ISAIA 52
52
Thrünpuhnü Jirusalem Rhokhitbah
1Asürang, asürang, nü sühmüh zahang, O Zion!
Akheahakhamkhi nü khimmihbo yihang,
O Jirusalem, amüsüh kiuto,
tümüde tsütamübahkhi tüsho mümüsühkhi kheaküa nü lung mazah.
2Asungthulung chingnü nü dütrünang, asürang,
O aramkhi Jirusalem;
arhükkhibo nü hung chingnü trünang,
O aramkhi Zion tsührübe!
3Tümüde Atungpuhnü ha thachoh: Nü akeangkeang mo yinkheah, tüsho sho müjihde nü rhokhitbah. 4Tümüde Atungpuh Thrünpuhnü ha thachoh: Adüso, I mihtsürü khiungkerü thsüde Ijip ching lapü yüzah; Asiriarünü she amütsan mülade arü junokheah. 5Kheakü jumonü I ha ching tümü la, Atungpuhnü tha, amütsan mülade I mihtsürü bede atsokhea? Arü yakzanshuhrübonü keangrümünechoh, tüsho mutukzhakde nimungroro I mung mükhemükim thsüchoh. 6Jumonü I mihtsürünü I mung mükheahbah; jumonü ju nimung ching asukbuh ju I ah de arünü mükheahbah: Kheahang, ha I ah.
7Awungbo kheak mungtsü zhiyukrü jing küdükhüh she akhamla,
shepünü thiyusheak atsü handarücho,
shepünü akhümkhit zhiyukcho,
shepünü Zion ki thacho,
“ Nü Thrünpuhnü kiulongthsüchoh.”
8Aniang! Nü chipi aheangrübonü arü düsheak shuhkihchoh,
arü rukhühnü khün thsüde asühachihchoh;
tümüde arü müknü Atungpuh Zion ching alodarükhi ngülah.
9Rukhühnü khün thsüde zhiang,
nü athsümünimkhi Jirusalem;
tümüde Atungpuhnü api mihtsürü shukheamdo,
apinü Jirusalem rhokhitdo.
10 Atungpuh amüsüh khah trükshih alala miki akhiuka lah;
tüsho alomi alalanü isa Thrünpuh akhümkhit ngübah.
11Tsoang, tsoang, ha chingnü wukhiukang!
mümüsühkhi tümü düqiu;
nüsa sherünü Atungpuh pungphuru hanla,
ha bolung chingnü wukhiukang, nüsa tsangkhitang.
12Tümüde nüsa niokheamde muwukhiuk,
tüsho nüsa shande müyüzah;
tümüde Atungpuh nüsa müngüh yübah tüsho Israel Thrünpuh nüsa dunglim aheangrü thsübah.
Thsünükhi Yamlarü
13Kheahang, I yamlarü kukzamde alabah;
api shuhkihbah tüsho bekihbah tüsho khide achang labah.
14Mihtsürü ahihdonü api ngübah niuknim;
api jakphü ju mihtsürü kheaknü büthsüde tüsho trungdung ju mihtsürü kihode alakheah.
15Junangde apinü trükshih ahihdo müyinnimshihbah;
api dünkheaknü kiulongthsürübo arü mün yihdobah;
tümütüsho arü ki müthakhi arünü angübah,
tüsho arünü musokhi anikhitbah.
Currently Selected:
ISAIA 52: YIMCBSI
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
