EZEKIEL 2
2
Ezekiel Jikhi
1Apinü I ki tha, “Mihtsürü tsührü, zhipang tüsho inü nü ki asukanü.” 2Apinü asukkhi nangde, I kheak me arü tüsho I asürüshih, tüsho apinü I ki asukkhi inü so. 3Apinü tha: “Mihtsürü tsührü, inü nü Israel, I azhih trükshih kilim yüshihchoh; arü le arü bebuhrünü khihni khiungde I azhihde arüdo. 4Inü nü yüshihpung mihtsürü ju arhükrhük tüsho anihnih ah. Arü ki thaang, ‘ Wuto Atungpuh Thrünpuhnü ha thachoh.’ 5Tüsho arünü anini she yungsho manini she–tümüde arü ju azhihkhi yamkhün ah–arü bolung wukihrü lakheah de arünü amükheahbah. 6Tüsho mihtsürü tsührü, nünü arü ki yungsho arü yubo dütre. Nü mühide ayangsang tüsho ayangbo lalashe tüsho lungthsühribo lung nü lalashe nünü dütre. Arü ju azhih yamkhün thsüthsü she, arünü athakhi yungsho arünü müzünkhi dütre. 7Arünü anini she yungsho manini she nünü arü ki I yubo asukbeah, tümüde arübo azhihrü ah.
8“Tüshe mihtsürü tsührü, inü nü ki tümü thachonü aniang. Azhihkhi yamkhün nangde I dazhih; nü mün kaang tüsho inü tümü nü ki jihchonü tsühang.” 9Judüki inü kheah, tüsho I ki khah chunghuhkhi inü ngü, tüsho ju ching küpqiu khülang lakheah. 10Apinü ju I miki trün; ju thripkhüh thripkhüh tüzhokhi le mitripkhi tüsho ayokhe yubo thrüta lakheah.
Currently Selected:
EZEKIEL 2: YIMCBSI
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
