümütüsho Juda trük thsungkheaknü khide tode alakheah, arü yamrüplurüp chingnü Simeon trük yamrüplurüp ngü.
Zebulun kilim Jihkhi Lomi
10Asampü shihcham ju Zebulun trük guk kilim jihpü akhiuk. Arü lukhi lo ju Sarid khiunglah; 11ju chingnü aredung ju aniyüzahlim wutubah Marala lim yülah, tüsho Dabbesheth hobah aniakhiuklim Jokneam yung khiunglah. 12Sarid kheaknü aniakhiuklim Kisloth-tabor aredung lim yü; ju chingnü Daberath khiung tüsho Japhia lim wutulah; 13ju chingnü aniakhiuklim Gathhepher tüsho Ethkazin lim yülah, tüsho Rimmon lim yüde Nea thrip hinglolah. 14Tüsho dukulim aredung ju Hannathon thrip anguhbah Iphtael jindükhün ching kheamlah; 15tüsho Kattath, Nahalal, Shimron, Idala, tüsho Bethlehem: kiulongbo bebah kiuto 12. 16Harü kiuto tüsho kiulongbo ju Zebulun trük guk kilim jihkhi yamrüplurüp ah.
Issakar kilim Jihkhi Lomi
17Aphüyipü shihcham ju Issakar trük kilim jihpü akhiuk. 18Ju ching bekhi ju Jezreel, Kesulloth, Shunem, 19Hapharaim, Shion, Anaharath, 20Rabbith, Kishion, Ebez, 21Remeth, Engannim, Enhadda, tüsho Beth Pazzez. 22Aredung ju Tabor, Shahazuma, Beth Shemesh, tüsho Jordan kheak arün ah: kiulongbo bebah kiuto 16. 23Harü kiutobo tüsho kiulongbo ju Issakar trük guk kilim jihkhi yamrüplurüp ah.
Asher kilim Jihkhi Lomi
24Aphüngüpü shihcham ju Asher trük guk kilim jihpü akhiuk. 25Ju ching bekhi ju Helkath, Hali, Beten, Akshaph, 26Allam Melek, Amad tüsho Mishal. Aniyüzahlim Karmel tüsho Shihor Libnath khiunglah; 27ju chingnü aniakhiuklim Bethdagon lim yübah Zebulun tüsho Iphtael jindükhün hobah dukulim Beth-emek tüsho Neiel lim yülah; ju chingnü ayükhi ju huzulim Kabul, 28Ebron, Rehob, Hammon, Kana tüsho Ato Sidon khiunglah; 29aredung ju chipi ayünkhi Tair kiuto khiungde Rama lim anguhlah; jushu Hosa thrip kiklobah Mediterranean keto ching arün ah. Ju ching bemurhukhi ju Mahalab, Akzib, 30Umma, Aphek tüsho Rehob: kiulongbo bebah kiuto 22. 31Harü kiutobo tüsho kiulong ha Asher trük gukbo kilim jihkhi yamrüplurüp ah.
Naphtali kilim Jihkhi Lomi
32Athurukpü shihcham ju Naphtali trük guk kilim jihpü akhiuk. 33Tüsho aredung ju Heleph kheaknü Zaanannim ching lakhi thülamdung hode, Adaminekeb, Jamnia, tüsho Lakkum khiung; tüsho Jordan kheaknü arün ah; 34ju chingnü aredung ju aniyüzahlim Aznothtabor thrip anguhlah, ju chingnü Hukkok lim yü, düjinglim Zebulun, aniyüzahlim Asher, tüsho Juda ju Jordan aniakhiuklim ah. 35Chipi ayünkhi kiutobo ju Ziddim, Zer, Hammath, Rakkath, Kinnereth, 36Adama, Rama, Hazor, 37Kedesh, Edrei, Enhazor, 38Iron, Migdalel, Horem, Beth Anath, tüsho Beth Shemesh: kiulongbo bebah kiuto 19. 39Harü kiutobo tüsho kiulongbo ha Naphtali trük kilim jihkhi yamrüplurüp ah.
Dan kilim Jihkhi Lomi
40Athünepü Shihcham ju Dan trük guk kilim jihpü akhiuk. 41Arü yamrüplurüp lomi ju Zora, Eshtaol, Irshemesh, 42Shaalbim, Aijalon, Ithla, 43Elon, Timna, Ekron, 44Elteke, Gibbethon, Baalath, 45Jehud, Beneberak, Gathrimmon, 46Mejarkon, Rakkon, tüsho Joppa mühi lomi. 47Küyimki Dan mihtsürübo arü lo dükheakkheanü arünü Laish ching yübah yan. Arünü ju yankhita lubah mihtsürübo nukshangnü laksah tüsho arü jipürü Dan mung jimulode kiuto ju Laish chingnü Dan de müthribah ju ching la. 48Harü kiutobo tüsho kiulongbo ha Dan trük kilim jihkhi yamrüplurüp ah.
Akheam Chamkhi Lo
49Israelrübonü aredung yeande arü yamrüplurüp chama lukhamshu, Nun tsührü Jihusua kilim arü bolung yamrüplurüp jih. 50Atungpuhnü thiyukhüm jihkhi yande apinü akheangkhi nangde: Ephraim awung lomi ching lakhi Timnath Sera jih. Apinü kiuto thrün tüsho ju ching la.
51Harü ha amükeambuh Eleazar, Nun tsührü Jihusua tüsho Israel trük guk limberübonü Shilo ching Atungpuh shorupung khimyam ripit kinü azan thsüde achamkhi yamrüplurüp ah. Junangde arünü alo chamkhi arün thsü.
Currently Selected:
JIHUSUA 19: YIMCBSI
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
